كلمات لطميات باسم الكربلائي وغيره من الرواديد ١

١٣١.{نوم العافية_ عمار الكناني }

نامى نوم العافيه***ميته اظن مو غافيه

چنهه نامت***مدرى ماتت

نامى نوم العافيه
﹏﹏﹏﹏﹏﹏﹏﹏﹏

تناشق وتبچى رقيه وگوه يتفرزن حچيهه

خلت الراس ابحضنهه و سولفت علصاربيهه

اتگله بويه الدللتهه ليش ماتنشد عليهه

نايم الشوک ابرجلهه وبلخيم محترگه ايديهه

اتگله رجعت عافيه***ميته اظن موغافيه

چنهه نامت***مدرى ماتت

نامى نوم العافيه
﹏﹏﹏﹏﹏﹏﹏﹏﹏

اتگله انته العلمتنى لحظه من ابعد واجيک

حضنک اتحضره الشبگتى ابلهفه من اگبل عليک

وهذا بس راسک بيديه وحضنى بارد وين ايديک

ياعزيزالله وحبيبه انته حط کلشى الله بيک

شبگه منک کافيه***ميته اظن موغافيه

چنهه نامت***مدرى ماتت

نامى نوم العافيه
﹏﹏﹏﹏﹏﹏﹏﹏﹏﹏﹏

عالطشت نامت رقيه اتگله بارد مادفيت

اتگله احچى اوياک ساعه وانته کلمه ماحچيت

حگه راسک ينسه صوتى اتغير امگد مابچيت

محترگ وجهى ارد انشدک گلى وين الگاک وين

ارد اموتن دافيه***ميته اظن موغافيه

چنهه نامت***مدرى ماتت

نامى نوم العافيه
﹏﹏﹏﹏﹏﹏﹏﹏﹏

صدرک افراشى تگله وچان يحسدنى الحمام

اتنوم اسهام امکانى من النعس چا وين انام

ظلمه يابويه الخرابه وآنه اخاف امن الظلام

راح اموت آنه اعله راسک واختصرکل الکلام

الموت يمک عافيه***ميته اظن موغافيه

چنهه نامت***مدرى ماتت نامي نوم العافية

﹏﹏﹏﹏﹏﹏﹏﹏﹏﹏﹏

✍ علاء العيساوي

~~~~~~~~~~~~~~