كلمات لطميات باسم الكربلائي وغيره من الرواديد ١

١٣٧.{يافاطمة يام الحسن _ عمار الكناني}

يافاطمه يأم الحسن
باجر بناتچ ينسبن
لا انتي جيتي و لا علي
طول الدرب يتلفتن

يافاطمه مدو رمح ** للتركض ايعثرونها
والتبچي يم راس الگمر ** ذبو رمل بعيونها
والسوط لاحگ بت علي ** ويدور اعله امتونها
واحد يطگ واحد يسب ** والتوگف ايطيحونها

يأم الحسن وشچم نذل ** يركض وره اسكينه ابحبل
وتصيح ابد ما انچتف ** لوعمي ابوفاضل عدل

______________________

حرگوا صيوان الگمر ** نثروا علينه ارماده
جمعوا خواته اعله النهر ** چتفوهن اعله اعناده
اتمنيت راسك يالشمر ** سيف ابوفاضل صاده
وما طالت إيدك عالخدر ** وأطـك بنات الساده

عگب الگمر يافاطمه ** اعلينه الشمر صار أزلمه
وگبالي ظل يشتم هلي ** من هاشم لحامي الحمه

______________________

كل الحرم نفس الحبل ** چف او يچف شداها
ولوطاحت الأولة وهوت ** اتطيح الأخيره اوياها
والحادي مايقبل يرد ** للـ بالدرب ننساها
يايمه لو ضاعت مره ** بهالليل وين الگاها

لاجانه للطف حيدره ** لا عدنه سبع الگنطره
يالزهره والسبعين الف ** كلهم زلم وآنه مره

______________________

ماتت سكينه امن البچي ** العمها الگمر مشتاگه
كلما نوت للمشرعه ** وي حرمله تتلاگه
و رقية مو مالت سبي ** وطول ابوها افراگه
وراسه يطيح امن الرمح ** لو طاحت امن الناگه

ايديرونه راسه ويلتفت ** ويظل يون كلما طحت
وراس الكفيل المنذبح ** ايدخن إذا طگوله اخت

______________________
.
يافاطمه ولدج تره ** لعبت أميه ابروسهم
وحسين اخوي امن الطعن ** عوجوا ابصدره اسيوفهم
واحد على واحد يذب ** خنصر يمينه انشوفهم
اعلينه الحوافر من اجت ** جابت وياها اضلوعهم

ماضاگوا الماي من امس ** شربوا طعن شبعوا شمس
زلم آل أميه غيمت ** ومطرت على اخواني رفس

______________________

كلمات الشاعر علي عويز الشويلي
______________________