كلمات لطميات باسم الكربلائي وغيره من الرواديد ١

١٧٦.{هذه علي لو عباس_الحمد الباوي}

هذا علي لو عباس .. هذا علي لو عباس

فراس ناده فراس .. هذا علي لو عباس

من ظهر .. جنه الگمر .. ضوه الضلام ابسيفه
هيبته .. من شافته .. محتاره من تعريفه
إذا علي .. الكل تبتلي .. عباس منهو ايخيفه !
بطل بطل .. وابن الفحل .. لابد وياخذ حيفه

واتعرفه كل هاي الناس .. هذا علي لو عباس

______________________

داخت احيود الزلم من شافته
شيهت بي ساعه ساعه عرفته
منها گالت علي منها ضنوته
ترجف امن ابعيد لمن نادته

انته منو يفراس .. هذا علي لو عباس

______________________

هالزلم .. تطلب سلم .. من خوفها مهووسه
والجمع .. شو مخترع .. عايش بگه ابكابوسه
حاصره .. وما حرره .. بالحومه صار احبوسه
عدد عدد .. وين المدد .. والجيش گطع روسه

للجيش جيبو حراس .. هذا علي لو عباس

______________________

الجمع حين من شافه وتأمله
دقق ابعباس زين وحلله
هذا عزرائيل جاي الكربله
اليوم ماتنفع اوياك المرجله

مثل الوصي دگ الساس .. هذا علي لو عباس

______________________

يمنته .. وهم يسرته .. شنت عليهم غاره
والزلم .. گامت تلم .. بالروس من بتاره
كل تجي .. وين وتجي .. بگلوبها محتاره

من الخوف ماكو انفاس .. هذا علي لو عباس

______________________

مربه عالكلفات يرعب منطقه
ذوالفقار البيده چنه صاعقه
لونزل عالجيش والله ايمزقه
هذا بس عزريل هوه اليسبقه

بالموت صار المقياس .. هذا علي لو عباس

______________________

وعسكروا .. مافكروا .. بالموت حايط بيهم
والخبر .. من انتشر .. ظل الوجل عاليهم
ماهدوا .. من اعلموا .. خافوا يطب واديهم
حيدره .. الكل يذكره .. سيفه حمم ساقبهم

ساقيهم الموت ابكاس .. هذا علي لو عباس

______________________

صاح وين ابطالكم تبرز الي
اليوم سيفي بالمناحر يبتلي
والله اذكركم ابصولات الولي
راح أسوي مثل ماسوه علي

والجيش طخ راس ابراس .. هذا علي لو عباس

______________________

وهالجمع .. شاف ورجع .. وتحير ابمقياسه
صارمه .. بالملحمه .. بس تستمع انفاسه
والنفس .. والله احتبس .. والجيش ارعب ناسه
والرگب .. بيهم خطب .. السلم لازم راسه

ترتجف منه الأرجاس .. هذا علي لو عباس

______________________

الكلمات للملا ~ كرار الكربلائي