كلمات لطميات باسم الكربلائي وغيره من الرواديد ١

٨٤.ازور سيدي

أزورُ سيدي و مولاي...ابليلة الجمعه
و أدري الزجية اتزور وياي...ابليلة الجمعه

رب العزة بالطف زاحم أملاكه
طواف الجمعة بالطف فارضه اهناكه
قبر حسين جنة و يصعب إدراكه
تسوه الدنيه لزمت باب شباكه
جبريل يخدم بالصحن جاي...يخدم البضعه
و أدري الزجية اتزور وياي...ابليلة الجمعه

بباب القبلة تسجد روحي معتاده
عبد و العبد يحني ابحضرة أسياده
إجه إسرافيل للطف يطلب امراده
فطرس بالصحن مد جنحه سجاه
و يقول تربة كربله ادواي...للحبيب أسعه
و أدري الزجية اتزور وياي...ابليلة الجمعه

نزل رضوان للطف مختنق صدره
يفك باب الحسين و تدخل الزهره
ميكائيل يكنس شفته بالحضره
دعه بأمن يُجيبُ و إنكشف ضره
واقف عله الباب و يصب ماي...نادر ايوزعه
و أدري الزجية اتزور وياي...ابليلة الجمعه

القبر حسين و الراعي العلم قصده
عله عتبتهم إقره آية السجده
ما خاب السعه و إلهم يمد يده
بين الحرمين اشمحله هالقعده
اتحسدك الدنيه القعدتك هاي...منزله و رفعه
و أدري الزجية اتزور وياي...ابليلة الجمعه

اشمحله العمر لو في كربله يقضي
كلما رفت الراية يدق نبضي
بالصحن الحسيني تأديت فرضي
إذا بالطف أموتن يا كبر حظي
اويه حسين أسولف ضيم دنياي...المشتكه ايسمعه
و أدري الزجية اتزور وياي...ابليلة الجمعه

ليلة جمعه و أشواق القلب تحدي
بباب حسين واقف وقفت امجدي
دعاء الفرج أقره و دمعتي ابخدي
عسه بكن لوليك يرجع المهدي
يا ربي طالت غيبته اهواي...عجل الطلعه
و أدري الزجية اتزور وياي...ابليلة الجمعه