اصبحنا الصباح واثناء ما بنشرب في الشاي قال لي شجن زعلااانه عشان ما سافرنا شهر العسل زي اي عرسان صح 😔 قلت ليهو لااا والله ما زعلانه اصلا هنا واي بلد تانيه واحد مافي فرق وبعدين السفر حاجه ثانويه يعني ما ضروري قال لي حبيبتي الفاهمه ربنا يكملك بعقلك ويحفظك لي 😍 والله بصراحه ابوي كان مصر الأ نسافر وكان متبرع بالتزاكر بس انا رفضته لاني حابب ابدأ حياتي معاك من الصفر من غير ما حد يدعمنا حتي لو كان ابوي عايز اي قرش اصرفو عليك يكون من عرق جبيني عشان كده رفضت بس لو زعلانه ممكن اتنازل عن قراري ونسافر قلت ليهو والله ما زعلانه والله وده احسن قرار اتخزتو كده بالجد حسيت اني مستنده علي راجل 😍 قال لي والله غلبني التعبير تسلمي لي انتي بس اصبري علي حبه واوعدك اول قروش ألمها نسافر بيها لانو حاليا القروش العندي فرشت بيها الشقه قلت ليهو والله اصلا انا ما خاته السفر من ضمن حساباتي ولا فارق معاااي اهم حاجه عندي وجودك جنبي 😍 قال لي حبيبي انا والله ضميري كان مؤنبني اني ضيعت عليك شهر العسل بس كده ريحتيني ربنا يخليك وبقي يقرب علي بقلبي قلت ده عايز يعمل شنو 😳 مش قال لي انا زي اخوك وصلني وباسني في راسي قال لي حبيبتي الغاليه اقصد اختي الغاليه 😘 وقعد يضحك واصل كلامو قال لي طيب وقت ما سافرنا في الواقع تعالي نسافر بالخيال وجا قعد جنبي قال لي غمضي عيونك غمضت قال لي يلااا نفسك تسافري وين قلت ليهو بورتسودان فتح عيونو قال لي جااادي معاك قلت ليهو والله جاده قعد يضحك 😅 قلت ليهو بتضحك مالك 😒 قال لي ما اتوقعت تقولي كده كنت متوقعه تقول جزر المالديف او نيوزيلاندا او عايزه تشوفي ديزي لاند وهكذا بس فاجأتيني قلت ليهو بالجد نفسي اشوف بورسودان زمان ناس خالتي سافرو ليها راس السنه وكانو سايقني بس امي منعتني حسب خوفها علي قالت لي طريق بورسودان كلو حوادث ما بتمشي قال لي صاح حوادثو كتيره بس الطريق ما كعب العربات بتجري فيهو شديد عشان كده بتحصل حوادث وبعدين امك ليها حق تخاف عليك مش بتها الوحيده طيب تاني نفسك تسافري وين خارج السودان قلت ليهو فرنسا قال لي فرنسا مره واحده طيب مصر مالها خليها مصر دول الخليج مالها قلت ليهو مش قلت نسافر بالخيال يلا خلينا في الدول الاجنبيه احسن 😅 قال لي راحتك وفضلنا اسبوع محبوسين في الفندق بس كنا بنطلع المغرب نتعشي ونلف ونجي راجعين
يوم حسام جا قال لي شجن تعالي عندي ليك مفاجأه قلت ليهو شنو قال لي بعد بكره اخر يوم لينا في الفندق قلت ليهو احسن 😍 قال لي مليتي مني بالسرعه دي 😞 قلت ليهو لااا والله بس عايزه نرجع بيتنا بعد ده قال لي بس قبل ما نمشي البيت عندنا سفره اتخلعت قلت ليهو سفره وين 😳 قال لي مش قلتي نفسك تسافري بورتسودان يلااا ح احققها ليك 😘 قلت ليهو لا والله ما في داعي خليها بعد نلم القروش ما شرطي هسي قطع كلامي قال لي حبيبتي انا لم قلت ليك نلم قروش اساس تكلفة سفرة خارج السودان بس بس لـ بورسودان عندي قروش قلت ليهو جبتها من وين قال لي سرقتها قلت ليهو بالجد جبتها من وين استلفتها صح 😒 قال لي حبيبتي والله حقتي وبعدين ما فلست للدرجه دي لم قلت ليك اصبري علي قصدي للسفرات الخارجيه 😅 قلت ليهو طيب متين السفر قال لي بعد بكره ورايك شنو نمشي بعربيتنا قلت ليهو لاااا استحاله قال لي ليييه قلت ليهو المسافه طويله ما ممكن تسوق براك قال لي مالو نسوق ونقيف لحدي ما نصل قلت ليهو وكان نمت وانت سايق قال لي ما بنوم قلت ليهو كان بالعربيه ما ح نمشي جراني عليهو قال لي خايفه علي ولا علي روحك قلت ليهو علي روحي طبعا جراني عليهو زياده قال لي وبالنسبه لي اموت عادي يعني خلاص ح اسفرك انتي بالبص وانا ح اسوق العربيه قلت ليهو حسام قلنا العربيه لاااا ولأ اقول ليك السفره زاته لااا قال لي طلعتي خايفه علي صح طيب رايك شنو نمشي بالطياره قلت ليهو لااا بس بالبص قال لي الطياره مريحه قلت ليهو بس البص ممتع واصريت عليهو نسافر بالبص مسكين ما عارفني بخاف من ركوب الطياره 😅 ياااخ لم اشوف لي طياااره ساااي بتخيل انها ح تقع في بيتنا وفي نص راسي لم كمان اجي اركبها 😅 واتفقنا علي البص
