يا شجن انا اتأخرت اطلعي سريع عليك الله ولأ امشي اخليك قلت ليهو لاااا دقيقه دقيقه والله طلعت خلاااص قال لي دي الـخمسه دقايق حقتك 😒 طلعنا وصلني ناس خالتو نوره كان عاملين بكره كرامه بس قلت امشي الليله اشتغل معاهم ما ظريفه امشي ليهم بكره مع الضيوف حسام نزل معاااي سلم علي اهلو وطلع الشغل وانا قعدت وكنت شغاله مع هديل المسا جو بنات خالاتها ظريفات شديييد اول مره اجتمع معاهم في مناسبه واثناء ما بنتونس اتصل علي حسام فتحت الخط قال لي انا واقف بره تعالي دقيقه طلعت ليهو قال لي امسيتي كيف قلت ليهو الحمدلله جيت متين قال لي هسه قلت ليهو اعمل ليك الغدا قال لي لا بس مصدع عايز كبايه شاي قلت ليهو حاااضر مشيت عملت ليهو الشاي لم جيت راجعه للبنات شغلوها لي قالو لي بري مالنا ومال العرس غير اعملي وسوي ما منو فايده قلت ليهم مش كده بس مشكلتي ادبسته خلاص 😅 صفاء بت خالتهم قالت لي يا بنت اوعك تسمعي كلامو ادلعي فيهو قولي لي ما بقدر واعمل براك وانا تعبانه نطت هدي قالت لي هووووي ديل بايرات ساااي بخربو بيتك اوعك تسمعي كلامهم هديل قالت ليهم انتو ما ملاحظين بتحرشو فيها علي اخوي بس انتظرو اتصلت علي حسام قالت ليهو تعال دقيقه في غرفتي ... لا مافي زول غريب تعال بعد شويه حسام دق الباب هديل قالت ليهو تعال داخل كلهم قعدو يضحكو قال ليهم مالكم في شنو 😳 هديل قالت ليهو شُفت بنات خالتك بحرشو في مرتك عليك قال ليهم لااا لاااا ده كلام ما بسكت عليهو اي شي ولا شجن دي تبعدو لي منها خاااالص اللماها معاهم زاتو شنو صفاء قالت ليهو كده يا ود خالتي طيييب قال ليها اي خلوها لي كده سكره وحنينه ما تخربوها لي بافكارهم قالت ليهو اصبر يا حيوان طبعا كلمه حيوان دي شرطتني بالضحك 😅 قال ليهم ياااخ بهظر لو ما قعدت معاهم انتو تقعد مع منو بس انتو كمان خليكم محضر خير بينا يلا عن اذنكم وطلع فضلنا نحن نتونس ونضحك هدي قالت لي عليك الله احكي لينا وقعتو في حب بعض كيف هديل قالت ليهم دقيقه احكي ليكم انا وحكت ليهم ايام الجامعه من سنه اولى لحدي ما سمونا عصافير الحب 😍 اخر الليل ناداني حسام قال لي قبيل بتضحكي في كلمة حيوان صح عجبتك قلت ليهو اي عشان منعتني ليها وجات صفاء قالتها ليك 😌 قال لي لانو انتي ما زي صفاء اول صفاء زي اختي وكلامها لو ما عجبني ممكن اضرب بيهو عرض الحائط بس انتي كل حرف منك باخدو بعين الاعتبار عرفتي يلاااا بعد ده نمشي البيت ونجي الصباح قلت ليهو انا قاعده بايته هنا بصراحه الونسه حلوه 😍 قال لي خلاص بنات خالتي اثرو فيك قلت ليهو حرام عليك ظريفات ياااخ قال لي خلاص انا بمشي وبجي الصباح قلت ليهو حسام جيب لي معاك هدومي عليك الله قال لي ما بجيب حاجه لو عايزاها ارح معاي ونجي الصباح قلت ليهو سومي عليك الله 😔 قال لي اااي غشيني بكلمه سومي واكلي بعقلي حلاوه قلت ليهو لا والله انت سومي وحسومي وكلو قال لي مشكلتك بتعرفي تحنكيني طيب عايزه شنو وصفت ليهو قال لي بس بعدين ما تقولي لي ما قاصده ده وراجعه البيت قلت ليهو ما بقول ليك قال لي طيب ما فيها حاجه كده ولأ كده قلت ليهو رايك شنو ابوسك في نص الشارع و وسط الرجال 😌 قال لي المره دي انا الـ ح اقول ليك حيوانه يلااا تصبحي علي خير لبكره 😘 رجعت تميت ونستي مع البنات
