فكرت اكلم حسام بإختبار الحمل تاني اتراجعت قلت لسه ما متاكده من النتيجه احتمال الفحص غلط اول اتأكد واثناء ما بفكر كده حسام عضاني في اضاني اتخلعت قلت ليهو حسام ده شنو 😒 قال لي ده عقاب اي زول سرحان وما عايز يكلمني بالسبب عايزه اقوم منو ضماني بيدو الاتنين قال لي حبيبي الهروب ما حل في شنو قلت ليهو مافي حاجه بس ما جايني نوم قال لي متأكده بس كده وما عندك مشكله قلت ليهو اي 😢 قال لي طيب تعالي نزل راسي من صدرو في معصم يدو قال لي غمضي عيونك وما تفكري في حاجه وبدأ يمسح لي في شعري بيدو التانيه ويخلخل فيهو لحدي ما نمت الصباح حسام وهو طالع الشغل وصلنا ناس امي جنبهم مركز صحي مسكت جود لأمي ومشيت المركز فحصت وطلعت النتائج فعلا حامل قلت معقول مرتين التحليل يكون غلط استحاااله 😍 من الفرحه اتصلت علي امي كلمتها قبل ما اصل البيت رجعت اول ما قابلت جودي شلتها حضنتها علي شديييد امي قالت لي مبرووووك يا بتي وربنا يتمو ليك ان شاء الله صبرتي وربنا عوضك 😘 قلت ليها امييين قالت لي اضربي لحسام اديهو البشاره قلت ليها خليهو لم نرجع بكلمو ومنتظره لمتين حسام يجي يسوقنا وحسيت باليوم طويييييل والزمن ما بتحرك اتصلت علي حسام وختيت التلفون في اضان جود حسام فتح الخط قلت ليها قولي الو قالت ليهو اووو قال ليها جودي حبيبة الـ بابا من سمعت صوتو قعدت تضحك قلت ليها قولي تعال سريع قالت ليهو بابا آل آليع شلت منها التلفون قلت ليهو من قبيل تبكي عايزه بابا كضابه يا انا 😅 قال لي جودي العايزاني اجي سريع ولأ انتي 😉 قلت ليهو لااا جودي طبعا 😒 قال لي خلاص قولي لـ جودي بجي بعد المغرب من غير ما اشعر قلت ليهو حسام المغرب بعيييد ياااخ 😔 قال لي حبيبي انا وبرضو تقولي لي جود العايزاني 😘 قلت ليهو ما تتأخر قال لي ساعه وبجيكم قفلت الخط ومن الشفقه طوالي لبست جود 😅 امي قالت لي يا بتي الوقت بدري قلت ليها عشان ما نتأخر وكل مره اقول ليها جودي قومي البنطلون ابيض ح يتوسخ امي قالت لي حسام جاييكم متين قلت ليها بعد ساعه قالت لي بري منك شفقتك كعبه ما كان تلبسيها من هسه 😏 وفضلت منتظره حسام لحدي ما وصل ما صدقت طلعنا في الطريق قال لي حبيبي الليله غريبه عايزانا نرجع البيت بدري قلت ليهو عشان جود تنوم في سريرها طوالي قال لي اها تمااام
وصلنا البيت وكل ما افكر اكلمو اتراجع ما قادره اكلمو بطريقه مباشره المسا حسام بلعب مع جود في الغرفه وانا بحضر في العشا بعد انتهيت جيت داخله الغرفه لقيتو ضاميها عليهو ونايمين شكلهم يجنن 😍 في اللحظه دي طلبت من ربي اجيب ولد يشبهه حسام بكل تفاصيلو .. صحيتو حسام حسام ما صحى من فرحتي بوستو شديييد في خدو سومي 😘 قال لي حبيبي انا قلت ليهو قوم العشا قال لي ما عايز بس عايز انوم قلت ليهو لااا قوم ياااخ بعد حضرتو وتعبت فيهو 😔 واصلا انا مخططه اني اكلمو اثناء العشا سومي انا جعانه قوم ياااخ ومسكتو من يدو ونزلتو من السرير قال لي طيب تعالي مسكني من رقبتي ولف يدو حولها قال لي متعبه انتي يااااخ قعدنا في الصفره قال لي يلااا اكلي عشان نمشي ننوم 😓 قلت ليهو علي فكره انا ما أكاله انا بس باكل عشان خاطر طفلي قعد يضحك قال لي جودي علاقتها شنو بـ أكلك جودي حظها شربت اللبن ونامت يلااا اسرعي عشان ننوم 😔 لسه ما فهمني طيب ده افهمو كيف قلت ليهو خلاص شبعت قال لي حبيبي بس ما اكلتي قلت ليهو خلاااص شبعت 😏 لميت الصفره ودخلت الغرفه لقيتو علي وشك انو ينوم قلت ليهو سومي ما تنوم اصحى معاي وقبل ما اتم كلامي اتناولني بـ يدو ورقدني قدامو وضماني عليهو بيديهو الاتنين زي المكتفه قال لي المره دي انتي الـ ح تنومي معاي قلت ليهو سومي براحه بطني 😓 قال لي ولو اكلتي كتير كان ح تعملي شنو قلت ليهو قصدي الروح الفي بطني قال لي اهااا وعايز ينوم ما اتجاوب معاي معقول برضو ما فهمني وانا ما قادره اقولها ليهو مباشره اتفكيت منو قلت ليهو عطشانه وشلت تلفوني رسلت ليهو في الواتس انا حامل 😍 جيت راجعه قلت ليهو حسام افتح الواتس قال لي لشنو 😳 قلت ليهو عايزه اشوف ااخر ظهور لي متين قال لي حبيبي صاح انتي مجنونه بس اكيد ما للدرجه دي عايزاني اقطع نومي عشان اشوف اخر ظهور ليك 😓 بس لو مصره شيلي التلفون شوفي براك قلت ليهو لااا افتحو لي انت هدفي كان يشوف الرساله قال لي بحده شجن مصدع وعايز انوم لو عايزه تلفوني شيلي براااك شوفي خلعني لم عيوني دمعت 😢
طلعت الصاله جا محصلني قال لي حبيبي اسف بقلبي قلت مش نهرني اصلو ما ح اكلمو لم بطني تكبر وتظهر ويكون اخر زول يعرف قال لي روحي انا والله ما قصدي بس انا مصدع وانتي فضلتي تزني وضاغطه علي طيب عارفه ما عايز افتح الواتس ليه عشان عندي بنات كتار متصلات ممكن ادخل ادردش معاهم وانساك كده يرضيك 😊 يلااا تعالي مسك يدي فكيتها منو قال لي حبيبي عليك الله قدري موقفي وبرضو ما اتكلمت معاهو بس صاره وشي 😒 قال لي ما عايزه تقومي ما مشكله رقد في الكنبه وخت راسو في رجلي قال لي المهم انوم في حضنك حتي لو في الكنبه ما مشكله قلت ليهو قوم ماشه انوم 😏 مسك يدي قال لي من الاول ما قلنا ننوم وانتي رفضتي دخلنا الغرفه شال التلفون قال ح اشوف شجوني متصله ولأ لا فتح الواتس قرأ الرساله انا حامل قال لي انا حامل كيف يعني 😳 قلت ليهو بصره ما انت انا 😏 قعد يضحك قال لي عشان قريتها انا حامل المفروض اقول ليك انتي حامل دقيقه دقيقه عيدي كلامك ما كنت مركز قولتي شنو انتي حامل بجد يا شجن 😳 هزيت ليهو راسي اي قال لي حبيبي عليك الله انتي حامل احلفي انك حامل 😍 قلت ليهو والله حامل قال لي اكيييد ما بتهظري صح هزيت راسي لااا جا خت يدو في بطني قال لي يعني حاليا طفلي موجود هنا هزيت ليهو راسي اااي شالني ودور بي حياتي وروحي وقلبي وحبيبي انتي وكل شي بالنسبه لي 😍 قلت ليهو حسام خلااااص راسي لف بعد نزلني سجد سجده شكر لله لم اتلفت لقيت جود قاعده في نص السرير وتعاين لينا مخلوعه 😳 قلت ليهو بصوت براحه حسام جود قال لي اصحيها اكلمها قلت ليهو هي اصلا صاحيه مشى شالها قال ليها تعالي باركي لـ ماما ح تجيب لينا بيبي وجود بين نعسانه ومخلوعه 😅 قال لي دقيقه النتصل علي امي نديها احلى خبر قلت ليهو بتخلعهم هسه خليها الصباح .. شلت جود رجعت نومتها قال لي دقيقه دقيقه احكي لي بالتفصيل انتي عرفتي كيف 😍 حكيت ليهو من لحظه اختبار الشريط قال لي وهو زعلان يعني الخطوات دي كلها عملتيها براك علي الاقل مش كان تكلميني بعد عرفتي عن طريق الشريط ونمشي الدكتور مع بعض وساكته من امس 😒 قلت ليهو حسام انا ما كنت متأكده وما كلمتك قلت عشان ما تأمل ويطلع التحليل غلط وبعدها تتصطدم 😢 قال لي حبيبي حتي لو طلع غلط مش احسن نتصدم مع بعض بدل تتصدمي براك مش اتفقنا نكون علي الحلوه والمره مع بعض 😒 قلت ليهو اي قال لي دي عديتها ليك بس تاني اي خطوه نكون مع بعض تماااام قلت ليهو حاضر قال لي بكره ح امشي احجز ليك عند الدكتور تتابعي معاهو 😘 والجمعه ح نرحل عند ناس امي عشان لم اكون في الشغل اكون مطمن عليك الصباح ضربنا لخالتو نوره كلمناها وفي ثواني من الفرحه كانت معاي 😍
حسام ضرب لهديل في شهر العسل قال ليها هديل رايك شنو لو قلت ليك ح تبقي عمه للمره التانيه 😍 قالت ليهو عايز تعرس تاني صاح وقفلت الخط في وشو 😠 حسام رجع اتصل عليها ما ردت قال لي زعلت مني فهمتني غلط كده اتصلي عليها من رقمك احتمال ترد اتصلت عليها ردت وقبل ما تسلم قالت لي بحده المره دي اخترتي ليهو منو عروس 😡 قلت ليها بنت زي القمر قالت لي انتي اصلا حيوااانه خلاص انسي عندك اخت اسمها هديل عايزه تقفل الخط قلت ليها انتظري انتظري انا الحامل والله قالت لي قلت ليك ما عايزه معاك كلااام قلت ليها اسمعيني انا حاااامل قالت لي دقيقه عيدي كلامك تاني شنووو 😳 قلت ليها والله انا الحامل قعدت تصرخ وااااي يا شجن ما بصدق اديني حسام ابارك ليهو حسام شاكلها اول في قفل الخط قال ليها عشان قفلتي فيني الخط قبل ما تسمعي كلامي ح اعرس تاني نطيت انا قلت ليهو هوووووي 😡 قعد يضحك قال لي عايز اغيظ هديل اتغظتي انتي 😂
طبعا هديل قطعت شهر العسل مخصوص عشان تجي تبارك لي 😘😘 ...
