الصباح بدري قبل اذان الصبح صحاني شجن قومي ح نتأخر قلت ليهو شويه واقوم قال لي حبيبي البص ح يفوتنا قلت ليهو خلي بنمشي في البص البعدو عايزه اتم نومي جر مني البطانيه قال لي بعد قطعت التزاكر جايه تقولي لي اتم نومي قومي وكلكلني في رجلي تحت لحدي ما قمت قال لي يلا اجهزي سريع عشان ح نطلب تاكسي يوصلنا الموقف وفعلا طلعنا و صلنا الموقف وركبنا البص وانا فرحانه وقعدت جنب الشباك والبص اتحرك وانا شغاله اعاين بالشباك حسام قال لي مبسوووطه قلت ليهو شديييد 😍 قال لي ربنا يقدرني وابسطك دايما طبعا امي متابعه معاي بالتلفون كل مره تضرب اها وصلتو وين وانا ما عارفه كل مره بسأل حسام اقول ليهو نحن وين بعد قفلت من امي قال لي بتمني بعدين تحبي طفلي وتخافي عليهو زي امك كده وابتسم لي 😊 نزلت راسي قال لي يسلم حبيبي الخجول ما عارف طول اللسان والخجل بتلمو مع بعض كيف بعد وصلنا عطبره عيوني خلاص بقت تغمض براها من النعاس عشان صاحيه بدري وبعدها رحت في نوم عميق لم صحيت لقيت روحي راقده في كتف حسام وماسكني بيدو من خصري وضاميني عليهو خجلت من روحي براحه اتسحبت من كتفو قال لي صح النوم 😘 قلت ليهو كان تصحيني قال لي عشان اتكلتي في كتفي يعني حبيبي عااادي هسه لو عايزه ترجعي تنومي تاني اتكلي قلت ليهو طيب الناس تقول علي شنو قال لي شكلنا براهو بوريهم نحن شنو كفايه الحنه في يدنا اكبر دليل وبعدين سلامتك اهم لي من كلام الناس بعد نومتي كنتي عايزه تضربي راسك بالشباك عشان كده ختيت راسك في كتفي وحبستك بيدي عشان في المطبات ما تضربي بقزاز الشباب وبعدين مافي داعي للتحقيق ده كلو كفايه نحن عارفين بعض يعني الموضوع ايزي قلت ليهو انت ما نمت قال لي لااا مره افتح الموبايل ومره احضر في التلفزيون في البص كانو مشغلين مسرحيه العيال كبرت بعد شويه قلت ليهو حسام قال لي حياتو لـ حسام قلت ليهو لسه قال لي قربنا خلاااص زهجتي قلت ليهو زهجت وتعبت قال لي قربنا لو عايزه ارجعي نومي وبصحيك وبالمناسبه لم انتي نايمه ضربت ليك خالتو ساميه بس صمت التلفون قلت ليهو كان ترد ليها رجعت اتصلت عليها قالت لي وين من قبيل قلت ليها كنت نايمه قالت لي شجن انا مش قلت ليك اتحصني كيف تنومي 😠قلت ليها نمت وانا بتحصن حسام همس لي في اضاني حبيبي الكضابه 😅 بعد قفلت منها قلت ليهو هوووي انا ما كضااابه 😒☝ بس عشان ما تشفق قال لي خلاااص كده ممكن اقول ليك حبيبتي الواااعيه 😘 وصلنا بورتسودان وانا خلاااص حسيت بروحي عايزه اموت من التعب اجرنا تاكسي وصلنا الشقه ومن غير ما اتفرج فيها بس فتشت غرفة النوم وين ورقدت حسام طلع جاب موية صافي وجا قال لي قومي اشربي شربت وتاني رجعت السرير قال لي حبيبي قومي اخدي دش بتنشطي عشان ناكل قلت ليهو ما قادره فضل يزن علي راسي لحدي ما قمت اتحممت وجيت لقيتو محضر الغدا قلت ليهو ما عايزه قال لي من الصباح ما اكلتي حاجه وقلتي لي لم نصل وهسه وصنا لو ما اكلتي ما ح اخليك تنومي اكلت لقمتين ورقدت جا رقد جنبي قال لي ده عدم سمعان الكلام قلت ليك نجي بالطياره رفضتي قلت ليهو ما قايلاها كده 12 ساعه 😔 قال لي قايله زي مشوار الخرطوم لبحري وقعد يضحك نمت ما صحيت الا اليوم التاني صحيت نشيطه لقيت روحي نايمه في صدر حسام ويدو حول خصري نمنا كده كيف الله اعلم 😅 قمت اتحممت وجيت راجعه صحيتو حسام قوم كفايه نوم قال لي عايزه شنو يا شجن قلت ليهو نحن جايين هنا عشان ننوم قال لي حبيبي الوقت بدري قلت ليهو لااا بس قوم ماشه اعمل الشاي قوم عشان نشرب مع بعض انا اصلا من طبعي لم اصحى ما بحب اصحى براااي بحب الناس تصحي معاااي عملت الشاي حسام جا محصلني في المطبخ شال السكر رفعو بيدو فوق قلت ليهو حسام بطل هظار ياااخ الشاي ح يبرد قال لي مش انتي الصحيتيني يلااا استحملي ولو عايزاهو تعالي شيلي طبعا هو اطول مني وانا بيد بحاول اشيلو وبيد ماسكه في قميصو وشغاله مره انط ومره اقيف علي اطراف اصابعي وبرضو ما حصلتو وهو شغال يضحك يقول لي خلاص هاك ينزلو لي قريب اجي اشيلو يرفعو نطيت عايز اقع مسكني من خصري في الاخر قلت ليهو خليتو ما عايزاهو والسكر زاتو مضر بالصحه قال لي خلاااص يئستي طيب هاك باسني في خدي وناولني ليهو لقيت الشاي بري اضطريت اسخنو تاني قلت ليهو كده كويس 😒 قال لي ده عقاب بسيط عشان صحيتيني والعقاب الجايي اكبر قلت ليهو جايين قاطعين المسافه دي كلها عشان ننوم قال لي طيب ح نعمل شنو من الصباح قلت ليهو نتفسح قال لي حبيبي انا ح نطلع المغرب قلت ليهو يعني طول اليوم ح نكون محبوسين هنا قال لي تعالي وقفني في البلكونه قال لي شايفه في زول في الشارع قلت ليهو لااا قال لي لانو هنا زي نظام السعوديه بطلعو المسا لفتني عليهو قال لي حاسه بروحك محبوسه معاي اتحرجت غلبني ارد تلفونو اتصل عشان اتحل من الموقف ده قلت ليهو تلفونك بضرب قال لي سامعو اول ردي علي حاسه بروحك محبوسه معاااي قلت ليهو لااا بس قصدي نطلع قال لي والله ح نطلع لم تقولي زهجته يلااا تعالي مسكني من يدي
