وصلت الجامعه واول ما دخلت لقيت حسام واقف في حوش الجامعه مع شلة اولاد من شوفتو كياني اتلخبط وحسيت بعيوني عامله قلوب قلوب 😍 وبقيت ماشه براااحه بتأني عشان يتلف علي بس الحيوان ما شافني وانا غلبني ادخل القاعه من غير ما اقابلو واعرف رد فعلو بعد ما نفذنا الخطه طوااالي غيرت اتجاهي ومشيت ليهم سلمت علي الشباب لقيت موقفي بيش اقيف معاهم سااااي شغلت سرعة البديهه العندي قلت ليهو حسام هديل جات قال لي اي قاعده فوق واصحابو ما قصرو بدو معاي الونسه بس حسام قطعها لينا قال لي قلت ليك هديل فوق بس شكلك ما سمعتيني 😒 لم عاينت ليهو جر لي نور واشر لي براسو نظام امشي قلت ليهو تمااام واتحركت منو خطوتين ناداني شجن اقيفي انا زاتي طالع فوق عايز هديل طبعا مسافه يصلني في الخطوتين ديل انا خلااااص فكرت في عرسنا 😅 قلت عايز يطلب يدي جنب هديل قال لي اصبحتي كيف قلت ليهو الحمدلله قال لي ناس البيت كيف قلت ليهو تمام التمام بقلبي قلت بس منتظرنك تجي مع اهلك تخطبني 😅 قال لي شكلك كنتي مساهره قلت ليهو لااا بقلبي قلت ليهو ياااخ اختصر وقول لي ما توافقي علي العريس انا عايزك بس الحيوان ما قالها😒 وكل ما بقرب للقاعه دقات قلبي بتزيد واتوقعت ينادي هديل ويخطبني قدامها بس صدمني لم وصلنا القاعه وقال لي بعد ده انا ماشي بخلعه قلت ليهو دقيقه دقيقه ماشي وين 😳 قال لي راجع لاصحابي قلت ليهو وبالنسبه لانك عايز هديل قعد يضحك قال لي خليتها بقلبي قلت ليهو كيف يعني تخليها بعد وصلت هنا لا ما ينفع قلت ليهو دقيقه اناديها ليك كان ما عايز تتدخل القاعه قال لي لااا خليتها يلااا نتلاقي بعدين في اللحظه دي قفلت معاااي ودخلت وانا زهجاااانه لقيت هديل قالت لي مالك كدايسك قايمه من الصباح قلت ليها يا ريت والله كان عندي كدايس كان فكيتها في اخوك تخربشو عديم الاحساس😠 قالت لي هوووي اخوي يبرأ من الكدايس 😠 وبعدين هسه عمل ليك شنو 😳 قلت ليها عديم الهارت ما جاب لي سيرة العريس خطتك زاتها ما جايبه حقها بس غلطانه انا البسمع كلامك قالت لي غلطاااانه انا البتفق معاك علي اخوي 😏 كان عايزاك بدل صحبتي تكوني مرت اخوي بس يا خساره ولوت لي خشمها😏 قلت ليها النبي عيديها اتخلعت قالت لي اعيد شنو 😳 قلت لي بدل صحبتك عايزاني شنو 😍 قعدت تضحك قالت لي بري غيرت رأيي لقيتك اخف من كيس النايلو 😅 قلت ليها عليك الله عيديها والله اعزمك عصير علي حسابي قالت لي تقيمي اخوي بـ عصير تووووف عليك 💧 قلت ليها خلاااص معاهو فطور وما بزيدك لو نططتي قالت لي رايك شنو اضرب لـ حسام واقول ليهو مرتك قلت ليها حيوانه قالت لي والله يمكن استرزق منو بقرشين تلاته عشان اعيدها ليهو قلت ليها كلبه لمي كورية الشحده حقتك دي قعدنا نضحك 😅 قالت لي والله يا بت خططنا نجحت ميه في الميه بأمارة حسام امس حماني النوم كل مره يدق باب الغرفه عايز يعرف ردك لم زهجني قلت ليهو قالت ما موافقه وقربت اصور ليك الفرحه في وشو وعيونو قلت ليها مكلماهو لييه ياااخ قالت لي هوووي ما تنسي ده اخوي 😒 قلت ليها خوخه التشقك الدكتور جا داخل ادانا المحاضره وطلع نهاية الدوام طلعنا من الجامعه لقينا حسام منتظرنا جنب العربيه ومعاهو سمر قلت اتعزز ما اركب بعد شويه اشوف ليك سمر فتحت باب العربيه ركبت ورا قلت لـ هديل شايفه الانا شايفاهو ده قالت لي يعني ده حقيقه وانا ما بحلم قلت ليها لا ما بتحلمي 😏 قالت لي وماشه معانا وين ان شاء الله قلت ليها امشي اسألي اخوك السؤال ده 😞 قالت لي ارح لم نشوف اخرتها شنو قلت ليها لا أمشي انتي يا ختي انا ما ماشه معاكم قالت لي انتي عويره عايزه تخلي ليها العربيه قلت ليها مش بس العربيه اخوك زاتو خليتو ليها قالت لي انتي هبله اخوي ما عندو علاقه بيها وانتي عارفه كدا وبعدين حسام شنو البعاين ليها طبعا ده كلو وحسام شغال يعاين لينا في الاخر ضرب لينا البوري قالت لي ارح عليك الله بطلي هبل قلت ليها والله ما ماشه ودعتها واتحركت عليهم تاني بعد شويه اسمع صوت بوري شديد قلت الحيوان قايل ده شارع أبو يضرب البوري كده ومش شايف اختو ماشه عليهو تاني مالو تاني ضرب البوري ما اتلفت عليهو اسمع ليك هديل بتناديني اتلفت لقيت حسام بأشر لي بيدو نظام تعالي هزيت ليهو راسي لااا بقلبي قلت ليهو خلي سمر تنفعك ما اشعر الأ والعربيه واقفه جنبي وفضلت واقفه ومربعه يدي كأنو ما واقفين لي حسام نزل من العربيه وجا فتح لي الباب قال لي شكلك لو ما سمعتي نقاش انك ترجعي معانا كل يوم ما بترتاحي 😒 ركبت جنب الحيوانه دي وقفل الباب اتحركنا سمر قالت لي من الاول كان ركبتي كان دخلنا بـ اليوتيرن الاول بدل ناخد المشوار ده كلو لليوتيرن التاني حسام صلح المرايه علي قال ليها عليك الله وريها وقعد يتبسم نطت هديل قالت ليها لو ما مشينا لـ شجن نمشي لمنو قلت ليها يا سلاااام ياااااخ من يومك فاهمه يا هديل الحيوانه سكتت تاني ما نطقت بحرف 😅 وفضلنا انا وهديل نتونس وحسام يتبسم ومره مره يديني نظره بالمرايه بعد اتقدمنا سمر قالت ليهو وقف هنا وقف نزلت قالت ليهو تسلم يا حسام ما نعدمك ونحن سفهتنا الكلبه بعد اتحركنا حسام شغال يكاوي فينا قال في ناس ما عبروهم بالسلام هديل قالت ليهم نعمل بسلامها شنو يسلموها ناس امن الدوله ان شاء الله 😏 قال لي وانتي يا شجن ما عندك تعليق قلت ليهو ما عندي تعليق لانو من الاساس ما عندي ليها شي ☺ قال لي ده الكلام المليان وقعد يضحك قال البنت دي مسكينه انتو كارهنها كده مالكم قلت الحيوان ده بدأ يحبها ولأ شنو بدافع ليها هديل قالت ليهو المسكين سكين واثناء ما سايق غير الاتجاه قلت ليهو هوووي انت نسيتني قال لي يا الله نسيتك خااالص قلت ليهو ما مشكله نزلني هنا وبواصل بالمواصلات قعد يضحك قال لي صدقتي انساك كيف وانتي وهديل وجعتو لي راسي بالكلام الكتير قلت ليهو الله يسامحك هديل قالت ليهو وانت لاااقي لم نتونس معاك قال دقيقه دقيقه دي شجن ولا زول تاني متين بقيتي مسكينه وبتردي كده اتوقعتك تضربي في المليات قلت ليهو غلطانه انا البستخدم معاك الذوق بس صحي الذوق يمين وانت شمال ☺ قال كده يا دوب اتأكدته دي انتي قلت ليهو هوووي يا تقولي لي ماشين وين يا تنزلني قال لي خاطفنك عندك مانع قلت ليهو احيييي يا أنا لم اتخطف اتخطف بـ وحده وجنونه والتاني شين لااا والله ده كتير علي هديل قالت لي مجنونه انا يا حيوانه تاني خلي زول يخطط معاك الغبيه عايزه تفضحنا قلت ليها لااا والله انتي ما مجنونه قصدي حسام نط حسام قال لي ما ملاحظه لسانك طال وعايز قص قلت ليهو لا انا عايزه طويل قعد يضحك قال لي كلام مساطيل بس قلت ليهو انا اصلا بضرب الصنف الممتاز اديك معاي يا اصلي اتلفت نهرني قال لي كلام الاولاد ده شنو 😡 احرجني الحيوان سكته عاين لي بالمرايه قال لي ولو ما بعرفك شويه كده وكنت ح اصدقك وقعد يضحك هديل قالت ليهو حرام عليك خوفت البت قال ليها هي بتخاف بالله انا كنت قايلها بتخوف قلت ليهو كيف يعني بخوف مالي حرامي ولأ شبح 😒 قال لي والحرامي بخوف يعني قطعت كلامو قلت ليهو دقيقه دقيقه ده ما شارع بيتكم قال لي اكتشفتي الزره 😊 قلت ليهو لا بالجد جايبني لشنو قال لي اهدي اهدي ح انزل هديل واوصلك اصلا عندي مشوار قريب منكم وقف العربيه هديل قالت لي عليك الله انزلي سلمي علي ناس البيت واتغدي معانا و حسام يوصلك نط حسام قال ليها لاااا قلت ليها المره الجايه يا هديل بس شوفتي اخوك طاردني قالت ليهو بحده حسام ده شنو 😒 قلت ليها يا بت بهظر ما عشان حسام بس خليها مره تانيه وحسام شنو البسمع كلامو اداني فيها عين هديل ودعتني عايزه تقفل الباب بقدام قال ليها خليهو فاتح اتلف علي قال لي تقريبا انا ما سواقك الخاص عشان تكوني راكبه ورا وقدام فاضي قلت ليهو بس كده انا مرتاحه كده 😌 قال لي بس انا ما سألتك عن راحتك انا بتكلم عن مكانتي وهيبتي في الشارع لم واحد بعرفني يشوفني بالمنظر ده قلت ليهو انت لاقي لم يقولو عليك سواق شجن يا سلااام يااااخ الاسم زاتو لايق فتح الباب نزل قال لي خلاص انا استقلت من وظيفة السواق لم تقتنعي تركبي قدام ناديني من بيتنا وقال لهديل كان لقيتيني نايم اوعك تصحيني قلت ليها اتكلمي مع اخوك ده قالت لي بصوت براااحه بعتزر ما بدخل بين مره وراجلها قلت ليها ده ما وقتك يااااخ يجروك من شعيراتك 😒 عايز يفتح الباب يدخل قلت ليهو خلاص تعال بهظر والله وفتحت الباب نزلت هديل قالت لي اتمني ليك مشوار رومانتك سعيد طول الطريق 😍 قلت ليها وحياة ربي ما ناقصاك يا زفته حسام فتح لي الباب القدام ركبت وجا ركب في اللحظه دي قلبي اشتغل دي جي اول مره نكون برانا في العربيه حسام عاين لي وابتسم ابتسامه جاطت افكاري وزادت توتري زياده قال لي الركوب في المقعد القدام شكلو بختلف من وراء قلت ليهو كيف يعني قال لي لم كنتي قاعده وراء كنتي تتونسي وتضحكي وهسه ساااااكته زي الاول مره تركبي معاي قلت ليهو لا والله ما كده قال تعرفي انا بحمد ربي انو هديل عندها صديقه زيك قلت ليهو هديل طيوووبه ومحبوووبه تستاهل كل خير اتلفت قال لي وبالنسبه ليك انتي شنو قلت ليهو كيف يعني قال لي يعني انتي ما محبووووبه واداني ابتسامه شوفتو ده الكلام البخلي الزول يسكر وهو واعي 😅 قلت ليهو مافي زول بشكر روحك قال لي يعجبني فيك تواضعك وسرعه البديهه العندك لاااا كدا كتير علي والله اديتو ابتسامه وسكت قال لي بالمناسبه بالجد انا في نظرك شين سكت نزل من الظلط و وقف العربيه قال لي لو ما رديتي علي ما ح نتحرك لااااا يااااخ عمري ما اتختيت في موقف زي ده قلت ليهو يعني ما شين شين قال لي كيف يعني قلت ليهو يعني عااادي قال لي اهاااا شايفاني كده قلت ليهو يب اتحركنا وفضلنا ساكتين الحيوان عارف روحو مكسر بنات الجامعه بس عايز يعرفني انا تبع المكسرين ولا لأ بس اعجبكم كتمت مشاعري وقفلت عليها باب قلبي بس شكلو اتصدم بـ ردي واااااي يا شجن خلاااص طفشتي منك بعد صمت طويل قال لي بالمناسبه حددتو موعد العرس ولأ لسه بخلعه قلت ليهو عرس منو 😳 قال لي عرسك مش قلتي اتقدم ليك واحد قلت ليهو لسه وصريت وشي الحيوان انا افكر فيهو وهو يفكر في عرسي 😒 قال لي طيب حسب معلوماتي انك رفضتي قلت ليهو طيب وقت عندك المعلومه سائلني لييه قال لي اهدي حبيت بس ادردش معاك لم قربنا نصل بيتنا وقفني في الظلط قال لي حدك هنا الليله قلت ليهو عشان ما معاي هديل صاح عشان كده جدعتني هنا قال لي بالظبط كده 😊 قلت يا حليلك يا هديل من غيرك جدعوني جدعة الكلاب قال لي بحده انتي هبله يا بت كيف يعني جدعتك 😡 افهمي ما نزلتك جنب بابكم عشان هديل ما معاي صاح اهلك بعرفوني بس جيرانكم ما بعرفو طبيعه العلاقه البينا لم يشوفوك نازله من العربيه وكنا فيها بس انا وانتي ح يقولو عليك شنو وبعدين ده نفس السبب المنعتك بيهو قبيل تنزلي بيتنا فهمتيني فضلت ساااكته قال لي ده لمصلحتك يا هبله واصلا بيتكم خطوتين من الظلط جيت انزل قلت ليهو جزاك الله كل خير شيخ حسام قعد يضحك قال لي دقيقه دقييقه قبل ما تنزلي عشان الكلمتين ديل طوالي عملتيني شيخ ماشي يا ستي شيخ شيخ طيب خلينا في المهم وسكت وانا ساكته منتظره يتكلم قلت ليهو هسه وين المهم وانت ساكت قال لي طيب يا ستي من غير مقدام لو قلت ليك جاك عريس تاني راييك شنو صدمني بصرااااحه بقلبي قلت الحيوان ده للمره المليون انا بفكر فيهو وفي مستقبلنا وهو يجيب لي في العرسان يا ريتني لو ما سمعتو قال لي اها رايك شنو موافقه قلت ليهو لاااا ما موافقه فتحت الباب عايزه انزل قال لي حتي لو عرفتي العريس انا في اللحظه دي غلبني اتحرك حسيت بروحي زي المشلوله ولساني اتربط وهو بعد قال كده فضل يعاين لي منتظر اجابتي قال لي طلبي صعب للدرجه دي طيب يا ستي ما عايز منك رد هسه وبعدين لم تتخزي قرارك ما تعايني عشان هديل ولأ عشان انا اخوها عايني لحياتك المستقبليه لانو هي المرتبطه بالقرار ده بعد ده ممكن تنزلي نزلت تاني ولا اتلفت عليهو وبقيت ماشه وحاسه برجلي بتخبط في بعض وجسمي يرجف وقلبي قرب يطلع من مكانو ما عارفه دي من الفرحه الزايده ولأ خوف من الجايي مع انو ده الكلام الكنت حابه اسمعو منو من زمان 😍 بس غلبني اتصرف ...
