حسام سألني يوم الجمعه كنتي وين بلعت ريقي وبنبرة خوف قلت ليهو كنت في البيت 😢 هز راسو قال لي في البيت صح وسكت قلت الحمد لله ما كشفني نزل من الظلط و وقف العربيه طلع التلفون وفتح الصوره فيها بس انا وأيمن قال لي طيب فسري لي دي شنو ايمن جاكم في البيت واتصور معاك صح 😠 في اللحظه دي حسيت بروحي اتشليت وسكت قال لي مالو لسانك اتبلع قلت ليهو بس الصوره دي مقصوصه قال لي اها يعني كانو متصورين معاك امك وابوك مثلا😠 قلت ليهو انا جاااده ما تتريق علي ضحك ضحكة استفزاز قال لي قلتي لي جاااده واصدقك بعد ده علي ياتو اساس قلت ليهو لو ما عايز تصدق انت حر 😒 يكفي اني واثقه من روحي قال لي انا ما بتكلم عن الثقه طيب وقت مشيتي الرحله دسيتي مني مالك عشان عارفاها غلط صح قلت ليهو لاااا ما غلط وبعدين لو غلط أهلي ما كان خلوني مشيت في اللحظه دي اتزكرت كلام سمر قلت ليهو غلط في حالة اني مشيت ورا اهلي بس امي وابوي عارفين 😒 قال لي تماااام يعني ديل الوحيدين البهمك رايهم في حياتك طيب وقت كده انا غلطااان وبعتزر اني ادخلت في حاجه ما بتعنيني واصلا علاقة قايمه علي الكذب ما بتنفع معااااي ودور العربيه اتحركنا قلت ليهو حسام وقف هنا كأني ما بتكلم وفضلنا ساكتين لحدي ما وصلنا الجامعه نزلت وهو لسه قاعد في العربيه دخلت قابلت هديل قالت لي شجن مالك اصلا كنت منتظره زول يسألني عشان اقدر اتفشي ما حسيت بدموعي الا نازله 😭 هي زاته اتخلعت قالت لي امك حصل ليها حاجه قلت ليها لااا قالت لي طيب ابوك حصل ليهو حاجه هزيت ليها راسي لااا قالت لي يا بت طيب مالك وانا غلبني احكي ساقتني من يدي ودتني الحمام غسلت وشي قالت لي اهدي في شنو كل شي بتحلى قلت ليها لا ما بتحلى قالت لي طيب هو شنو الـ ما بتحلى قلت ليها انا وحسام خلاص انتهينا 😭 قالت لي انتهيتو كيف يعني 😳 قلت ليها علاقتنا انتهت قالت لي متين الكلام ده وكيف حكيت ليها بالحصل كلو قالت لي والله زعله وبتروح وبترجعو لبعض قلت ليها لاااا خلااااص قالت لي طيب علي الاقل كان تحكي لي انا انك ماشه الرحله كنت اتصرفت طيب الصوره لقاها وين قلت ليها ما عارفه قال لي طيب الصوركم منو قلت ليها سلمي وكان معانا ايمن صاحبو قالت لي سلمي ما عندها معرفه بـ حسام اكيييد ده ايمن قلت ليها طيب ايمن لييه يقص الصوره وبعدين استحاله يدي حسام صورة فيها نحن الاتنين وبعدين ما بهمني العمل كده منو وطال ما حسام ما واثق فيني ما في داعي نستمر مع بعض ولا برضى ارتبط بواحد ثقتو فيني مهزوزه قالت لي والله يا شجن ده كلو من الزعل بعد يهدأ برجع براهو قلت ليها وانا ما لعبه يحركني زي ما عايز وهو ما اول واحد ولا اخر واحد وانتي لو عايزه تتخلي عني زي اخوك ما مشكله 😢 قالت لي دي اخرة صداقتنا وخوتنا 😠 قلت ليها بعتزر والله ما قصدي قالت لي وانتي قابلتي حسام وين قلت ليها جاني الصباح قالت لي عشان كده ما وصلني وطلع بدري قال لي عندي مشوار قلت ليها عليك الله خلاص اقفلي السيره دي جاتنا سمر قالت لينا مالكم زعلانين كده قلت ليها مشكله شخصيه ما بتخصك قالت لي اهااا كان نفسي اساعدك وادتني ابتسامه مستفزه 😊 حضرت المحاضرات ما عارفه ادونا شنو والدخل منو والطلع منو قاعده زي الصنم وبقلبي بقول ولأ يهمك يا شجن حسام لا اول واحد لا آخر واحد 😞 ومافي اهم من امك وابوك اخر الدوام ونحن طالعين شلة حسام جو لـ هديل قالو ليها حسام وين الليله قالت ليهم قاعد ما لاقيتو 😳 قالو ليها ما جا وبنتصل عليهو ما برد هديل طلعت التلفون اتصلت عليهو ما رد طلعنا بره الجامعه قبل اودعها قلت ليها كده اتصلي عليهو تاني اتصلت برضو ما رد
