كلمات لطميات باسم الكربلائي وغيره من الرواديد ١

١٤٤. {مالايرى وما يرى_عمار الكناني}

ما لا يُرى وما يُرى
ما بالثُريا والثرى
وكلُ خلقٍ في الورى
بكى على الحُسين .. بكى على الحُسين

مات ابواليمه وبچه كلشي اعله موته
والوجود ابأسره صاح ابعالي صوته
ما يُرى وما لا يُرى ناح اعله مولاه
والي ساكت هم بقه ايون ابسكوته

من في الجنانِ والنعيم
ومن تلظى في الجحيم
حتى ذوي العظمِ الرميم
بكى على الحُسين .. بكى على الحُسين
_______________________________

بالحزن شفنه الشمس غضت بصرها
يوم أخت عباس طلعت من خدرها
والنجوم اتلاطمن نجمه ويه نجمه
وفرعت الها السمه ونشرت شعرها

وشقَ جيبهُ القمر
وانفجرت عينُ الحجر
فالكونُ من قبلِ البشر
بكى على الحُسين .. بكى على الحُسين
_______________________________

الرمل من خده ايتعذر واهوه تحته
والرمل عالتل غده اينوح اعله اخته
والسنان الشال راسه يلطم الراس
والحجر من صك جبهته صك جبهته

بشيبهِ الملطخِ
ذي صرخةَ المستصرخِ
كذا من في البرزخِ
بكى على الحُسين .. بكى على الحُسين
_______________________________

حته سلاب اليتيمه من تعده
يبچي ويجاوبها يوم الي تنشده
جان ما سلبچ انه ايسويها غيري
ومد اديه اعليها ودموعه اعله خده

رزءٌ لهُ تبكي العيون
قد جلَ عن مايصفون
ما كانَ أو ما سيكون
بكى على الحُسين .. بكى على الحُسين
_______________________________

عايش ابگلبي مايبره حاشه
عالذي حر الثره صاير افراشه
طايح وحوله خواته اتصيح ياويل
واليتامه ابصوتها بحة عطاشه

بالدمِ غابت شمسهُ
من بالمنايا اُنسهُ
حتى الحُسينُ نَفسهُ
بكى على الحُسين .. بكى على الحُسين
_______________________________

.•° كلمات الشاعر ميرزا عادل اشكناني °•.