ومن ناحية سمر ما صدقت انها حملت عشان تغيظني 😔 وكانت كل ما تلقى فرصه تفرسني بالحمل كل ما اجي ماره بالصاله وهي تكون قاعده تخت يدها في بطنها وتقول ليهو حبيب بابا وماما انت متين تجي بابا منتظرك بفارق الصبر ومره تقول ليهو لو كنت بنت ح اسميك جود ولو كنت ولد ح يسميك ابوك ده كلو وقاصداني بالكلام ولم حسام يجي تكون عاااديه بس بتتدلع فيني انا 😒 .. وانا مستحملاها عشان خاطر حسام والطفل الـ في بطنها وكنت علي يقين انو ربنا ح يجبر خاطري ويعوضني صبري ♡
وعدت 6 شهور يوم الاربعاء حسام جا راجع من الشغل قال لينا بكره مسافر مأموريه يومين حضرو روحكم بكره ح اوصلكم معاي اهلكم ولم اجي بجيبكم سمر قالت ليهو مأموريه وين قال ليها دبي طبعا استغربنا لأنو دي اول مره يكون عندهم ماموريه في الشغل وقبلها ما جاب لينا سيرة اجراءات السفر وفعلا الصباح اي وحده فينا جهزت نفسها وشلنا شنطت يد فيها كم غيار وطلعنا وكـالعاده حسام وصلني انا الاول عشان سمر تطمن اننا ما ح نرجع انا وحسام البيت 😅 وبعديها وصل سمر دخلت بيتنا امي قالت لي مالك يا شجن جايه بشنطة اختلفتو انتي وحسام صح قلت ليها لااا بس حسام مسافر مأموريه يومين قالت لي كويس والله نحن زاتو مشتاقين ليك 😍 بقيتي ما بتجينا طوالي قلت ليها والله يا امي اعزروني بس عشان سمر بتكون قاعده براها وحسام الصباح في الشغل قالت لي ربنا يعينك يا بتي ويعوضك تعبك 😘 بعد المغرب قاعده في التلفزيون بمزاج وباكل في التسالي رجعت لأيامي قبل ما اعرس ومندمجه في فلم امي جات قالت لي شجن انتي ما قلتي راجلك مسافر 😒 قلت ليها لااا راجلي ما مسافر لانو راجلي سافر خلاص قالت لي قومي راجلك قاعد مع ابوك في الصالون قلت ليها يا حليلك يا امي نظرك بقى ضعيف راجلي سافر الصباح البجيبو شنو هسه دي دبي ما بحري عشان يمشي ويجي 😅 يكون ده راجل تاني قالت لي يا بت ما تجننيني امشي شوفي 😒 بنتكلم كده ابوي جا قال لي يا بت راجلك ده قاعد ما تجي تسلمي عليهو قلت امي وابوي ديل الليله الأ شاربين حاجه 😳 لبست توبي ومشيت لقيتو فعلا ده حسام من شافني يتبسم ☺ و
وانا مخلوووعه قلت ليهو ما سافرت قال لي لا اجلوها حضري نفسك عشان نرجع بس شنطتك خليها عشان لم اسافر ح تجيها قلت ليهو تمام طلعنا بعد اتحركنا قال لي ما صدقتي اني مسافر عشان ترتاحي مني صح 😊 قلت ليهو اكيييد وعملت لي خطط اعملها وانت مسافر بس فشلتها لي قال لي تستاهلي عشان تاني ما تعملي خطط وانا ما فيها 😘 قلت ليهو نسيت تغشى سمر قال لي ما نسيتها سمر جبتها من العصر قاعده معاي في البيت بقلبي قلت سمر يسوقوها من العصر عشان ام طفلو وشجن يجوها المسا 😏 قال لي مالك ساكته قلت ليهو مافي حاجه 😓 واتلفت علي الشباك ما خليت لافته مضيئه للمحلات والدعايات ما قريتها بقزاز العربيه وحسام يعاين لي ويتبسم وصلنا البيت دخلت قلت ليهو حسام البيت ضلام قال لي ادخلي ما تخافي انا وراك ولعي النور ولعت النور لقيت صفرة عشاء محضره بطريقه فااااخمه زي الـ في الافلام حتي الشموع فيها رجعت علي الباب قلت لحسام بصوت واطي حسام عاين سمر محضره ليك شنو وشكلي فشلت ليكم المفاجأه همس لي طيب رايك شنو ارجعك بيت اهلك زعلت من كلامو يعني في لحظه باعني عشانها بس كتمتها قلت ليهو تمام 😔 وفتحت باب الشقه بزعل جراني عليهو وقفل الباب قال لي عايزه ترجعي بالبساطه دي عارفه اكتر حاجه بتغيظني فيك شنو يا شجن انك بتضحي بروحك عشان سعادة الاخرين وده كلو علي حسابك 😢 حبيبي ما في زول بستاهل تتنازلي عن حقك عشانو دايما اعملي البريحك وبسعدك انتي فوق تصرفات اي زول تمااام 😘 يلااا تعالي قلت ليهو اجي وين وسمر قعد يضحك قال لي شجن انا هسه بقول ليك في شنو حبيبي ده ليك انتي 😘 سمر مافي البيت قلت ليهو شنووو طبعا ما مصدقه قال لي ما سمعتي طيب همس لي في اضاني سمر مااااااف ده ليك انتي حبيبي انا يلاااا تعالي جرا الكرسي قعدني قال لي انا متأكد لو دي سمر ما كان اتصرفت زيك كده باسني في راسي وقعد 😘 قلت ليهو وما كلمتني لييه عشان احضر نفسي قال لي لاني عايزك كده علي طبيعتك قلت ليهو طيب وسمر قال لي مفتكراني مسافر قلت ليهو اهااا صح لييه اجلو ليكم السفر قال لي في الحقيقه اصلا مافي سفر دي كانت حيله مني عشان سمر تخلينا ناخد راحتنا حبه 😍 ... لينا كم ما اجتمعنا كده وخلاااص دي اخر مره نجيب فيها سيرة سمر خلينا نرجع لـ عالمنا برانا تمااام خجلني الحيوان 🙈 بعد اتعشينا حسام جا زح الكرسي قال لي يلااا تعالي مسكني من يدي حبيبي انتي خايفه من شنو يدك معرقه كده وابتسم دخلنا الغرفه وحصل زي ما عارفين وعشنا مع بعض احلي يومين رجعنا ايامنا قبل وجود سمر 🙈
