وفاءاً لك

البارت الرابع

جان الصمت سيد الموقف قند دايرة وجهة ومراد ايسوق رن تليفون قند احمد يتصل سوتة صامت ورجعتة بالجنطة انتبه مراد للحلقة الي بيدهة فكالهة
اتزوجتي ؟
- لا
-شنو هاي الي بيدج ؟
- هاي تمويه علمود محد يجي ايدگ بابي ...وانت ؟
-على حطت ايدچ .

رجعو سكتو ورة نص ساعة من الفرة گالهة ما اندل بيتكم
-اذا تكدر اتودينة لمكان ثاني ...انا جوعانة تكدر اتنزلني على مطعم واذا عندك شغل تگدر اتروح .
- اروح ...وين اروح وانا توني ردت روحي قند عندي وياج هواي حجي واتمنة اتسمعي
- مراد .. انا الي عندي اسالة اتمنة اتجاوبني
- حسبتج مشتاقتلي وتردين اتگعدين وياي.
-شوگ! ! ولمن الك ؟
-عاشرتج سبع سنين ماعرفتج هيج حقودة !
- صحيح عاشرتني سبع سنين واخذت مني كلشي بيهم مابقيت الي شي احبة واتريدني اشتاقلك !!
- قند انا اتغيرت مو مراد الي تعرفي صرت شخص ثاني وانا عمري مانسيتج ودوم افكر بيج .
- ااتغيرت بعديش بعد ماذليتني بعديش 😔
-قند والله اريدج وانا حبيتج من اول ماشفتج وانا شاريج .
- شاريني ...وكف السيارة ونزلنة مادامنة على دجلة هنا نجي احسن

نزلو من السيارة وكفو

اتريدني احجي لو اسكت احسن
-اريدج تحجين بَس انسي الماضي ونفتح صفحة جديدة انا وياج
- صفحتيش ليش الماضي اكدر انسى اگدر انسة بيوم الي گالتي واگبال ابوي آنتي ماتهميني و انا ماگتلج حملي مني وانو انا الي عرضت عليك موضوع علاقتنة وانو أنْـت ماردت تتقربلي ....
شنو انسة من اتگل لبوي اصلاً بتك رخيصة  ... صرخت بوجهة ودموعة اتصب ،مراد انا الرخيصة انا الي عرضت روحي عليك احجي انا الي اجيتك وك أنْت خليت صاحبك ايمد ايدة علية شنو جنت اسوي مثلاً لو ما انا صرخت بوجهك چان خليتة ...
-كافي لا تعيدين هذا الموضوع.
-ليش اتخاف تنجرح رجولتك مثلاً  وك أنْـت عندك رجولة ؟
- صرخ عليهة قنننند
-حسبالك اخاف منك بعد هذا العمر حسبالك قند قبل الي بصوت واحد منك ترجف اني غلطت مرة وسلمتك روحي بعدهة شنو صار تذكر اجيتك گتلك مراد انا حامل تذكر شنو گالت ..انة ماريد جهال .گتالك بس انا اْريد وماعندي استعداد انزل هذا الطفل جنت كل ضني اكدر اضغط عليك بجاهل واخليك تزوجني ،أنْت بابتسامة گتلي اوكي راح نزوج علمود هذا الجاهل جانت فرحتي ماتوسعة الدنية كلهة ثاني يوم عزمتني على عشة واصريت علية اكلواشرب من رجعت جهضت الجاهل ...ارد اسالك واحلفك اذا فد يوم حبيتني عوفني من حبي اْريد احلفك بغلة شي عندك وعسا ماشفتة اذا جذبت ..أنت جنت حاط شي بالاكل وطيحت الجاهل مو؟؟
- راح اجاوبج لان آنتي حلفتيني بيج.. .أي إًٍني حطيت الدوة

گعدت قند على كاع  .اتمنيتك اتگول لا انتميتك اتكول ماكتلت ابنك حسافة الحب الي حبيتك ايا حسافة العمر الي راح علمودك وك شبابي ضاع وانت السبب كل يوم من مكان لمكان وانت السبب واهلي اتحملو عاري ...وهية تبجي وبصوت ناصي تحجي ويا اني اشلون مافكرت انو انت كتلت الطفل طبعاً من غبائي ، ليتك عايفني وما كاتل هل جاهل چان عندي ولد هسة ما ابقة العمر كلة وحدي
-قند خليني احجي ..گعد اكبالهة ، كل الي حجيتي وياج الحق ولهذا السبب انا هذه الفترة ما اجيتج لان ماعندي جرءة احجي وياج..
-فترة !!قصدك ٢٢سنة الي راح من عمري عليك مو ؟
- خليني اشرحلج لا تقاطعيني ارجوج ..اول مرة شفتك ما انكر جنتي بالنسبة الي رهن دخلت بي انا وجماعتي بس بعدين حبيتج صدك ومن كل گلبي وانت هم الفرق بيني وبينج انو آنتي اعترفتي لنفسج بهذا الحب بس اني الى نهاية علاقتنة ماجنت اقبل اعترف بهذا الحب الي اكولة لنفسي انو قند تجذبني لان ماسلمت روحة الي والحقيقة انا ماجنت ارد اخذك بوقتهة بس من حسيت انو آنتي بديتي اتأثرين على حياتي قررت انو اخذك وبالكي اتنزلين من عيني ضليت اضغط عليج آنتي عارضتي اهواي بس استسلمتي اااااااه قند ماجاي اگدر انسة هذيك الليلة الي جنت اگول انو اني راح انسة قند بيهة بس الحقيقة اني ضليت متعلق بيج اكثر الى ان اجهضتي وصار الي صار وبعدهة سمعت من سعيد انو آنتي راح تزوجين ماعرفت شنو اسوي قند حسيت شي بصدري يتگطع حسيت روحي تطلع لزمت سعيد من رگبتة وگتلة قند مالتي محد ايشاركني بيهة گالي مراد انت عفتهة بعد ليش تدخل بيه خليهة اتعيش حياتهة تعبت وياك ،انا ماتحملت ضليت اضرب بي وانوب بديت ااذي بيج وباهلج وبعد ما اجيتيني لاربيل جنت مقرر ابدي وياج من جديد بس آنتي رفضتيني وجنتي ماتقبلين اتقربلج هذا الشي فقدني اعصابي وخالني اسوي اشياء مالهة داعي بوقتهة وبعد ما حجيتي وياي عفتج اترجعين لااهلج كل واحد بينة اقسم ساعتهة على نفسة شغلة ما انكر اديت قسمي بس قند من فاتت ١٠اسنين بديت اعترف انو اني صدك حبيتج من كل گلبي وانو انة ضلمتج ....

اثناء ماجاي يحجي دگ تليفونة ...