فاتحه الواتس فجأه ظهر لي رقم غريب فتحت الرساله مكتوب فيها ممكن اعتبر حالتك دي رد علي طلبي عرفتو ده حسام غلبني ارد عليهو بالكلمات رسلت ليهو اموشن القرد الخجلان 🙈 قال لي برضو ما فهمتك موافقه ولا لأ رسلت ليهو حسام انت فاهم بطل حركات 😒 قال لي خلاااص اعتبرتها ما موافقه قلت ليهو اي ما موافقه ورسلت ليهو وش صاري 😠 قال لي الله يصبرني عليك 😅 رسلت ليهو حسااااااااام من اولها كده 😏 قال لي اولها و اوسطها واخرها وما عندك مفر مني بس دقيقه دقيقه انتي مش المفروض تكوني في محاضره رديت ليهو اي بس الدكتور اعتزر بعد قرأ رسالتي طوااالي طلع من الواتس بعد شويه جاتني منو مكالمه قربت اجدع التلفون لفت هديل قلت ليها هاك ده اخوك ردي عليهو قالت لي اجييييش خلاص بديتو حبكانيات يا بت ردي ده تلفونك قلت الو مافي رد قلت الو برضو مافي رد والخط فاتح استغربته قلت حسام قال لي عيدي تاني قلت ليهو اعيد شنو 😳 قال لي اسمي قلت ليهو ابيت وبعدين ما بترد علي مالك من الاول 😒 قال لي كنت عايز اتأكد ده صوتك لاني ما مصدق قلت ليهو امممم ظريف قال لي بالمناسبه ما ضربت عشان اتونس معاك عايز اتأكد منك بالجد الدكتور اعتزر ولأ زي المره الفاتت طلعتو مطرودين قلت ليهو لا والله اعتزر وبعدين انت ما عندك محاضره ولأ شنو قال لي والله هسه شغاله بس كنت بدردش معاك في الواتس بتحت البينش شوفت حالتك وغلبني اصبر وهسه استأذنت من الدكتور وطلعت اتكلم معاك قلت ليهو خلاااص اقفل وعلي المحاضره قال لي يا سلااام يا سلاااام الادوار شكلها اتقلبت خلاااص نتلاقي بعدين وهديل شغاله تغمز لي ساااي 😉 بعد قفلت الخط حضنتني قالت لي وااااي يا شجن والله ما مصدقه قلت ليها والله انا زاتي ما مصدقه وسمر شغاله تقلب لينا في عيونها سااااي 😒
الدكتور جا داخل للمحاضره التانيه ونحن في المحاضره جاني اتصال من حسام صمتو ومنتظره لمتين المحاضره تنتهي عشان ارجع ليهو اصلا ما كنت فاهمه الدكتور بقول في شنو عقلي ويالي كان في دنيا فيها انا وحسام برانا بعد الدكتور انتهي وطلع ما صدقت اتصل علي حسام بس ما برد علي هديل قالت لي ارح نفطر قلت ليها ما جعانه امشي انتي بنتظرك هنا قالت لي عليك الله ارح ياااخ لم تشوفي الكافتريا بتجوعي قلت ليها ما عندي نفس قالت لي قصدك اخوي سد نفسك 😒 قلت ليها هو هسه ما راضي يرد علي قالت لي دي مشكله الحب خليك زيي حبي معدتك وعمرها ما بتخزلك يلااا نتلاقي هديل طلعت رجعت اتصلت علي حسام بس برضو ما برد قلت خلاص بكون في المحاضره ختيت راسي في البينش اسمع ليك صوت زول دق لي البينش رفعت راسي لقيتو حسام قلت ليهو ما بترد مالك😒 قال لي عشان كنت منتظرك بره بس انتي فشلتي المفاجأه يلااا هسه قومي ارح الفطور اديتينا الجوع قلت ليهو انت واختك شكلكم امس ما اتعشيتو الليله يعني ح تكملو الكافتريا قال لي ولو ما قمتي ح ناكلك انتي زاتك يلااا سريع منتظرك جنب الباب وهو طالع سمر داخله وقفتو سلمت عليهو قالت ليهو هديل تحت في الكافتريا جيت انا قبل ما حسام يرد عليها قلت ليهو انتهيت يلاااا واديتها ابتسامه ☺ بعد طلعنا حسام قال لي غايتو انتو يا البنات قعد يضحك وسكت قلت ليهو مالنا قال لي هسه تصرفك ده معاها عادي 😅 قلت ليهو اها وانت محامي دفاع ليها قال لي خلاص قبلتي علي طيب خلينا في موضوعنا اها رايك شنو قلت ليهو حسام قبيل رديت عليك قال لي لا حابي اسمعها منك يلاااا انجزي قلت ليهو طيب موافقه وتاني ما بعيده 😑 قعد يضحك قال لي ربنا يقدرني واسعدك وانا ساكته ونحن نازلين لاقانا صاحب حسام شاغل حسام بعد مشي قلت لحسام قبيل عشان ما سلمت عليهم قالو لي عشان حسام ما معانا قال لي اي عاااادي اصلا عارفين علاقتنا قبل ما نعترف بيها لبعض وطوااالي بشغلوها لي معقول الحب بفضح الزول كده اداني ابتسامه 😉 انا فضلت ساكته ومدنقره راسي لحدي ما وصلنا الكافتريا هديل قالت لي ما قلت ما جعانه ولأ ناس تجي معاهم وانا لا غااايتو 😏 يا حليلك يا هديل باعووك في ثانيه حسام قال ليها وانتي منو اصلا قالت ليهو بالمناسبه انا ما قاعده اتكلم معاك ولأ عايزه معاك كلام 😒 قال ليها مالك يا بت 😳 قالت ليهو مالك ما كلمتني بموضوعك انت وشجن قال ليها لاني ما كنت متأكد من موافقتها وبعدين عارف شجن ما بتقصر بتكون كلمتك اها عايزين شنو هديل قالت ليهو يا سلااام عازمنا ولأ شنو قال ليها بس الليله يعني ما تتعودي وهي ما صدقت شغاله تطلب اتلفت قال لي اها وانتي هزيت ليهو براسي لااا ناول هديل القروش قال ليها امشي اشتري وتعالي قالت ليهو بس قول عايز تخارجي منكم قال ليها بالظبط كده قالت ليهو طيب عايزين شنو عاين لي واتلفت قال ليها اشتري لروحك هديل مشت وفضلنا ساكتين لمده خمسه دقايق هو يعاين لي وانا مدنقره قال لي للمره الاخيره بسألك عايزه شنو تاني هزيت ليهو راسي لااا قال لي طيب المشكله وين لييه ما بتقبلي عزومتي قلت ليهو لانو طبعي كده ما بقبل حاجه من زول قال لي قرارك صح بس بتعتبريني انا زي اي زول 😒 كلا
