كلمات لطميات باسم الكربلائي وغيره من الرواديد ١

١٠٣.ماسال بعد

ما اسال بعد عن القبر وين
طلع قبر الزجية بقلب الحسين
لذلك صرت ازور احسين مرتين

بعد ماكول ادور وين عن قبر الزجية
شفت عدهه قبر موجود بارض الغاضرية
خلوا تسحگ عله حسين خيل الاعوجية
درو بي دافن ابقلبه ليالي الفاطمية
واقول بكربله و احساسي موجوع
سلام الله عله مكسورة الضلوع
و ابوكت الزيارة بروحي حزنين
لذلك صرت ازور احسين مرتين

ماسال بعد. ..

صرت كلما اشوفن باب اريدن ضلع اكسره
من يحجولي عالبسمار احس بصدري حسره
مدري اشينلجم بالروح يم كل طاري عصره
اريد اسنيني من عاشور لحد مجلس الزهره
من ابجي الليالي الفاطميات
اكول احسين اضنه بهالشهر مات
روح ويه امه ماظن همه روحين

ماسال بعد...

هيه الزهره بالاحساس صارلهه مدينه
تون كل مجلس امن ايصير لحسين و ونينه
احسهه تكول اه يحسين ادري الام حنينه
واقره نوحي عالاولاد يا زهره الحزينه
احسهه لو وكت العزه حان
انه الوالده والقلب لهفان
دمعي و لطمي صار لفاطمة دين
لذلك صرت ازور احسين مرتين

ماسال بعد...

لقيت بعمري عاشورين مجالسهن تجيله
محرم و الليالي عشتهن ليلة ليلة
اثلاثه الفاطمة روايات كل عام و قليلة
وغير احسين و ام احسين ماعندي وسيلة
وانه ببابهم ماعوف هالباب
وقاري بالجزع والحزن جلباب
مثل هذه الشرف يتحصل منين

ماسال بعد...

عشت كل عمري اشوف احسين يشكر باليخدمه
واليبجي بعزه الزهره حسين يكرمه نسمه
بعين الله جبير يصير من يسجل اسمه
اشمحلاها اذا يرضون عني هو و امه
وانه حسين ابوية و عاشقه هواي
وبكل المواقف واقف وياي
مثل الدمعة ابد مافارق العين
لذلك صرت ازور احسين مرتين

ماسال بعد...

قمت كلما ازور حسين و اسلم روحي بيده
احس فاطمة تنشف بعدهه بدم وريده
واكض شباجه واتمنه واتگلي اخذ الي تريده
احس الزهره تقره وياي من اقره القصيدة
مو بالكيف دمعي يطيح واحتار
اشوف لفاطمة باحساسي تذكار
النفس يخنكني و ايأذنني ضلعين
لذلك صرت ازور احسين مرتين

ماسال بعد...

بلا شك هالمجالس هاي حضور الزهره بيهه
يالله يا زهراء يا زهراء
بلاشك هاي المجالس حضور الزهره بيهه
تجي و تشوف ياهو الجاي منو اليبجي عليهه
عمت عيني عله الضلعين تمشي مخلية ايديهه
لو بيدي تضل ترتاح وانه بدمعه اجيهه
رايح حيلهه من عصرة الباب
تره ما عايزه تتجمل الصواب
لو يندار درت الصابها البين
لذلك صرت ازور احسين مرتين

ماسال بعد...
بمجالس فاطمة تربيت اموتن بيهه رايد
وايشيعوني اليخدمون و الزهره تشاهد
اوينلف الجفن ياريت اوراق القصايد
لطمية الدعاء يصير لو يدعيلي واحد
حسين يكلي راح امي التلگااك
باب الجنه باب ام الحسن ذاك
عله حدمتهه رايد امضي عمرين
لذلك صرت ازور احسين مرتين

ماسال بعد...