اصبحنا الصباح حسام قال لي عايزه شنو للفطور من برا قلت ليهو شوف انت عايز شنو جيبو اعملو ليك قال لي وانتي قلت ليهو ما عايزه قال لي تمام علي الاقل وفرتي علي حق الفطور انا زاتي ما عايز 🙂 واليوم كلو انا وهو قاعدين من غير اكل قال لي لو فاكره كده بتلوي يدي تبقي غلطانه خلينا نموت احسن من قرارك ده 🙂
الصباح بعد حسام طلع الشغل ولقيت عدم الاكل ما جاب نتيجه قلت اجرب طريقة تانيه حضرت كم غيار ختيتهم في شنطه ومشيت بيتنا امي قالت لي يا بتي مالك في شنو جايه بشنطتك قلت ليها اشتقت ليكم وجيت اخد معاكم يومين 😍 قالت لي يعني ما متشاكله مع حسام 😓 قلت ليها لااا بس جيت اغير جو العصر حسام ضرب لي شلت التلفون ودخلت غرفتي فتحت الخط قال لي وين انتي قلت ليهو في بيت ابوي قال لي خلاص جايي عليك قلت ليهو ما تجي لانو ما ح ارجع معاك الا توافق علي العرس قال لي بتتحديني يعني 😡 قلت ليهو اعتبرو كده جا في بيتنا ابوي ناداني قعدت معاهم بعد ابوي طلع حسام قال لي شجن ارجعي بيتك احسن ليك 😠 قلت ليهو ما راجعه كان ما نفذت لي شرطي قال لي اهلك عارفين شرطك ده قلت ليهو اي وانا كضابه ابوي ما عارف في اللحظه دي ابوي جا داخل حسام قال ليهو ياعمي كلام شجن وعمايلها دي بترضيك ابوي اتخلع 😳 انا زاتي اتخلعت ما اتوقعت حسام يفتح معاهو الموضوع ابوي قال ليهو مالها عملت شنو قال ليهو جاتكم من غير ما تاخد اذني انا ما معترض في انها تجيكم بس معترض في اسلوبها وبتحاول تمسكني من اليد البتوجعني 😒 في لحظة انفعال نطيت قلت ليهو وبرضو ما راجعه معاك الأ تنفذ لي طلبي 😠 ما حسيت الأ ويد ابوي في وشي اداني كف 👋🏻 قال لي من متين علمتك كده وربيتك تردي وحسام بخلعه قال ليهو عمي لااا 😱 انا جري دخلت غرفتي امي جات لاحقاني وبقت تسكت فيني طبعا دي اول مره ابوي يرفع يدو علي 😭 حسام جا دق باب الغرفه دخل قال لي شجن قلت ليهو عايز شنو تاني بعد ما ابوي رفع يدو علي بسببك امي قالت ليهو شجن بتعمل كده لـ مصلحتك وانت بتتسبب ليها في الأذي قال ليها خالتي ممكن تخلينا دقائق امي قالت ليهو عايز تعمل فيها شنو تاني 😏 قال ليها اطمني استحاله أأذيها امي طلعت جا قرب علي قلت ليهو خليك مكانك ما تجيني قال لي والله قلت لأبوك كده عشان يجبرك ترجعي معاي بيتك بس ما اتوقعتو يعمل كده 😔 قلت ليهو انت اصلا ليه تقول ليهو قال لي انتي كضبت علي وقلتي انو عارف بس صاااح انا غلطان وعايز يقرب مني زحيت منو قال لي طيب هسه عايزه شنو قلت ليهو العايزاهو انت عارفو قال لي وغيرو قلت ليهو بس ده قال لي طيب موافق قلت ليهو بالجد هز لي راسو اااي قال لي كده بترتاحي قلت ليهو اااي 😍 قال لي خلاص نرجع بيتنا منتظرك بره شلت شنطتي وطلعت وراهو امي استغربت اني ماشه 😳 قلت ليها ابوي وين قال لي طلع وانتي هسه ماشه وين قلت ليها بيتي قالت لي الغير رايك شنو 😒 قلت ليها بحكي ليك بعدين بعد ابوي يجي اضربي لي عايزاهو وطلعت ركبت العربيه حسام ساكت لحدي ما وصلنا دخلنا البيت حسام قال لي لحظه لفتني ناحية الكف قال لي واجعك قلت ليهو لااا مسح لي خدي وقال لي اكيييد ما زعلانه من ابوك صاح قلت ليهو اكييييد ما زعلانه لانو من حقو يضربني قال لي واعيه حبيبتي قلت ليهو حسام انت وافقت علي العرس صاح سكت قلت ليهو حسام بتكلم معاك 😒 قال لي ااااي بس يا ريت نتكلم في التفاصيل دي الصباح ودخل الغرفه وخلاني واقفه من غير ما يقول لي تعالي ننوم زي كل مره 😢 اصبحنا الصباح الجرس ضرب حسام فتح الباب سمعتو قال ليهو اتفضل عمي صلاح البيت بيتك حسام جاني في الغرفه قال لي شجن ابوك منتظرك بره اتخلعت في الاول انو جايي من االصباح اكيييد في حاجه لبست التوب وطلعت من شافني اتأثر وحسيت عيونو مليانه دموع محبوسه 😔 حضنتو من غير ما اتكلم حسام دخل الغرفه خلانا برانا قال لي يا بتي والله ضربتك عشان قاطعتو قلت ليهو ده من حقك ما تبرر لي لو حبيت تاني أضربي بس المره دي كلمني اعمل احتياطي ابتسم قال لي بس ضربتك عشان ما من حقك تردي لراجلك كده لانو ده برجع لتربتك الربيتك ليها قلت ليهو عارفه والله عشان كده قلت ليك من حقك تضربني قال لي وبعدين ما كنت عارف السبب شنو لم حكت لي امك لييه ما حكيتي لي من الاول 😔 حسام جا طالع من الغرفه قال ليهو وانت يا عمي موافق علي كلامها ده عليك الله اديها عقلها خليها تغير رايها ابوي قال ليهو والله يا ولدي ما عارف اقول شنو لو عاينت لـ حالتك اقول شجن عندها حق ولو عاينت لـ شجن اقول كلامك صح عشان كده حاولو حلوها براكم وربنا يعمل ليكم الفيها الخير ابوي طلع قلت ليهو انت امس مش وافقت عايز تغير رايك ولأ شنو وقسما تغير رايك امشي من غير رجعه 😒 قال لي طيب اسمعي قراري وقت اصلا مُصره علي قرارك عندي شروط لو وافقتي عليها ممكن تعتبريني موافق ولو قلتي لي اعقد بكره بعقد قلت ليهو موافقه قال لي اول اسمعيها وزي ما بقولو الاولو شرط اخرو نور 😒 :
الشرط الاول : ح نعيش كلنا في الشقه دي يعني ما عندي قدره أ
