ام قند : ااااوف ..انشاء الله يا مراد اني من كرهتك اعتقد هذا الشي من حقي اكو ام اشوف بتهة اتذبل كل يوم گبالهة واظل ساكتة قند بسببك انعزلت عن العالم كلة وما انكر اني هم اذيتهة لان ما گدرت استوعب بعد كل الي سويتة بيهة بعدهة اتحبك چان اذا ينجاب طاريك تنگلب ملامحهة انت تعرف كمية الاهانات والكلام الجارح الي حصلتة قتد واحنة بسبب رفضهة لفكرة الزواج .
قند :مامة كافي.
ام قند : اذا ما احجي الي بداخلي مراح نصفة اني ونسيبي .
من سمعت امهة كالت نسيبي اشوي هدت .
اام قند : على العموم يا مراد انا اتمنى الكم بس كل خير بس شدو حيلكم اني اريد اشوف ابن قند قبل ما اموت .
مراد: افة عليچ عمة بس خل نمهر ثاني يوم اتگلج اني حامل .
قند صار وجهة طماطة وكالت راح اشوف اذا اكو احد محتاج شي وبسرعة علمود نطلع ...
ظلو ايضحكون عليهة وبعدهة طلعو صعدت قند ورة هية وامهة و ابوهة صعد بالصدر مال سيارة طول الطريق ابو قند يضحك ويشاقة وياهة ويسولف لمراد طناگير قند مراد ايباوع على قند بالمراية اتغيرت ملامحهة من ابوهة حجة قند اذكرت اشگد تعبت وشنو شافت منة الدمعة صارت بطرف عينهة الى ان حجت امهة
- ليمتة اتمهرون وليمتة العرس .
مراد: عمة انشالله باجر نمهر والعرس بعد اسبوعين لان على ما انرتب قاعة وانشوف احتياجات قند .
قند وهية دايرة وجهة على الجامة : ما اسوي عرس ما اريد ..
وبأبتسامة بوجهة لان فشلة اسوي عرس واني بهل عمر .
مراد: بس آنتي جنتي تتمنين انسوي عرس فخم مثل الي سويتي لاحمد .
قند : الي عندي گتة اذا اتريد اسوي عرس انت بعدنة بأول الطريق ما اجبرك على شي اني .
مراد :قند عمري اني علمودج اذا العرس ما اتريدي ايولي وبعدين اني حتة ما عندي احد احتفل ويا بس آنتي وسعيد فرتة علمود اهلج ايفرحون وياج .
قند انتبهت على روحة انو هية وترت الجو وابهوهة حس انو مامرتاحة الهاي الخطبة وامهة نفس الشي ومراد صار بموقف محرج ونقهرت علية من گال ماعندي احد يحتفل ويا فكالت :
انتو فهمتو الموضوع غلط اني ما اريد اسوي عرس بالقاعة بس هم انسوي حفلة اصغيرة بالبيت نعزم بيهة بس الاشخاص المقربين النة لان استحي اسوي حفلة فخمة واصلاً الحفلة ما اتهمني ما دام مراد موجود .
رجعت الابتسامة بوجه الكل وصلو للبيت فابو قند كال لمراد
- ابني انزل ويانة.
- تسلم عمو بس قند عازمتني على عشة .
قند : مراد انزل بس اسبح ابدل اهدومي ونطلع قابل اروح وياك بدلتي !
دخل مراد وقتد وصعدت اتبدل لغرفتهة ومراد كعد يم ابوهة يسولفون عن الشغل واشلون طورة مراد وسالفة اجر سالفة وبعدهة سوالف على قند الى ان نزلت قند وسمعو صوت خطواتهة من الدرج وسكتو جانت تلبس ساعتهة من رفعت راسهة عينهة صارت بعين مراد فابتسم بوجهة فبادلتة الابتسامة و مشت وگفت يم ابوهة وكالت
- بشنو جنتو تحجون من اجيت سكتو.
- بابة الي ايشوف هذا الگمر اشلون يگدر يحجي شنو اتگول يا مراد؟
أنت تقرأ
وفاءاً لك
Romanceقصة تحكي عن علاقة حب مرت عليها ٢٢سنة بين شخصين تعهدا بعدم رويات احدهما للاخر فهل الدهر يتكفل بجمعهما .
