الصباح ونحن ماشين المستشفي جود اتشبكت فيني الا تمشي معاي هي تبكي وانا ابكي 😭 خليناها مع هديل وطلعنا وصلنا المستشفي وكل دقيقه كنت بضرب لـ هديل اطمن عليها لحدي ما دخلوني للولاده والناس كلها كانت متوتره 😢 وخاصه حسام بالرغم من انو وعدني يكون معاي لآخر لحظه بس ما استحمل يشوفني وانا بتألم طلع خارج المستشفى لحدي ما جا طالع الدكتور من غرفة الولاده والدكتور بارك ليهم المولود جبت احلي ولد وشفت الفرحه في عيون الكل 😍 حسام جا داخل قال لي حبيبي انتي كويسه قلت ليهو لاااا 😔قال لي بخلعه مالك حاسه بشنو 😢 قلت ليهو حاسه اني عايزه اطير من الفرح قال لي حرام عليك خوفتيني عليك ان شاء الله دايما مبسوووطه 😘 همس لي في اضاني فرحتي بفرحتك انتي اكبر من فرحتي بالمولود ما كنت ح ارتاح لو ما جربتي احساس الأمومه الحقيقي بس الحمد لله ربنا استجاب وباسني في جبيني 😘 هديل جات داخله قلت ليها لييه ما جبتي معاك جودي 😢 قالت لي قلت اصلا بكره انتي طالعه ولو جبتها ما ح ترضى ترجع معاي عشان كده اتسحبت منها براحه من غير ما تعرفني وفعلا اليوم التاني رجعت البيت بعد ما رقدت في السرير امي جابت جواد ( سميناهو جواد ) ختتو لي في حضني جود جات داخله الغرفه قلت ليها جودي اجري تعالي وقفت جنب الباب ورفضت تجي وشغاله تحمر لي ساااي وتعاين للـ بيبي 😒 قلت ليها تعالي سلمي عليهو وكأني ما بتكلم معاها بس صاره لي وشها و واقفه جنب الباب 😠 قلت لـ حسام جيبها لي شالها قال ليها تعالي لـ ماما قعدت تبكي وترفس برجلها ما عايزه تجيني في اللحظه دي فرحتي مسخت علي اول مره جود ترفض تجيني 😔 قلت لـ حسام خليها بس نادي لي امي دقيقه .. امي جات قلت ليها شيلي جواد من جنبي امي اتخلعت قالت لي اجييي 😳 كيف اشيلو من جنبك اوديهو وين قلت ليها امسكي دقيقه جود زعلانه بس ارضيها وجيبي راجع قالت لي خليهو بقنع جود تجيك وجود شغاله تعاين و واقفه جنب الباب امي مسكتها من يدها قالت ليها تعالي لـ ماما شوفي البيبي حلو كيف بقت تكورك مام مام مام 😭 قلت ليها خليها تعالي شيلي جواد امي شالتو قلت ليها جودي حبيبتي تعالي ولسه صاره لي وشها 😒جيت اقوم غلبني في اللحظه دي حسام جا داخل ساعدني مشيت ليها بس غلبني ادنقر ليها مسكتها من يدها واخيرا رضت تجي معاي السرير قلت ليهو شوفتي البيبي حلو كيف قالت لي بصره ما حلو ما حلو 😠 عرفت مشكلها جواد لسه ما اتقبلتو قلت ليها بس جود حلوه واول ما رقدت قلت الـ ح يرقد جنبي منو يرقد البيبي قالت لي لع 😠 وجات رقدت في حضني زي ما متعوده 😍
امي جات شايله جواد قالت لي شجن حرام عليك الولد يبكي شكلو جعان الله بسألك منو 😒 قلت ليها وجود يتيمه برضو الله بسألني منها عشان كده احسن الله يحاسبني علي حقي ما علي حق الناس بعد جود نامت في حضني حتي شلت جواد وطوالي كنا بالطريقه دي 😅
بعد الاربعين رجعنا بيتنا يوم وانا شايله جواد بنوم فيهو جات جود داخله من شافتني صرت وشها 😒 قالت لي تول ليهو دِح ماما تول ليهو دِح قصدها لجواد قلت ليها شوفي حلو قالت لي لا ما حلو دح تول ليهو توم شلت جواد ومسكت جود من يدها خلاص تعالي نودي لحبوبه نزلت لخالتو نوره تحت قلت ليها امسكي جواد لحدي ما انَوم جود واجي اشيلو ☺ قالت لي جود من حبها ليك غارت من جواد قلت ليها اي حسام قال لي شجن البنت دي ح تخربيها بالدلع 😒 قلت ليهو اصلا عمرها ده عمر الدلع خالتو نوره قالت لي والله يا شجن لم عرفت انك حامل زي ما فرحت ليك زي ما شلت هم جود قلت بعد تجيبي طفل من بطنك ح تتخلي عنها بعد ما اتعلقت بيك وجود ح تدخل في حاله نفسيه 😔 قلت ليها استحاله اسيبها جود دي حياتي كلها قالت لي من يومك واااعيه وبت اصول 😘 ربنا يحفظهم ليك ان شاء الله قلت ليها اللهم اميييين 😍 طبعا جود حتي لو كانت بتلعب اول ما تشوفني شايله جواد ترمي اللعبه وتقول لي ماما ثيني عايزه انوم عشان اخت جواد واشيلها وفعلا ده البحصل بعد نومتها جا حسام قال لي روحي انا حبوبة جود تحت وعايزه تسلم عليها انا افتكرتها خالتو نوره قلت ليهو غريبه هسه كانت بتلعب معاها تحت وهسه يا دوووب حممتها ونامت 😓 قال لي دي ما امي دي ام سمر عايزه تسلم عليها ولو قلنا ليها نايمه ما بتصدقنا ح تفتكر اننا مانعنها ليها عشان كده جيبيها هي نايمه بنتكلم كده باب الشقه دق حسام فتح الباب قال ليها اتفضلي يا خالتي دي ام سمر غلبها تصبر لحدي ما ننزل ليها 😒 لبست توبي وطلعت ليها وكـالعاده سلمت علي باطراف اصبعها ولوت خشمها 😏 وانا بستقبلها عشان خاطر جود اول ما قعدت قالت وين جود حفيدتي قلت ليها هسه بجيبها ليك قالت لي وجيبي معاها شنطتها طوالي انا وحسام اتخلعنا 😳 قلت ليها حابه تسوقيها يومين قالت لي لااا ح اسوقها تقعد معاي العمر كلو سمر ادتك ليها اساس ما عندك طفل بس هسه عندك جواد عشان كده ح اسوقها حسام قال ليها انتي ناسيه اني ابوها ومن حقها تعيش معاي 😒 قالت ليهو بس انت معرس وبي ولدك ومرتك انا دخلت الغرفه خليتهم يتناقشو شلت جود ضميتها علي شدييييد ودموعي جرت في اللحظه دي جود صحت اصلا نومها خفيف شلتها وطلعت بيها قطعت نقاشهم قلت ليها يا خالتي دي جود وانا ما عندي مشكله تمشي معاك حسام اتخلع من كلامي 😳 قلت ليها بس بشرط انها تطلع معاك من الباب ده بكامل رضاها يعني عايزه اشوفها وهي بتضحك لأخر لحظه كده ممكن اطمن انها ح تعيش معاكم وهي مبسوطه لأنو دي بالنسبه لي أمانه بس لو رفضت اتأكدي تماما تشيلي روحي قبل ما تسوقيها وهي بتبكي جات قلعتها مني قالت لي اي ح تعيش معاي مبسوطه مش انا حبوبتها 😏 جود خافت من الطريقه الشالتها بيها بقوه قعدت تبكي ماما ماما وتأشر عايزاني قالت ليها انا حبوبتك وجود تبكي مشيت شلتها منها قلت ليها بعد ده الا تشيلي روحي انا اول حتي تسوقيها معاك وانا ما بمنعك انك تشوفيها في اي زمن ده من حقك بس يا ريت ما تخليني افقد شوية الاحترام الـ بينا عشان خاطر روح سمر وجود وعن اذنك داخله انومها والبيت بيتك 🙂 حسام قال ليها ويا ريت تاني لم تجي تشوفي جود اكون انا موجود ما تجو من وراي وتتصلي قبل ما تجي 😒 بعد طلعت حسام جا داخل الغرفه قال لي شجن قلت ليهو حسام وطي صوتك جود نامت قال لي انتي كيف تعملي كده كيف يعني عايزه تديها جود 😠 قلت ليهو اهدأ انا استحاله اديها ليها عملت كده عشان اثبت ليها انو جود راحتها هنا قال لي انتي كيف تخاطري كده افرضي انها في اللحظه دي ما بكت موقفك كان ح يكون شنو قلت ليهو سومي اول اهدأ وما تنسى اني انا المربيه جود يعني عارفه طبعها وبعدين زي ما قلت ليها تشيل روحي اول قبل ما تشيلها وممكن اتبرع ليها بـ جواد قبل ما اتنازل ليها عن جود 🙁 حسام اتفاجأ من كلامي وضماني عليهو قال لي حبيبي انا والله انتي كل يوم بتكبري في نظري اكتر ربنا يقدرني واعوضك جزء بسيط من تعبك معانا قلت ليهو وجودكم حولي بالدنيا 😍 قال لي قلبوشتي انتي 😘
