وعدا الشهرين وعرس هديل قرب كنت بمسك جودي لـ حسام وبمشي مع هديل السوق وكل ما اجي راجعه حسام يحلف دي اخر مره يمسك فيها جود يقول لي يا تسوقيها معاك يا تخلي السوق وكنا طوااالي بالطريقه دي لحدي ما هديل انتهت من حاجاتها 😅 قلت لـ حسام وديني السوق قال لي لشنووو 😳 قلت ليهو كيف لشنو عشان نشتري انا وجود ولأ نقعد ما نمشي العرس 😒 قال وكل يوم ماشه السوق وجايه من السوق وما اشتريتي حاجه 😒 قلت ليهو كنت بس بمشي مع هديل قال لي خلاص بكره بديك القروش قلت ليهو شنوووو تديني القروش والـ ح يمشي معاي منو 😓 قال لي اتصرفي سوقي هديل زي ما كنتي بتمشي معاها ولأ اي زول بس ما تفكري اني امشي معاك قلت ليهو هديل خلاااص اتحبست تاني ما بتطلع ولو ما عايز تمشي معاي انا زاتي خليتو وعملت روحي زعلانه 😏 بدل يحنسني قال لي والله احسن حاجه دولابك زاتو مليان ☺ المساء بنتفرج في التلفزيون وانا شايله جود قلت ليها جودي حبيبتي ح تقعدي معاي ولأ ح تمشي مع بابا عرس عمتو نط حسام قال لي يا سلاااام عليك عايزه تلتزمي وتخلي الحفلات احسن حاجه وجودي زاتها امسكيها معاك عشان تتعود من صغيره 😅 انا عامله زعلانه وهو عامل رايح 😒 ونهائي ما جاب لي سيرة السوق اليوم التاني بعد الغدا حسام شغال يكاوي فيني ويقول يا ربي امشي العرس ولأ اقعد معاكم بس دي اختي الوحيده ما ظريفه ما امشي بقلبي قلت اذا حسام جادي ما عايز يودينا السوق 😔 بتكلم كده وانا واقفه في حوض العده جا حضني من ورا قال لي ح اديك 55 دقايق جهزتي طلعتي طلعتي ما طلعتي ح اسوق جودي وامشي اشتري ليها قلت ليهو حسام انت جادي 😍 قال لي بالمناسبه الـ 5 دقايق مرت منها دقيقه ☺ كده اتأكدته انو جادي اتلفت حضنتو سومي حبيبي بعد حضني عليهو قال لي دقيقه دقيقه يا شجن خليك من سومي الحاجه اللينه الـ في قميصي ورا دي ما تقولي لي الصابون لم لاحظته لـ يدي لقيت روحي حاضناهو وانا ماسكه الليفه مليانه رغوه صابون لم شاف يدي قال لي شجن لاااا القميص نضيف بس غلطان انا تاني قبل ما اتغزل اختار المكان المناسب 😓 قلت ليهو سومي قال لي بس سومي من مكانك ما تقربي علي كفايه سومي القبلها كانت بنكهة الصابون 😅 وفعلا مشينا السوق اشترينا وجينا راجعين حسام حلف دي اخر مره يمشي معاي السوق 😅
يوم الحنه انا وجودي كنا مطقمين مع بعض بالوردي وطلعنا تحفه 😍 ويوم العرس جودي لبست زفاف مع هديل وانا وحسام كنا مطقمين مع بعض بالكوبي حسام وقفني قصاد المرايه قال لي تعالي نشوف الأحلى منو شوفي الولد القرض ده قلت ليهو بالعكس شيييين 😏 كضابه يا انا لفتني عليهو قال لي انا شين طيب عينك في عيني بتكلم وكل مره يقرب مني قلت ليهو حسام ده ما وقتك 😒 قال لي اصلا خشمك الضارباهو لون ده الـ ح يقرب عليهو منو 😅 باسني في جبيني قال لي مقارنه بيييك صح شين ربنا يحفظك لي 😍 بعد ده يلااا نطلع اتأخرنا مسك يدي وطلعنا وصلنا الصاله ونحن داخلين مسكتو من يدو عشان الماعارفو متزوج يعرف بقلبي قلت ليهو حصنتك من كل خفيفه عامله فيها ظريفه وحصنتك من الشلابه الجايه تتغابه قال لي رايك شنو نمشي نقعد في الكوشه نرجع الذكريات ونعيش الدور 😍 قلت ليهو عشان هيثم وهديل يطردونا من العرس خااالص 😅 ونحن داخلين لمحت صحباتي بنات الجامعه سلمت عليهم وقعدت معاهم في التربيزه بعد شويه جات هديل داخله ومعاها جود وجودي من شافتني جاتني جاريه وخربت لـ هديل الرصه بدل تمشي معاها 😅 قالت لي ماما الفُتان كانت فرحانه بفستان الزفاف قلت ليها حلو حبيبتي انا وشلتها في رجلي وحسام في نص الداره يرقص كأنو ما متزوج ولأ عندو بنت 😒
