سافرت مع عمتي وصلنا شندي ريم ما صدقت اني جيت قالت لي شجن والله مشتاقين 😍 يخسي عليك من عرستي تاني ما جيتي قلت ليها خلاااص فضيت ليك وح اعمل ليك وجع وش عمتي قالت ليها التدخل ترتاح اول وبعدين اتونسو ريم قالت لي تعالي معاي دخلت الغرفه عمتي جاتني قالت لي شجن جبتك هنا ما عايزاك تفكري في حاجه نهااائي اي شي خليهو وراك في الخرطوم 😒 قلت ليها حاضر 😔 ريم قالت لي هسه ارتاحي نومي والليل طويل بنتونس فيهو وطلعو علي اساس ارتاح وانوم وفاكرين ح اقدر انسى بسهوله دي ما عارفين الذكريات ما فارقتي بس حابسه دموعي 😔 المسا ريم جات داخله قالت لي شجن صحيتي قلت ليها اي بقلبي قلت ليها يا ريت لو قدرت انوم 😢 قالت لي شجن والله انا ما عايزه اقلب عليك المواجع بس ما اتوقعت يحصل بينكم كده انتي وحسام ادوكم عين والله قلت ليها الأ عين عورا وبعدين علاقتنا من الاول كانت غلط قالت لي ما تقولي كده والله انا كنت بدعي ربنا يديني راجل يكون متفاهم معاي زيكم كده 😍 ولم قالو حسام عرس فيك في الاول ما صدقت لم سألت خالتو ساميه قالت لي شجن الاصرت عليهو يعرس وقالت لي انتي والمره التانيه متفاهمين طيب تاني الحصل ليكم شنو اتزكرت اتهام حسام لي ودموعي جرت 😭 قالت لي شجن والله ما قصدي والله انا غلطانه فتحت ليك الجرح من جديد حقك علي 😔 مسحت دموعي قلت ليها عادي ولا يهمك اصلا جرحي ما إلتأم وبعدين كل الحصل خلاف وانتهي قالت لي يعني اتطلقتو قلت ليها لسه ... طبعا ريم دي بير اسراري الأ سبب خلافي مع حسام ما حكيتو ليها 😔 اصبحنا الصباح اتصلو امي وابوي يطمنو علي قلت ليهم الحمد لله عمتي قالت ليهم اصلو ما تشيلو هم شجن في عيونا الاتنين .. العصر ريم قالت لي الأ تشي نلف علي بنات الحله قلت ليها والله ما بقدر رسلت كلمتهم اني جيت عشان يجو ايام كنت بجي قبل العرس كان كل عصر بنتلم نتونس في بيت وحده هسه اتلمو كلهم جوني عند عمتي بعد سلمو علي بدت الاسئله مالك يا شجن ما محننه والحنه طالعه منك قلت ليهم الحنه عملت لي حساسيه وفي البتقول لي مالو شكلك كئيبه كده قلت ليهم تعب السفر وفضلنا نتونس كنت مره اشاركهم في الونسه ومرات كتيره بسرح مع زكرياتي اصلا من يوم اختلفت مع حسام اغلب الوقت حتي وانا قاعده براااي بكون سرحانه 😓 بعد طلعو مننا وبدو كـ عادة كل البنات القطيعه قطعو فيني قالو انا تغيت بعد العرس واني اتغيرت وشوفت حالي عليهم بس للاسف ما عارفين الحقيقه اني المره دي جيت مهمومه وكلي مشاكل 😔 وريم ما قصرت كانت بتحاول تنسيني الحصل بعد يومين اصرت علي نزورهم كل وحده في بيتها وفعلا لفينا علي جيرانهم كلهم واهلي يومي كانو بتصلو علي وبجو يقعدو معاي الخميس والجمعه ويرجو السبت وفعلا حالتي النفسيه اتصلحت شديييد ما نسيت الجرح لكن قدرت اتناسى يوم قاعدين نتونس تلفون ريم ضرب شافت الرقم قالت سومي ده منو كمان الظاهر لي اسمو بالنمبر بوك 😳 طبعا انا من سمعت الاسم دخلت في عالم الزكريات والعبره خنقتني 😔 لاني كنت مسجله حسام في تلفوني باسم سومي وبقيت ما مركزه معاها ريم فتحت الخط اهلا اي انا ريم منو معاي حسام حسام منو 😳 بعد شويه شالت التلفون وطلعت برا اتكلمت مسافه وجات داخله قالت لي شجن ارح اتأخرنا علي البنات كنا ماشين الجناين كل فتره عاملنها موضوع بنمشي ليها قلت ليها الـ في التلفون منو 😓 قالت لي الرقم غلط قلت ليها ده كلو والرقم غلط اصبري اكلم ليك عمتي تشوف شغلها معاك ضحكنا وطلعنا في الطريق قالت لي شجن بالجد لييه ما عايزه تطلبي الطلاق قلت ليها زي ما قلت ليك لانو ما فارق معاي لو كنت مطلقه او لااا 😔 قالت لي لا بيفرق العمر لسه قدامك قلت ليها لو قصدك العمر في العرس بطني طمت من الرجال وكلهم واحد والبتقولي عليهو هامان يطلع فرعون وانا خلاااص نصيبي من الرجال اخدتو بس للاسف ما عرفت اختار صح 😢 قالت لي ما تقولي كده قلت ليها بس دي الحقيقه وده الواقع المرير 😔
