يا بناتي.. مدري متغيرات لو متغير آنه
يابناتي .. الرمح گاعد بالمكان المو مكانه
يابناتي .. يابناتي
__________________
يلي دللتني من خلص دلالي
ابخدي ظل مكان البوسه خالي
انعم الله عالرمح يابويه عالي
ويطمئن اعليچن ابكل خطوه بالي
ابذكرياتي .. خمسه اذكر ادري من اذكر قليله
ابذكرياتي .. سكينه خوله عاتكة رقيه العليله
يابناتي يابناتي
________________________
سكنه بويه ليش ماگالولج الناس
على الصار اعله الشريعه فاضت إحساس
بعد لاتقرين جيب الماي عباس
مات عمچ والبگاله اعله الرمح راس
امنياتي .. چانت اكبر من عطاشه وسالفة ماي
امنياتي .. الشمر واگفلي واريده يوگف وياي
يابناتي يابناتي
________________________
بالله شخبار العليله التنتظرني
كسرة العباس مدمعها كسرني
ميت وگالتلي بويه ماتمرني
القهر زينب أسمع اتگلي قهرني
من مماتي .. هم تجي لوماتجي خلص حچيها
من مماتي .. بالمدينة وانه دوم اسمع بجيها
يابناتي يابناتي
________________________
غاليه البنت اعله ابوها اشگد يحبها
اشلون إذا گدامه فد واحد ضربها
بنتي خوله اتموت عطشانه اشذنبها
اتشرفت تربة بعلبك من تربها
ياغلاتي..ادري من اتردلي زينب ماتجيتي
ياغلاتي..اربعيني ابدونها مو أربعيني
يابناتي يابناتي
________________________
عندي موعد بالحلم أوصل رقيه
واعدتها من جنت بالطف رميه
اتگلي بويه ليش متأخر عليه
يضربوني وعلى حلگي امخليه اديه
يا أغاتي .. الزهره وصتني اعله زينب من مشينه
يا أغاتي .. البيها امكفيها ما عايز بچينه
يابناتي يابناتي
________________________
اتجرد اسماء الظعن دمعة عيوني
مونفس ماراحو ايتامي يجوني
أشلوني لتگولن يبويه انتو لوني
السبوكم وآنه بترابي سبوني
وي خواتي .. املطخ ابدمي يجي ثوب المن الثوب
وي خواتي .. بويه مشتاقتلك اعله الظهر مكتوب
يابناتي يابناتي
________________________
كلمات الشاعر - حمزة السماوي
أنت تقرأ
كلمات لطميات باسم الكربلائي وغيره من الرواديد ١
Sonstigesكلمات لطميات باسم الكربلائي و غيره من الرواديد اجمل صوت في هذه الدنيا اكتبوا قصيدتكم المفضلة في التعليقات وان شاء الله اكتبهه الكم❤️😊
