" خيط القدر الاحمر "

الكواليس

من التقاليد الشائعة أنو بالروايات يعملوا مقابلات مع الابطال
هاد شي كتير منيح و يمكن القراء من التخاطب مع الابطال بس نحنا بنحب التميز لهيك خطرلنا شي يمكن مجنون شوي

طبعا الكل يعرف أنو الرواية انكتبت بالاشتراك
لهيك راح نكشفلكم شوي من أسرار الكواليس تبعها

في البداية بنحب نخبركم أنو الرواية أخذت منا شهرين بالضبط لحتى اكتملت
و البداية كانت يوم 2018/04/07
و النهاية يوم 2018/06/07

طبعا مع الانقطاع عن الكتابة ما يقارب العشرين يوم بسبب امتحاناتي أنا وسام و إلا لكنا نهيناها بمدة أقصر

كمان بتذكر أنو نادين هي اقترحت فكرة أنو نتعاون برواية
وأنا كنت سعيدة باقتراحها و قررنا نبدأ فيها و ما كانت عنا اي فكرة ضلينا نتخبط بافكارنا و بعد ما لقينا الفكرة
وبالتأكيد نادين اختارت بطلها يلي هو دونغهي
أنا ضليت أتخبط مين بدي أختار و في الأخير رسيت على بر و اخترت سيهون

وضلينا نتخانق من شان ناخذ الأدوار يعني بطلة مين راح تكون مريضة
ستنو لا تفكروها خناقة هي كانت تقلي اختاري و انا بقلها اختاري هاي هي الخناقة
ههههه

و بالأخير أنا حكيت أنو بدي طلع شخصية سيهون مختلفة عن الروايات التانية يلي قرأتهم عنو و كان هو بطلهم
يعني البارد و القاسي و يلي ما بعرف الرحمة تقريبا كل الروايات عنو هيك

أما دونغهي مدلعينوا ؛ دندون اشتغلتلوا على شخصياتو برواياتها كتير منيح من أيام على أعتاب السعادة حتى رواية حجر المصير و اجت القنبلة بخيط القدر الأحمر و الكل عشق شخصيته فيها و منشان طلعوا حنون و مختلف

سيهون طبعا اخذت الشخصية المريضة للبطلة و من خلال اهتماموا فيها طلعت الشخصية يلي كان بدي ياها

نجي لأكثر شخصية انحبت
اي سوك
سوكي حبيبة قلبنا كلنا
كانت هي الحدث حبها تضحيتها مشاعرها و قلبها كلشي بيها كان ساحر

بحب قول لدندون يسلموا اديكي و مشاعرك يلي طلعولنا سوكي

اي تشا هاي حبيبة الكل و كانت هي العقدة يلي جمعت الابطال و بؤرة الأحداث و بؤرة السلام مثل ما سمتها دندون

العنوان ما حطينالها عنوان لحتى كتبنا كام بارت و بعدين رسينا على العنوان استناداً لاسطورة الخيط الأحمر اليابانية

رغيت كثير مثل العادة و هلأ راح خليكم مع سكرينات الشطحات و حكياتنا
اخترنا مجموعة راح تخليكم تضحكو و تفرفشو

بتمنى فكرة بارت الكواليس تكون نالت اعجابكم و استنوها برواياتنا المشتركة