كلمات لطميات باسم الكربلائي وغيره من الرواديد ١

١٨٠.{راعي الشدايد وينه _جليل الكربلائي}

للشاعر سيد سعيد الصافي
راعي الشدايد وينه ،، خل يجي لدفن حسينه ،، خل يجي لدفن حسينه
وين الي تسمّه حامي الجيران
جاوينه الحضر ساعة دفن سلمان
هذا حسين شبله موسد التربان
وثالث يوم جسمه بعازة الدفان
خل يگعد بعينه يشوف ,, أهل الردى مسلبينه ,, أهل الردى مسلبينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
وجّه للنجف وجهه علي السجاد
يا حامي الدخيل و مقصد الوفاد
إلمثلك ياعلي بهذا الوكت ينراد
يجدّي لوحدي شلون ادفن الأجساد
هذا سميّك ينخاك ,, منك يريد تعينه ,, منك يريد تعينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
طر گبرك يجدّي لكربله تعنّه
حيّرني أبوي شلون ادفننه
يجدي ولا بقه سالم كتـر منه
مرمي اعلى الوجه وشلون اگلبنه
متحيّر يلمّه شلون ,, جسمه الذي مگطعينه ,, جسمه الذي مگطعينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
حالة البيها احس صبري وصل حدّه
من عادة الميت لو وصل لحده
يتخلّه عله تراب اللحد خده
أوسده شلون أبوي وراس ما عنده
من نحره لن أسمع صوت ،، يصعب علي تعيينه ،، يصعب علي تعيينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
يگلي يا علي كف دمعك اليجري
و خل صبرك يا باگي أهلي مثل صبري
يبني و من توسدني على گبري
و عبد الله رضيعي يوسده يم صدري
من يطر گبري الموعود ,, ينظر رضيعي بعينه ,, ينظر رضيعي بعينه
راعي الشدايد وينه ،، خل يجي لدفن حسينه ،، خل يجي لدفن حسينه
***********

دفنت حسين ابوي و جملة اصحابه
و جسام الشباب بدمعه سجابة
و الهيّج ابقلبي ونة امصابه
علي الأكبر أخوي اليضهد صوابه
مثل الرسول المختار ,, هذا الذي مشبهينه ,, هذا الذي مشبهينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
الأبوذية
بلا رواح
خدرنه ما بگه عدنه بلارواح
ولمن عرّج الحادي بالارواح
على الهزل هياكلنه بلا أرواح
تركنه أرواحنه بالغاضرية