طلعنا لقينا سمر قاعده في الصاله لم شوفتها لم اتحرجت وكلو بسبب الحيوان ده وهو ولا هاميهو صبح عليها وعاين لي وابتسم 😊 قال ليها سمر مالك ما عملتي الشاي قالت ليهو بزهج ما عملتو 😒 قلت ليها ما مشكله انا هسه بعملو عملت الشاي ناولت حسام الكبايه وسمر قالت ما عايزه قال لي وانتي قلت ليهو هسه ما عايزه قال فاكرني ح احنسكم وفرتو شرب الشاي وطلع قلت ألطف الجو قلت لـ سمر الحمد لله طلع بعد ده نشرب الشاي انا وانتي برانا بمزاج 😍 قالت لي اشربي انتي انا ما عايزه 😒 قلت ليها انتي زعلانه عشان حسام صح والله انا وقبل اتم كلامي قالت لي اصلا لو عايزاهو ليك براك ما كان ترضي تعرسي ليهو ولأ عايزه تعرسي ليهو في الورق وفي الواقع يكون ليك وبس وانا اعيش معاهو زي اختو 😏 قلت ليها والله ما كده والله لم جاني كنت نايمه ما حسيت بيهو وبعدين جاني الصباح يعني الليله كلو كان معاك قالت لي لاااا لم طلع انا كنت صاحيه طلع الس 2 ص قلت ليها والله ما حسيت بيهو قالت لي لو بتقفلي غرفتك بالمفتاح من جوه ما كان جاك قلت ليها ما تزعلي تاني بقفلها وبعدين استحمليني لحدي ما تحملي بعدها صدقيني ح اتفصل من حسام قالت لي بالصوره دي البيت ده عمرو ما ح يكون فيهو طفل طبعا كلامها طعني في قلبي وجرحني شديييييد 😭 سكت بس عيوني دمعت قالت لي بكل برود بعتزر ما كنت قاصده قلت ليها ما مشكله كلامك صح دخلت غرفتي اخدت بكيتي سمر عملت الفطور جات دقت لي الغرفه قلت ليها ما عايزه قالت لي زعلانه لسه 😓 قلت ليها لااا قالت لي والله اسفه بس يا ريت ما تحكي لـ حسام قلت ليها اطمني اي نقاش بينا ح يفضل بينا لاني بعتبرو نقاش نسوان مع بعض طلعت فطرت تاكل السم 😅 العصر جا حسام وانا اصلا من غرفتي ماطلعت دخل لقاني راقده قال لي حبيبي مالك 😢 قلت ليهو مصدعه وانا بالجد كنت مصدعه جا قعد جنبي قال لي بلعتي حبوب قلت ليهو لااا قال لي خلاااااص اول اتغدي وبعدين ابلعيها اتحمم طلع الصاله وجا قال لي قومي الغدا قلت ليهو ما عايزه قال لي لاااا الا تقومي عشان تبلعي الحبوب انتي ما شربتي الشاي الصباح صح قلت ليهو اي قال لي خلاص ده من الشاي تستاهلي عشان تاني تآزريها قصدو سمر اها استفدتي شنو انتي صدعتي وهي عاديه 😒 يلاااا قومي ومسك يدي لم فتح باب الغرفه عشان نطلع فكيت يدي منو عاين لي باستغراب 😳 قعدنا في الصفره وسمر قعدت وكانت مرتبكه خايفه اكلم حسام بالنقاش وكل مره تقولي لي شجن اكلي شجن اكلي حسام زاتو شك في تصرفاتها انا اكلت لقمتين جيت اقوم حسام مسك يدي قال حبيبي ما ح تقومي ما اكلت حاجه احرجني جنبها بقلبي قلت ليهو حسام لااا فكيت يدي وقعدت خفت يتهور اكتر وهي خلاص صرت وشها وقامت 😒 المشكله حسام ما حنسها ..
المسا وانا في غرفتي حسام جا داخل اتزكرت كلام سمر قلت ليهو حسام امشي لـ سمر قال لي انتي ناسيه الليله انا هنا قلت لي ليهو ما ناسيه بس مصدعه وعايزه اقعد براي عليك الله امشي ليها 😭 قال لي شوفتي عشان صداعك ده وحتي الليله كان يوم سمر ما كان خليتك براك قلت ليهو والله ما بزعل وامس كنت معاي عشان كده الليله امشي ليها قال لي بحده شجن انا ما لعبه ولا آله تحركوها بينكم زي ما عايزين محل يعجبني وبرتاح بمشي 😠 وهسه بطلي كلام كتير ما ناقصك صداع انتي ورقدني في صدرو وبقي يلمس لي في راسي محل الصداع قلت ليهو حسام قال لي حياتو قلت ليهو علاقتك انت وسمر كيف 😓 قال لي حلوه ومتفاهمين وما في بينا مشاكل قلت ليهو حسام انت فاهم سؤالي ما تستغبى قال لي بضحك حبيبي عييييب دي اسرار ما ممكن احكيها ليك 😅 رفعت راسي عاينت ليهو في وشو وحمرت ليهو اسرار شنو اذا انت ما بتقرب عليها قعد يضحك قال لي وقت عارفه بتسألي ليييه وبعدين انتي عرفتي من وين دي سمر شكتني ليك صح 😒 قلت ليهو لاااا عرفت براااي من تصرفاتك معاها وبعدين حرام عليك والله ربنا بسألك يوم القيامه منها كده زي المسجونه يعني مقيده بس بقسيمة الزواج قال لي مستعد اديها حريتها لو عايزه قلت ليهو حسام سمر دي امانه في رقبتي انا قال لي تسلم لي رقبتك وباسني فيها 😘 قلت ليهو سومي عليك الله عاملها زيي و واحد في الاخر هي برضو مرتك قال لي عليك الله زول يسمع اسمو بالطريقه دي بمشي يفتش وحده تانيه قلت ليهو خليك جادي والله كده حرام وربنا ح يسألنا من حقها نحن الاتنين قال لي حبيبي والله ما قادر والله كل ما احاول اقرب منها بشوفك قدامي بتراجع قلت ليهو بخلعه تشوفني كيف يعني 😳 قعد يضحك قال لي يعني بتخيلك قلت ليهو انا انساني خااالص قعد يغني لي انساك انت انت بتتنسي ما انت روحنا ودمنا قلت ليهو حسام الدنيا ليل ما تغني قلت ليهو خلاص اتفقنا قال لي بحاول بس والله صعبه علي 😓 قلت ليهو ما صعبه والله يا حسام ما تعاملها كده تاني ما تقرب علي قال لي تهديد يعني قلت ليهو اااي قال لي خلاص تعالي قبل ما افقدك حتي انا صدعتي بي بسيره سمر بعد شويه قال لي شجن انتو الليله اتناقشتو انتي وسمر لم انا في الشغل بقلبي قلت ده عرف من وين حكت ليهو سمر ولأ شنو قلت ليهو لااا ليييه قال لي ما عارف بس حسيت بيها ما طبيعيه واهتمامها بيك زايد حبه من لحظة الغدا وادتك الحبوب ما ملاحظه انو تصرفاتها غريبه قلت ليهو لااا عااادي وبعدين ما تنسى انها صحبتي قبل ما تكون ضرتي يلااا خلاص مش قلت انت زاتك صدعته خلاااص اقفل السيره دي باسني في راسي قال لي كل يوم بتكبري في نظري زياده 😘 يا ريت سمر لو عندها ربع فهمك ده قلت ليهو حساااام قال لي خلاااااص خلاااص تصبحي علي خير وان شاء الله نصبح اتنين بس مافي تالت بينا قولي امييين بقلبي قلت امييييييييييييييين يا رب
