في يوم جمعه قاعدين كلنا نتفرج في التلفزيون حسام تلفونو ضرب رد اهلييين يا امي اتكلم معاها قال ليها عايزه شجن طيب دقيقه ناولني التلفون قال لي امي عايزاك رديت عليها وسمر الشمار قتلها بعد سلمت علي قالت لي ازيك شجن يا بتي بقلبي قلت ليها يا دوووب بقيت بتك 😏 قلت ليها اهليييين خالتو قالت لي زي ما عارفه الليله عندنا جمعية الاهل شاي مغرب لو فاضيه عليك الله تعالي اعملي لي الحلويات بقلبي قلت ليها حقو الواحد يقول ليك ما فاضيه 😒 قلت ليها ما عندك مشكله بخلص من هنا وبجيك قالت لي ربنا يسعدك يا بتي قفلت الخط حسام قال لي عايزه شنو قلت ليهو عايزاني اساعده في المطبخ بس بخلص هنا وبمشي ليها قال لي خلاص ما تشتغلو هنا اجهزو انتي وسمر بوصلكم واصلا الليله انا معزوم عرس الدعوه غداء بفطر عند ناس امي وبمشي الغدا وبجي غاشيكم سمر دخلت غرفتها ونادت حسام انا الشمار حرقني بصراحه قلت يا ربي عايزاهو يختار ليها الهدوم البتمشي بيها خلي يجي انا زاتي يختار لي مش برضو راجلي وعندي حق فيهو 😏
وفي الغرفه سمر قالت لـ حسام انا ما ماشه قال ليها لييه قالت ليهو عشان امك ما ضربت عزمتني وضربت لـ شجن قال ليها بس امي ما ضربت لـ شجن في تلفونها ضربت لي انا قالت ليهو بس قالت عايزه شجن وبعدين خالتو نوره كل ما تكون طالعه مشوار ولأ مناسبه بتضرب لـ شجن عشان تسوقها معاها وانا ما بتعبرني ويا ريت لو شجن بتمشي معاها بعد ده كلو بتعتزر وما بتمشي ولا فكرت مره تسوقني 😒 حسام قاطعها قال ليها سمر ده كلام نسوان ما عندي علاقه بيهو وخليك متزكره امي الوحيده الوقفت معاك في العقد وبعدين حزاري ثم حزاري ببتحاولي تغلطي لي امي حتي لو كانت غلطانه 😠 هسه حابه تمشي ارح قلتي قاعده انتي حره قالت ليهو ماشه ناس امي قال ليها جدا اجهزي اوصلك طلع منها وجاني في الغرفه وطبعا انا ما عارفه الحوار الدار بينهم قلت هي احسن مني في شنو عشان يختار ليها ملابسها بديت ليهو الدلع من اولها قلت ليهو سومي قال لي حياتو لـ سومي وحلات اسمي لم يطلع من حياتو لـ سومي 😘 قلت ليهو بطل بكش وتعال ساعدني ألبس شنو طبعا اتخلع لانو دي اول مره في حياتي اطلب منو الطلب ده انا البساعدو في اختيار ملابسو بس هو لااا جا علي قال لي غريبه الليله قلت ليهو ما غريب الأ الشيطان مش من حقي اطلب منك تساعدني ولأ ما من حقي وبقلبي قلت ليهو ولأ بس بتساعد سمر مسكني من وسطي وقال لي حقك ونص وخمسه بس عارفه ألذ حاجه شنو تطلع من وحده تنكد عليك تدخل لوحده رومانتك تنسيك هموم الدنيا 😍 قلت ليهو بحده كيف يعني بنكد عليك غلطانه انا عشان قلت ليك اختار لي قال لي حبيبي انا انتي فهمتي غلط انا قصدي سمر قلت ليهو مالها قال لي قالت امي بتفرزك منها وبتتشرف بيك قدام الناس انك مرت ولدها وهي لااا شوفتي ما برااي البميل ليك😘 زحيت منو قلت ليهو بس كلامها ده ما صاح بقلبي قلت ليهو بالعكس خالتو نوره بتحبها هي ما انا ومشيت فتحت الدولاب عشان اطلع هدومي جا وقف وراي قال لي مش قلتي اختار ليك قلت ليهو لا غيرت رايي ح البس عبايه عشان اطلعها واشتغل قال لي راحتك حبيبي 😘 موقفي طلع بيش انا كنت فاكره سمر نادتو مرومسنين مع بعض واساس يختار ليها ملابسها بس طلعو متناقشين 😅 طلعنا وصلنا سمر ناس امها و وصلنا ناس خالتو نوره سلمت علي بالاحضان وشابكاني يا بتي بقلبي قلت مصالح والبحر المالح المهم بعد شربت العصير قالت لي سمر مالها ما جات معاكم قلت ليها في بيت ناس امها طيب يا خالتي المكونات جاهزه قالت لي اااي في المطبخ بس ارتاحي شويه يا دوووب جيتي قلت ليها مامشكله ما تعبانه دخلنا انا وهديل المطبخ بديت اعمل في الجاتو وهديل بتتونس معاي جات خالتو نوره عملت الفطور قالت لي خلاص ننتظرك لم تنتهي قلت ليها لا ما تنتظروني افطرو عادي انا بعد انتهي بفطر وبعدين شاربه الشاي متأخره قالت لي ما ممكن نفطر نخليك قلت ليها عااادي والله هديل قالت لي انا كان بنتظرك بس ما بقدر اقاوم اللقمه بملاح الويكه 😍 قلت ليها كلبه تبيعيني للاكل 😒 ختو الصينيه حسام جاني في المطبخ قال لي شجن مالك ما عايزه اكل قلت ليهو بفطر بعدين قال لي اجلي الشغل بعد الفطور لو ما فطرتي ما بتقدري تشتغلي ومسك يدي فكيتها قلت ليهو بديتو ما بقدر اقطعو وهسه والله ما جعانه قال لي طييييب وعد تفطري قلت ليهو وعد طلع انا انتهيت من الجاتو هديل عملت لي عيشه جبنه بزيتون فطرت وبديت اعمل في البسبوسه وهديل بتعمل في بلح الشام حسام جا داخل قال المطبخ ريحتو محل حلواني حلواني هديل قالت ليهو بعدين لو ما دفعت قروش ما بتاكل قال ليها بلح الشام حقك ده زاتو ما عايزو باكل من العملتو مرتي قلت ليهو والقال ليك منو مرتك ح تديك قال لي شجن هديل عادتك بالسرعه دي قلت ليهو اي عادتني مش اختي ابو حسام جا داخل قال لي الله الله زمن من الطيبات دي تسلم يدك قلت ليهو الله يخليك قال لـ حسام نمشي الصلاة ما تفوتنا حسام قال لي شجن من الصلاة بنمشي العرس والعصر بجي بهنا قلت ليهو تمااام انا ا
