كلمات لطميات باسم الكربلائي وغيره من الرواديد ١

١٤٠.{حسين يايمه_ عمار الكناني}

حسين حسين يايمه

جيتك ودموعي تصب
ابجي و مكسوره گلب
شفافك ذبلهه عطش
و ضعنك يحدونه غرب
فوكك ماباقي هدم
بجسمك ماباقي رسم
افرك بعيوني كمت
هلبت كل هذه حلم

ياهو الكطع نحر راسك
بجم وصي ونبي باسك
وليش الهجم على خيامك
فوك الترب رجع داسك
حسين حسين يايمه

لجمني ضلوعي امس
گلب الام يمه يحس
شفتك عالغبره جسد
نايم والحومه شمس
عمامه و جفيه خضر
صارن يوليدي حمر
بجسمك ماباقي ضلع
مابي بالحومه كسر

بيك اشعمل علي وجاسم
و ظهرك حنا قمر هاشم
واكثر بعد مرد روحك
ضعنك تفرهد الوادم
حسين حسين يايمه

قلبي الفاقدله ولد
مايكطع نوحه ابد
لو صوت الناعي سكت
يصرخ و يكله بعد

يعين الله العدهه ابن
اتحضنه وماعنده حضن
ماباقي بجفه صبع
وماظل عند اخته متن

الماعنده ام تشم خده
اخته تجي تون عنده
واذا اخته كطع بيهه
يضل فوك الثرى وحده
حسين حسين يايمه

انه ام الضامي جبد
اركض لخيامه وارد
اجمع بايتامه صرت
واحسب بحروحه واشد
يوليدي و عاري نمت
وعندك بالحومه اخت
شاطت وعيوني عمن
ومن طاحت يمه طحت

لاهو جرح و اداويلك
ولاضل ابن يتحيلك
لافي اخت ولاخيمه
لاضل اخو يجي يشيلك
حسين حسين يايمه