على أوتار العشق ( الجزء الأول : مكتملة )

الجزء الخامس ( عودة )

_ نور : عريس مين ؟!
_ مروة : مالك .. مالك إبن خالتي
_ نور : مالك ابن خالتك دا الي كان مسافر برا
_ مروة : ايواا راجع بعد امتحاناتي الشهر الجاي و طلبني من ماما
_ نور : و انتي مالك زعلانه كدا يا مروة هو انتي مش قلتيلي انك بتحبيه ؟!!
_ مروة : وكمان قلتلك أنه متجوز
_ نور : كان يا مروة كاان .. احنا لينا بدلوقت
_ مروة : لأ طبعا مينفعش
_ نور : و ايه قل نفعه دا انتو بينكو قصة حب انا لو مكانك كنت هطير
ابتسمت بسخرية من حالها
_ مروة : حب من طرف واحد مينفعش يا نور
نظرت لصديقتها بأسي و حزن و هي تراقب تلك الدموع الحبيسة في مقلتيها ...
و صمتت فهي لا تريد الضغط عليها أكثر عانقتها بلطف علها تبثها القليل من الهدوء و حزنها علي صديقها ظهر مع ظهور اول دمعة خائنة هربت من سجن جفونها ....

****************
تعلن شركة الطيران المصرية عن وصول الطاۓرة العائدة من الولايات المتحدة الأمريكية ......
كان يقف منتظرا في المطار حتي ظهر هو من بعيد وهو يلوح له ابتسامته الودودة
شاب طويل القامة بعينان بلون البندق و زقن مهذبه متصلة بشعر ناعم باللون الأسود وسيم بدرجة ملحوظة ... أنه هو ...
مالك ....

******************
فتح باب شقته الواسعة و رحب لصديقه بحرارة بينما تقدم مالك ليتهاوى بتعب علي أقرب أريكة ..
- عاصم : حمد الله علي السلامة يا صاحبي
- مالك : الله يسلمك يا عاصم
نظر له فوجد ايمارات الحنق بادية علي وجهه و قبل أن يسأله عن حاله بادره هو بسؤال غريب ....
- مالك : هي مروة مشفتهاش في المطار و انت هناك مستنيني
- عاصم : مروة ؟؟ مروة بنت خالتك !!!
تنهد وهو يقول بنبرة غريبة
- مالك : أيواا مروة بنت خالتي
- عاصم : لا مشفتهاش
- مالك : كنت عارف أنها مش جاية أنا كنت عارف
و قام من مكانه متوجها إلي الشرفة الواسعة الملحقة بالغرفة ...
قام ورائه عاصم الذي كان غير مستوعب ما يحدث ..
- عاصم : مالك يا مالك في ايه
- مالك : عادي مفيش حاجة مشاكل
- عاصم : ميرال بردو ؟!
- مالك : انا و ميرال أطلقنا يا عاصم
- عاصم : ايه و ازاي متقليش الكلام دا
- مالك : انا مقلتش لحد غير للعيلة و ليك و ل..
وصمت و كأنه لأول مرة ينطق اسمها و للحظه صديقه الذي قرر أن يخفف عليه الضغط قليلا  ....
- عاصم : و لمروة مش كدا
صمت و أدار وجهه ناظرا للبعيد بينما تحير عاصم من شآن صديقه 
- عاصم : لسه زي زمان ؟
أبتسم ولا يزال ينظر للبعيد بنظرة ضياع ....
- مالك  : آااه لو يرجع زمان

*****************
دخلت غرفتها وتهاوت علي الفراش و قد بدأت في البكاء المتصل و كعادتها في تلك اللحظات تهاتفها فهي الوحيدة التي تسمع و لا تشتكي ..
_ مروة ببكاء : نوور
_ نور بخضة : مروة مالك انتي بتعيطي ؟!!!
ظلت تأن و تبكي و سمعتها نور التي أغمضت عيناها بآسى علي حال صديقتها ...
_ نور : روحتيله المطار مش كدا
_ مروة : بس هو مشفنيش
_ نور : ليه بس كدا  ... ليه مصره تتعبي قلبك يا مروة
_ مروة : مش قادرة يا نور مقدرتش مروحش واشوفه كان وحشني
_ نور : وأدام واحشك ليه مش موافقه يتجوزك ؟؟
_ مروة : علشان كان متجوز و ..
_ نور : مروة بطلي حججك دي انتي عارفة و أنا عارفه انتي رفضاه ليه
_مروة : نور ممكن نتقابل تعاليلي البيت
_ نور : انا فعلا كنت جاية لأن احنا لازم نحط النقط علي الحروف بقاا