وحياتي بقت باااهته من غير حسام بس كنت بظهر قوتي وبخفي ضعفي واشتياقي ليهو اليوم التاني جات هديل مبسوووطه 😍 قلت ليها مالك شوفتي منو وانتي جايه قالت لي ما شوفت زول بس ح اشوف قلت ليها ده منو قالت لي حبيبي قلت ليها عملتي حبيب وما بتكلميني 😠 قالت لي هسه كلمتك وح تمشي معاي بعدين عشان تشوفي قلت ليها اصلا احتمال اشلبو منك قالت لي حلاال عليك والله قلت ليها عايزه تقابلي وين ونسيتي حسام قالت لي اطمني في مطعم بعييد وعشان حسام سايقاك معاي حمايه قعدت اضحك قلت ليها والله لو كده تبقي غلطانه حسام لو شافك معاي ح يوريك النجوم عز الضهر قالت لي حرام عليك ما للدرجه دي قلت ليها انسي كفايه نحن الاتنين عارفين الحاصل وسمر خير دليل ... نهاية الدوام قالت لي يلااا ارح وطلعت التلفون اتصلت قالت ليهو خلاص انتهينا طالعين طيب وانا شغاله اغمز ليها 😉 بعد قفلت قلت ليها ربنا يهنيكم ويبعد عنكم الشلابات قالت لي امييين طلعنا وقفت امجاد قلت ليها هيييييي امجاد عديييييل 😳 الله يوريني ليهو البتخسري فيهو امجاد ده قالت لي والله يستاهل اكتر من كده قلت ليها ما عايزه اصدمك بس الاولاد كلهم واحد قالت لي بري ده مختلف وصلنا المطعم قعدنا وهو لسه ما وصل قلت ليها هسه يقول عليك خفيفه كان نتأخر حبه نخلي هو الينتظرنا قالت لي بس انا ما بقدر انتظر قلت ليها شفقانه طلعت التلفون عايزه تتصل قلت ليها انتي حيوانه خطفتو منها هسه يقول عليك شنو بعد شويه سمعنا زول يقول ان شاء الله ما اكون اتأخرت عليكم رفعت راسي لقيتو حسام وكمان مبتسم 😊 قلت يا حليلك يا هديل خلاص قبضوك بالثابته الليله انتي وحبيبك ح تكونو في خبر كان 😢 بس لاحظته لـ هديل برضو مبتسمه ما شايله هم جر الكرسي قعد هديل قالت لي سامحيني يا شجن بس كنت مضطره واتحولت في تربيزه تانيه كده عرفتهم متفقين جيت اقوم معاها حسام مسكني من يدي قال لي اقعدي قلت ليهو تقريبا مافي كلام بينا قال لي بس نحن لسه ما بدينا الكلام قلت ليهو عايز شنو 😒 قال لي بحده انتي الفهمك شنو وعايزه تصلي لشنو 😠 قلت ليهو كيف يعني 😳 وضح كلامك اكتر قال لي عايزه توصلي لي شنو بعمايلك قاطعت كلامو قلت ليهو وانت منو عشان اوصل ليك حاجه وصوتنا الاتنين بقى حاد قال لي هنا النقاش ما بنفع قومي ارح قلت ليهو اصلا من الاول غلط اني اقعد اتناقش معاك قال لي ده اخر كلامك 😒 قلت ليهو وما عندي غيرو هديل جاتنا قالت لينا اهدو حبه قلت ليها لو عايزاني اهدأ سوقي اخوك وامشي 😔 حسام طلع قالت لي والله يا شجن قال عايز يتفاهم معاك عشان كده ساعدتو قلت ليها بس ده ما كان اتفاقنا 😒 قالت لي بعتزر والله بس حبيتكم تحلو سوء التفاهم بينكم قلت ليها ما في سوء تفاهم كانت بداية علاقه وفشلت طلعنا لقينا حسام واقف بره قال لينا اركبو ارجعكم قلت ليهو رجع اختك بس انا ما عندك علاقة بي قال لي لااا عندي علاقه بما انو الجابتك اختي فمن حقي اصلح غلطتها وارجعك ويعدين هنا مافي مواصلات هديل جرتني للعربيه قالت لي عليك الله اركبي ركبت وحسام جا ساق العربيه وكل واحد فينا ساكت بس نظراتو بالمرايه براها كانت تحكي كلام بركن العربيه غمز لـ هديل تنزل هديل نزلت جيت انزل أمن الباب اتلفت علي ورا وقال لي مافي مكان اضمن من هنا للنقاش اها احكي عايزه توصلي لي شنو من خلال تصرفاتك 😠 قلت ليهو براك قلت تصرفاتي يعني ما بتخصك في حاجه وما عندك بيها علاقه 😏 وبعدين اعيد واكرر انت منو عشان افكر مجرد تفكير اني اوصل ليك حاجه لو فاكرني كده تبقى غلطان قال لي طيب برري لي تصرفك كل يوم مع ولد قلت ليهو بصفتك شنو عشان ابرر ليك قال لي علي الاقل بصفة الخوه البينا 😒 اديتو ضحكة استفزاز قلت ليهو اخ ضحكتني والله انت عارف ما عندي اخو ولو قلنا اخوي الـ ما ولدتو امي يبقي اولاد خالتي او علي الاقل يكون يمد لي بصلة قرابه غير كده اسمح لي اقول ليك ما بعتبرو أخ قال لي طيب لو ود خالتك معانا في الجامعه كان بتتصرفي كده 😒 قلت ليهو اااي لانو ما عملت حاجه غلط زملائي وقاعده معاهم في الجامعه قال لي من الاخر كده ما تشوهي سمعتك بسبب زول قلت ليهو لسه ما اتولد اليشوه سمعتي 😌 وافتح الباب ده خليني انزل قال لي طيب تاني تصرفاتك دي ما عايز اشوفها 😠 قلت ليهو شكلك عندك زهايمر لانو مليون مره قلت ليك ما عند حق تدخل فيني اوامرك دي امشي وجهها لـ سمر ما لي قعد يضحك بكل برود قال لي من الاول ما تقولي كده مشكلتك سمر قلت ليهو لاااا ما تفهمني غلط بقي يعاين لي ومبتسم عندو نظره يا ساتر قال لي طيب اشرحي لي عشان ما افهم غلط غلبني ارد عليهو 😅 فضلت ساكته قلت ليهو حسام ما عايزه معاك كلام غير تنزلني 😒 وبحاول افتح في الباب مسك يدي وقال لي عارفه بعمايلك دي ح تتجبريني احكي ليك مع انو ما وقتو يا ستي انا وسمر مافي بينا حاجه قلت ليهو كيف يعني مافي علاقة بينكم وانتو اليوم كلو مع بعض😏 قال لي طيب اديني يوم بكره وبشرح ليك الحاصل كلو قلت ليهو تشرح لي شنو قال لي اصبري لحدي بكره وبشرح ليك
