الصباح بعد الشاي قال لي اجهزي عشان نمشي نجيب غرفة النوم قلت ليهو طيب سمر قال لي زي ما اخترتيها لي عروس تختاري لينا غرفة النوم قلت ليهو لا سمر بتزعل قال لي ما بتعرف انتي الاخترتيها طلعنا واخترت ليهم احلي غرفه قال لي يلا فضل غرفتنا قلت ليهو ودي شنو قال لي لا غرفتنا انا وانتي قلت ليهو حقتنا في البيت قال لي اي عايز اجددها مش من حقي يلا انجزي واختاري وحده قلت ليهو حقتنا جديده ما في داعي قال لي لاا 😒 وفعلا اخترناها مع بعض ورجعنا البيت قلت ليهو حسام المسا امشي جيب سمر ما ظريفه تخليها عند اهلها كده وهي عروس قال لي خلينا كده كويسين قلت ليهو حسام 😒 قال لي خلاص خلاص المسا مشى جابها واستقبلتها احسن استقبال وضيفتها بالعصير وعملت ليهم العشا وكانت اول مره نقعد كلنا في الصفره مع بعض كـ أسره واحده
المسا حسام جا داخل الغرفه قلت ليهو جايي وين 😳 قال لي جايي سريري انوم قلت ليهو حسام دي اول ليله ليها هنا ما ظريفه قال لي خليني الليله هنا وبكره بمشي ليها قلت ليهو لا امشي ليها ومن بكره تنزل الجدول قعد يضحك قال لي يعني زي المسلسلات حسام والزوجة التانيه قلت ليهو بالظبط كده 😅 قال لي طيب عايزه حاجه قلت ليهو لاااا رقدني في السرير وباسني قال لي تصبحي علي خير 😘 وطلع وانا ما جاني نوم فتحت الواتس بقيت اتونس مع البنات وسألوني عايشه كيف قلت ليهم والله تمام وحرام عليكم .. عليكم الله رجعو سمر القروب قالو لي لو تموت ما بترجع 😠 هديل قالت لي شوفتي لو حسام اخوي قال لي رجعوها ما بترجع الشلابه طبعا هديل مضارره سمر اكتر مني 😅 تقوى قالت لي والله انتي مسكينه لو دي انا كان معطتها وسلمتها شعرها في يدها سبيبه سبيبه قلت ليها بري انتي شرسه بتونس كده جاتني رساله من حسام ح تقفلي التلفون ده وتنومي ولأ اجيك قلت ليهو ما بقفل بتونس مع ناس هديل 😒 قال لي تمام بعد شويه باب الغرفه فتح لقيتو حسام قلت ليهو عايز شنو 😳 قال لي شوفتي انتي بتجبريني اجيك 😘 قفلت التلفون قلت ليهو خلاص قفلتو يلا اطلع قال لي معقوله اجي واطلع ساي قلت ليهو خلاص انت اقعد انا طالعه 😒 ثبت يدي في السرير قال اموت في جنونك وعنادك خلاااص طالع انا يلااا نومي غمضت عيوني صلح لي البطانيه وهمس لي بس خليك عارفه شهرين ونرجع زي الاول مافي تالت بينا وطلع ♡
اصبحنا الصباح قمت بدري عملت الشاي وكنت مضيفاها زي العروس
وكنا بنتونس انا وسمر اليوم كلو زي الاخوات بس الغيره بتجي المسا وبنتحول لضرات 😅 .....
يوم الجمعه قلت لـ حسام رايك شنو نمشي نقيل في البيت الكبير عشان سمر تزورهم قال لي فكره حلوووه قلت لـ سمر موافقه قالت لي ما عندي مشكله وانا اصلا ماشه مخصوص عشان كان عندي هدف في راسي 😌 قشرت احلى قشره ما زي لم كنت بمشي ليهم زمان واتمكيجت خفيف لابسه توب منقاوي مشغول ومطقماهو من الشبط للشنطه طلعت احلي من سمر احتمال عشان صحتي متوسطه وسمر ضعيفه التوب ما ظبط فيها طلعنا علي العربيه وماشين انا وسمر نتونس فتحت الباب الورا عايزه اركب حسام نهرني تعالي اركبي قدام حمرت ليهو 😒 وركبت ورا سمر ركبت قدام قال مش المفروض الاولي تركب بقدام قلت ليهو والجديده برضو ليها حق حمر لي بالمرايه وصلنا البيت الكبير دخلنا خالتو نوره اتفاجأت لم جينا انا وسمر داخلين مع بعض سلمت علينا هديل قالت لي من بعيد شوشو والله احلي مفاجأه سلمت علي بالاحضان 😘 وسلمت علي سمر بطرف اصابعها وبقت تتونس معاي وخالتو نوره قالت لي شجن انتي كيف قلت ليها تمااااام التماااام 😌 وريتها اني مبسوووطه خالص والعرس ما أثر علي طبعا من يوم حسام عرس ما عبرتني ولا فكرت ترفع سماعه تلفون تخفف علي وجعتني وهي الوحيده الفرحانه بالعرس 😏 قالت لينا ربنا يحفظكم وان شاء الله دايما متفقين قلت ليها ان شاء الله هديل قالت لي شوشو تعالي عايزاك في موضوع ودخلنا غرفتها قلت ليها هديل بطلي حركات الشفع دي نادي سمر في الاخر برضو هي زيي مرت اخوك ما ظريفه 😒 قالت لي هسسسس ولا كلمه عشان ما ارتكب فيك جريمه انا عندي مرت اخو واحده وهي انتي واقول ليك حاجه اخو زاتو ما عندي وانتي اختي 😠 وهي لو عايزه التدخل غرفة حسام بس هنا ما تجيني بنتونس كده حسام دق الباب وجا داخل قال ليها هدولي ما ردت ليهو طبعا هديل من يوم العرس مشاكلاهو قال ليها ده كلو زعل طيب علي الاقل كان تباركي لي العقد ياااخ شجن مرتي باركتو لي 😅 قالت ليهو مبروك وسكتت انا قاعده وحسام واقف وراي قال ليها والله لو عايزه تزعلي من زول شجن دي الوحيده المفروض تزعلي منها لانو ده كلو من تحت راسها وخنقني بـ يدو الاتنين قال لي حقو الواحد يقتلك ويرتاح منك قلت ليهو حسام حنقتني بالجد 😒 هديل قالت ليهو المشكله ما بقدر ازعل منها حسام قال ليها دي المشكله هنا وباسني في راسي بورا جنب هديل الحيوان 😒 قال ليها بس ما تزعلي يا هديل كلها شهرين بالكتير 33 شهور والمشكله تتحلى صح يا شجن هديل قالت ليهو احلف 😍 قال ليها وغلاوتك عندي قالت ليهو وضح لي كيف يعني 😳 قلت ليها انسي ده بحلم حسام قال لي نشوف بحلم ولأ حقيقه وطلع هديل قالت لي انتي مستحمله تعيشي معاها في بيت واحد كيف 😒 قلت ليها عادي والله سمر مسكينه قالت لي مسكينه انتي نسيتي العملتو فيك ايام الجامعه 😏 قلت ليها كانت متهوره وهسه واعيه والله قالت لي بري بعدين هيثم يعرس فيني والله اقتلو واشرب من دمو قلت ليها واااي متوحشه انتي ياااخ انا هسه خفت اقعد معاك ارح نطلع بعد ده طلعنا من الغرفه لقيت خالتو نوره في المطبخ وسمر شغاله في تلفونها طبعا خالتو نوره متوقعاني زي كل مره اجي وادخل المطبخ اشتغل لانو لم كنت بجي قبل عرس حسام لـ سمر كنت بدخل المطبخ مع هديل بحضر معاها اي حاجه وخالتو نوره من مكانها ما بتقوم لحدي ما نجيب ليها الغدا جنبها بس المره دي جيتهم ضيفه زيي وزي سمر عشان تشوف الفرق هديل دخلت مع امها المطبخ وفضلنا نتونس انا وسمر قالت لي هديل لسه زعلانه مني 😒 قلت ليها ما تزعلي مصيرها ترجع زي الاول .. في الاخر استغفرت ربي ودخلت مع هديل المطبخ طبعا بعد خليت خالتو نوره تعرفت الفرق بيني وبين سمر قلت لـ خالتو نوره انتي ارتاحي بشتغل انا قالت لي والله يا شجن انا عرس حسام ده قاطعتها قلت ليها خالتو نوره مافي داعي للكلام الحصل حصل وان شاء الله سمر تبقى ليكم الزوجه المثاليه وتجيب ليكم الحفيد 🙂 وطلعت من المطبخ بعد الغدا عمو محمد قال لي والله يا شجن فقدنا البيتزا البتعمليها قلت ليهو ماعندك مشكله في اي وقت تشرف عندنا واعملها ليك قال لي تسلم يدك عارفك ما بتقصري طبعا سمر بتسمع في الكلام وما عاجبها 😏
