عدت الايام والـ 3 شهور وفضل للعرس اسبوع 😍 هديل ما قصرت جات قعدت معاي حتي السوق كانت بتمشي معاي تعبت والله كأنها اختي ما اخت حسام قبل العرس بيوم اتصل علي حسام واول ما فتحت الخط قال لي كلها ساعات وتبقي حلالي واغمض وافتح والقاك جنبي غلبني ارد عليهو 🙈 قال الو قلت ليهو سامعاك قال لي طيب ما بتردي لييه خجلانه يعني قلت ليهو حسام بطل ياااخ 🙈 قال لي خلاص طيب وصفي لي احساسك شنو قلت ليهو ما عارفه قال لي زول بكره عرسو وما عارف احساسو شنو 😒 متوقعك تقولي لي فرحااانه مبسوووطه حاسه بروحي طايره في السحاب من الفرح بس يا خساره لو كان في كورسات رومانتك كان دخلتك فيها كورس شهر قلت ليهو حيوان خلاص الغي العرس لمدة شهر وانا بدخل كورس قال لي ولييه الخساره دي قدامك استاذ شاااطر يعلم ليها انتظري يوم بكره بعلم الرومانتك نظري وعملي ما كضبت طوااالي قفلت في وشو الخط 😅 تاني اتصل علي بس ما رديت عليهو دخلت الواتس مرسل لي نشوف بكره تاني بتقفلي الخط فيني كيف رديت عليهو بكره ح اقفل منك الباب مش الخط قال لي لااا منك خوف 😳
اصبحنا الصباح و بديت احس بالتوتر وكل ما الزمن يمر توتري بزيد مشيت الكوفير معاي هديل وريم بنت عمتي بعد صلاة الجمعه اتصل علي ابوي قال لي مبروووك بتي وحبيبتي طبعا في اللحظه دي دموعي جرت وغلبني اتكلم معاهو ريم شالت مني التلفون واتكلمت معاهو هديل قالت لي كده اقول ليك مرت اخوي بأعلي صوت وحضنتني قالت لي كان ح اقول ده ما وقت انك تبكي بس اتزكرت دي دموع الفرح 😍 بس خلاص اسكتي عشان عيونك ما تورم وتحمر تلفوني اتصل ريم قالت لي واااي ده حسام 😍 قلت ليها ما تردي عليهو هديل قالت لي كيف يعني ما ترد 😒 قلت ليها والله ما قادره اتكلم معاهو تاني اتصل في تلفون هديل ردت قال ليها بتصل علي شجن ما بترد قالت ليهو والله ما بتقدر تتكلم معاك قال ليها لييه 😳 قالت ليهو اتصل ابوها يبارك ليك اتجرست ودموعها جاريه ما عايزه تقيف ناولتني التلفون قالت لي هاك عايزك مسكت التلفون قال لي هسه ابدأ ليك بشنو جهجتي كلامي ما عارف اقول ليك مبروك لينا ولأ اقول ليك بتبكي لشنو 😒 طيب نبدأ بالبكا لو بتبكي عشان اهلك اتأكدي تماما عمري ما ح ابعدك منهم اي لحظه تقولي لي ماشه قبل تتمي كلامك تلقي روحك جنب بابهم وزي ماهم اهلك من اللحظه دي بقو اهلي يعني بدل عندهم بنت واحده بقى عندهم بنت و ولد وفي نفس الوقت راجل بنتهم تماااام كلامو ده شويه طمني قال لي انا الحاله قلت اضرب اتغزل في مرتي حلالي 😍 تقومي تقلبيها لي نكد قلت ليهو حسام قال لي خلاااص خلاااص سكت يلااا لبعدين قفلت الخط بس بعد مكالمتو ارتحت ...
المسا جا ساقني وصلنا الصاله دخلت بزفة اكملت بيك انا نص ديني 😍 واول ما شوفت امي وابوي دموعي جرت المشكله ما هنا المشكله مثبتننا في الشاشه وحسام بمسح لي في دموعي وبيدو التانيه ماسكني خجلت ليك يا روحي 🙈 همس لي قال اتفقنا قبيل علي شنو سكت وقعدنا في الكوشه فجأه الدكاتره كلهم لقيتهم حضور وجو باركو لينا قلت لـ حسام دي صاله ولأ قاعة جامعه لييه ياااخ عزمتهم قال لي معقول ما اعزمهم كنت معاهم من طالب وسنتين شغال معاهم وما عايزاني اعزمهم وبعدين ما تخافي ده عرسك يعني ما في زول ح يطردك منو زي المحاضره يا سلااام علي ابتسامتك 😍 حسام هجج في الحفله مع اولاد اهلو واصحابو وانا شغاله بس صفيق والله يبارك فيك صحباتي زاتهم ما قصرو هججو بس سمر ما جات وكنت عازاها وبدعى ربنا يرزقها بزوج يسعدها مدى العمر 😔 بعد الحفله انتهت وعملو الجرتق قلت لـ حسام خلاااص اي واحد فينا يرجع مع اهلو وبكره تعال سوقني قال لي رايك شنو اخليك عند اهلك طوالي 😒 قلت ليهو تكون ما قصرت قال لي بتحلمي ولا دقيقه ما بنقعدها بعد ده يلااا ارح ودعنا اهلنا ابوي قال ليهو ما اوصيك عليها قال ليهو انا زاتي ما محتاج توصيه وركبنا العربيه حسام كسر الصمت قال لي اها تعليقك في الحفله شنو ان شاء الله عجبتك قلت ليهو ما فهمت فيها اي شي مع الدكاتره العازمهم ديل والله اتوقعت في اي لحظه يقولو لي شجن قومي جاوبي علي السؤال ده قعد يضحك قال لي خلاص نعيد العرس تاني وما نعزمهم وصلنا الفندق واول ما دخلنا الغرفه وحسـام قفل الباب هنا حسيت بالتغيير والخوف اتملكني تماما وشايفاها غريبه يتقفل علينا باب تحت سقف واحد حسام قال لي صليتي العشا قلت ليهو اي صليتو في الصاله 😒 قعد يضحك قال لي ما معروف ح اقص ليك لسانك ولأ ح اتعود علي طولو كده 😅 دخل اتحمم وجا صلى بعد انتهى دخلت اتحممت وبديت اصلي وهو منتظرني في الكرسي صليت العشاء والشفع والوتر وانا بصلي بالي كان مشغول في البحصل بعد كده والله صليت كيف وبياتو سوره والله زاتو ما عارفه وتاني صليت ركعتين ده كلو عشان اضيع الزمن وهو قاعد منتظر بعد الركعتين ما لقيت تاني حيله غير اقعد ادعي 😅 فضلت قاعده في المصلايه نص ساعه وشغاله ادعي وقلبي في مكان تاني وده كلو بسبب التوتر حسام حس بي جا قومني من المصلايه قال لي لو بتدعي لكل المسلمين بالاسم واحد واحد كان انتهيتي 😅 فك مني التوب 🙈 وانا سااااكته زي البكماء مسك يدي لقاها تلج قال لي شجن ما في داعي للخوف ده كلو انا حسام زاتو البتكاويهو وبتهظري معاهو ولم يغيظك بتقولي ليهو حيوان 😘 ومافي حاجه ح تحصل حياتك زي ما هي ما ح تتغير كتير اسمك ياهو اسمك اضافه ليهو كنية زوجة حسام و قبل كده مش قلت ليك في مكان الاخ تلقيني اخوك يلااا الليله اعتبريني زي اخوك ح نعيش اخوان لحدي ما نتعوض علي بعض تمااام كده وانا منزله راسي رفعو بيدو قال لي سمعتيني هزيت ليهو راسي اااي قال لي طيب تعالي لحضن اخوك بعد حضني قال لي يااااه ضربات قلبك هنا سامعها البشوف طول لسانك ما يشوفك وانتي متوتره وخايفه 😅 قلت ليهو المشكله تاني امي وابوي ح يقعدو براهم قال لي خلاااص ارجعك ليهم ضربتو في كتفو قلت ليهو كيف ترجعني 😒 قال لي ايووه كده خليك ريلاكس وبعدين بهظر معاااك بس اطمني ما ح يقعدو براهم كل يومين ح اوديك ليهم بس خليك عارفه تمشي وتجي معاي الحجل بالرجل يعني مافي قصة خليني اقعد يومين وكده قلت ليهم بس البيت ح يكون فاضي بالنسبه ليهم قال لي حبيبتي دي سنة الحياة طبعا اول مره يقول لي حبيبتي 😍 و واصل كلامو حتي امي وابوي في يوم ح يكونو براهم لم هديل تتزوج و بعدين القال ليك منو ح يفقدوك ابوك زاتو ارتاح منك وابتليت بيك انا قلت ليهو ابتليت بي مش كده طيب زح مني 😒 قال لي خلااص خلاااص لو بتزعلي بسهوله كده معناها كل دقيقتين ح تزعلي مني يلااا بعد ده تعالي ننوم لي يومين ما نايم اها ح تستقبليني معاك في السرير ولأ لسه متوتره انوم في الكرسي ابتسمت قلت ليهو مافي طريقه تحجز ليك غرفه تانيه قال لي حيوانه غلطان انا البستشيرك 😅 نومنا علي كده اصبحنا الصباح .....
