كلمات لطميات باسم الكربلائي وغيره من الرواديد ١

٥٩.ليش هيجي تغيرت انت مو انت صرت

ليش هيجي تغيرت
انت مو انت صرت2️⃣
ماتحاجيني متت من سكوتك 2️⃣

علمتني والدنيا جذبه
والهوا عابر سبيل2️⃣

ماكو شي بين الاخو
والاخت اسمه المستحيل2️⃣

منين ماعاين الوجهك
الكه بي دمك يسيل2️⃣

رغم هذه لو طحت
من الهزل راسك يميل2️⃣

طولك بطول الرمح
جم جرح كلك جرح2️⃣
منذبح وانه انذبح من سكوتك2️⃣

ليش هيجي تغيرت
انت مو انت صرت2️⃣
ماتحاجيني متت من سكوتك2️⃣

راسك بحضني وضعته
خويه ارجوك السماح2️⃣

هوايه ضيم بگلبي خويه
ارد اسولف و استراح2️⃣

صعد منبر جدي شامت واذن علية الجراح2️⃣

افلح اليضرب متنهه
الف حي على الفلاح2️⃣

اشهد وان علي
ماحضر واستحملي2️⃣
قاتلك هم قاتلي من سكوتك2️⃣

ليش هيجي تغيرت
انت مو انت صرت2️⃣
ماتحاجيني متت من سكوتك2️⃣

راح اجيب الماي و اقره عالشفاه الذابلات2️⃣
من عساه ابخت ماي العلقمي وماي الفرات2️⃣

الحجر صوب جبهتك
خوية باثر ترب الصلاة2️⃣
مالومه الحجر حقه منينله مثلي خوات2️⃣

مثلي هم شايف مره؟
تبوس اخوه بمنحره2️⃣
خيره اخذت محيره من سكوتك2️⃣

ليش هيجي تغيرت
انت مو انت صرت2️⃣
ماتحاجيني متت من سكوتك2️⃣
🕯️ 🕯️ 🕯️ 🕯️ 🕯️ 🕯️

صغار جننه و واعدتني
صحت مو قسمه ونصيب2️⃣

وگتلي والعباس ماعوفج
واضل يمج قريب2️⃣

الموت مو گطعت انفاس
الموت من يرحل حبيب2️⃣

الله لاينطي الصحاري
وشيبك تسوي تريب2️⃣

امسومر بحر الظهر
وفاتح عيونك حمر2️⃣
من ترابات اليسر من سكوتك2️⃣

ليش هيجي تغيرت
انت مو انت صرت2️⃣
ماتحاجيني متت من سكوتك2️⃣

انت ما موجود خويه حين حرگوهه الخيام2️⃣
ليش اكو رماد على وجهك
خويه وضحلي المرام2️⃣

باسفل التنور اسمع نزلوا راس الامام2️⃣
نام باحضان الحطب من جان باحظاني ينام2️⃣

برؤية شافوا فاطمة تلطم وتبجي دمه2️⃣
الزهره اول لاطمه من سكوتك2️⃣

ليش هيجي تغيرت
انت مو انت صرت2️⃣
ماتحاجيني متت من سكوتك2️⃣

بعد فتره وراح ارجعك
للجسم بالاربعين2️⃣

جنهه مو ايام خويه
عدت بزينب سنين2️⃣

قبل لا تعتذر انه
اعتذرلك يالحنين2️⃣

بس اسالك لمن ارجع
شرد اكل لام البنين2️⃣

هاي امنه الثانية
شكثر تدري متانيه2️⃣
ثانية تعد ثانية من سكوتك2️⃣

ليش هيجي تغيرت
انت مو انت صرت
ماتحاجيني متت من سكوتك2️⃣

جنهه مو ايام خويه
عدت بزينب سنين2️⃣

قبل لا تعتذر انه
اعتذرلك يالحنين2️⃣

بس اسالك لمن ارجع
شرد اكل لام البنين2️⃣

هاي امنه الثانية
شكثر تدري متانيه2️⃣
ثانية تعد ثانية من سكوتك2️⃣

ليش هيجي تغيرت
انت مو انت صرت
ماتحاجيني متت من سكوتك2️⃣