بكره عيد ميلاد جودي ده اسم الدلع بكره تتم سنه 😍 قلت لـ حسام عايزين نحتفل بعيد ميلادها قال لي لم بتعرفي تعملي اعياد ميلاد ما بتعملي حقنا مالك 😒 قلت ليهو ما تزعل بعمل ليك عيد ميلاد وبعزم اصحابك اها قصرت معاك قال لي ما كده بقصد عيد زواجنا قلت ليهو ده حق كفار قال لي وحق جود ده ضمن الاسلام يعني 😏 قصف جبهتي الحيوان 😅 قال لي بس ما مشكله حقنا بعملو براااي قلت ليهو والله ما اعملو ليك الأ انا عندي كم سومي 😍 بس اول نعمل حق جود قال لي اتفقنا خلاص بكره عازمكم عشا قلت ليهو ليهو لااا ده اول عيد ميلاد ح نعملو ليها في البيت واتفقنا علي كده 💓
اليوم التاني حسام جاب التورته والباسطه وانا عملت الكيك والبسبوسه والجاتو المسا حضرت الصفره وجهزنا روحنا طفينا الانوار و ولعنا الشموع واحتفنا 😍 انا شايلاها وحسام واقف جنبي طفينا الشمعه انا وحسام مع بعض بعد جود نامت دخلتها الغرفه وتمينا السهره انا وحسام 🙈
بعد شهرين حسام جا راجع من الشغل قال لي افتحي يدك وغمضي عيونك قلت ليهو ده مقلب جديد صح 😅 قال لي لا والله مديت يدي خت لي حاجه قال لي فتحي لم فتحت لقيتها تزكرة طيران لـ مصر قلت ليهو ده شنو 😳 قال لي ده شهر عسلنا ايام العرس مش قلت ليك ما عندي قروش وبعوضك يلااا وده التعويض 😘 قلت ليهو حسام انت اكيد جنيت شهر عسل شنو ونحن عندنا بنت 😒 قال لي مالو بتنا زاتها تعسل معانا وبعدين نكون اول اتنين يعملو شهر عسل بـ بنتهم 😅 حضري حالك السفر بعد اسبوعين قلت ليهو ما في داعي قال لي عايز اقضي احلي اجازه مع بتي وحبيبتي مش من حقي 😘 بعد شويه سمعنا جود صحت تبكي في الغرفه حسام شالها وجابها المطبخ قال ليها جودي الله يرضى عليك اسكتي لحدي ما ماما تعمل الغدا لانو مستعده تقعدنا جعانين عشان تشيلك انتي قلت ليهو اصلآ اي شي ولأ بكا جود 😍
مر اسبوعين وقبل السفر بيومين قلت لـ حسام ودي جود لـ حبوبتها (ام سمر) يودعوها ما ظريفه يسمعو بيها سافرت قال لي يسلم لي حبيبي الفاهم وحك انفو مع انفي 😍 وقال معقول القمر ده كان ح يضيع مني قلت ليهو كيف يعني 😳 قال لي مش كنتي ح تطلقي مني وتعرسي ود صاحب ابوك يعني عايزه تبيعيني عشان السعوديه قلت ليهو بصوت مبحوح بس انا ما وافقت عليهو 😔 قال لي حتي لو وافقتي العرس ما كان ح يتم قلت ليهو ليييه 😳 قال لي عشان انا اتصلت عليهو في السعوديه وقلت ليهو شجن دي مرتي وانا ما قنعت منها لو بالجد عايز تكمل نص دينك وتتزوج شوف وحده غيرها قلت ليهو احلف عملت كده 😍 قال لي وغلاوتك عندي حضنتو سومي قال لي عليك الله شغل شنو البمشي ليهو وانا في الوضع ده 😍 زحيت منو قلت ليهو حيوان قال لي هسه لو كان ده ود السعوديه كان بتقول ليهو حيوان 😒 قلت ليهو معقول اقول ليهو كده اكيييد لا بقول ليهو حبيبي روحي قاطعني قال لي بحده شجن 😡 قلت ليهو بهظر ياااخ بس مش انت الـ بديت اول قال لي حبيبي انا خفتي بس تستاهلي عشان تاني ما تدلعي زول غيري 😅
