حتى لو ماعاجبك
سيفي راح يحاسبك
🕯️ 🕯️ 🕯️ 🕯️
عريس وثياب الفرح
درعي على صدري
لا تسأل شگد العمر
ساحة حرب عمري
شاب آني وبگد كربلا
وبس كربلا بكبري
ويم الفرات أحفر نهر
مو ماي دم يجري
خلها بيني وبينك
راح أطَشْر اسنينك
لا تگلي بشاربك
لاتقلي بشاربك
🕯️ 🕯️ 🕯️ 🕯️
شارط على اهلي من الزغر
لمن يزفوني
خل أكشخ بسيف ورمح
وبالدم يحنوني
هلهولة أريد من الخيم
لمن يذبحوني
حب و غزل مثل الحرب
ما شافت عيوني
والمهر بالتالي
دم نحر مو غالي
عين أمي اتراقبك
عين أمي تراقبك
🕯️ 🕯️ 🕯️ 🕯️
من صاحوا إلمن هالبدر
من يشبه الخاتم
هذا علي لو حيدره
لو بو الحسن قادم
قلتلهم انا الزلزله
و الحازم الصارم
عباس آني والحسن
وحسين والقاسم
اعصف بصولاتي
واذبح بنظراتي
هذا صوت ايخاطبك
🕯️ 🕯️ 🕯️ 🕯️
مو شي عدد سبعين الف
ما واصل الغايه
منهم ترى شسع النعل
عندي اغله بهوايه
آنه ابن اخو الذّل النهر
والعلقمي ومايه
من ايده طاحت كربله
وما طاحت الرايه
انا مثل الكافل
بالحرب ماجامل
امشي بلغ صاحبك
امشي بلغ صاحبك
🕯️ 🕯️ 🕯️ 🕯️ 🕯️
مقياسكم چان العمر
واسنيني الزغيره
شوفوا المخالب والنسر
ما يرحم الطيره
نار أنقلب من انجرح
و اتضهضب الغيره
جف ايدي ناعم بس ترى
چف الوغه يديره
مو غرور وداعتي
والمعارك مالتي
وآنه بيهن غالبك
وآنا بيهن غالبك
🕯️ 🕯️ 🕯️ 🕯️
لا تبجي أم اعله النحر
ما اقبل تعاتب
بالجنه زفه من العمر
رب العرش كاتب
خلوها تنظر للسمه
لو ردات تراقب
ثاراتنا وزفتي سوه
من يظهر الغايب
يالرهانك خاسره
عندي غايب ناطره
وانت ناطر غايبك
وانت ناطر غايبك
أنت تقرأ
كلمات لطميات باسم الكربلائي وغيره من الرواديد ١
Ngẫu nhiênكلمات لطميات باسم الكربلائي و غيره من الرواديد اجمل صوت في هذه الدنيا اكتبوا قصيدتكم المفضلة في التعليقات وان شاء الله اكتبهه الكم❤️😊
