كلمات لطميات باسم الكربلائي وغيره من الرواديد ١

١٩٠.{هذه اخوي اليطرب عله الزمه_فاقد الموسوي}

هذا اخوي اليطرب اعله الموزمه
صگـر غاب ويغرم ابفيض الدمه
جـوي وماتبعد على چفوفه السمه
اطلابه بين اگراب اخوي وصارمه

ماتحد مهره احدود .. يچفت الصيده ابزود

الريح يستنكف ايمر ابخيمته ..الريح يستنكف ايمر ابخيمته

يبوفاضل دخيلك يبوفاضل ....... يبوفاضل دخيلك يبوفاضل
__________________________________

هذا خال ابن العده ايعرفونه
الگاع هينه ايحطها فوگ امتونه
حـِله الميدانه وحلتله افنونه
ثنه عزرائيل بين اعيونه

وعلي حيهم لواصيح .. يمكن السبعه اتطيح

وحسين متونس ابزوده اوشيمته .. حسين متونس ابزوده اوشيمته

يبوفاضل دخيلك يبوفاضل ...... يبوفاضل دخيلك يبوفاضل
__________________________________

اشويه كلش دنية الله ابعينه
تلتوي الدنيه وتظل چفينه
الطاس مايحتاجه كافي إيمينه
لچن شاله ايهفي بي لحسينه

اشلون يحتاج الطاس .. هوه غير العباس

غير شايل لوه حسين ابشيمته ..غير شايل لوه حسين ابشيمته

يبوفاضل دخيلك يبوفاضل ...... يبوفاضل دخيلك يبوفاضل
__________________________________

الكوفه والبصره اتخسه اشبيها وتلم
ظنهم العباس يرتد الشهم
جمع الاكبر سيف باشط ينثلم
ابزمن حيدر هذا واتهابه الزلم

خل تشوف العربان .. اليوم عركة عدنان

ايهيم وتهيم الرجال ابهيمته .. ايهيم وتهيم الرجال ابهيمته

يبوفاضل دخيلك يبوفاضل ...... يبوفاضل دخيلك يبوفاضل
__________________________________

ستر ياستار ذب اعمامته
وعبس وجهه ونوره صار ابشامته
اجه ايودع حسين لابس لامته
وهامة حسين التگت وي هامته

ارد اطب اعله الگوم .. مشتهي العركه اليوم

كون موش اليوم اعارك ليمته .. كون موش اليوم اعارك ليمته

يبو فاضل دخيلك يبوفاضل .. يبوفاضل دخيلك يبوفاضل
__________________________________

هله بصول النايبه وطرواها
الما يحب الصيده من مگفاها
الما يميل اشما اتميل ارحاها
امنين مادارت عكس لاگاها

لعبت البيض ولعب شعره ولوه
وعرگ جاسه الغيض وابراسه انچوه
نفخ نار الزعل واحتر الهوه

وچان حيل الله وعلي امسمينه

" وچان حيل الله وعلي امسمينه"

هذا ابو الصعبات والما ينگضن
هذا دم حسين وعروگ الحسن
اچفوفه تجزي السابعه وماينجزن
والمنايه اتشمر اشما شمرن

سبعه عمره وگنطره امسلمينه

" سبعه عمره وگنطره امسلمينه "