وفاءاً لك

صلح العائلة

هّــнєℓℓσــلَوٌوٌوٌوٌوٌ ﺁﺇﺃﺱــsorryـــفه على الغيبة 😅
بس بدة الدوام
&&&&&&
احمد : يا استاذ مراد عذب قند ويستاهل الي صار بي وبالنسبة الي ما اريد اشوف قند تتعذب اكثر فاذا احس هية ترتاح وية مراد اني راح اجيك واگلك واذا لا فستحيل اخلي احد يتقرب الهة صحيح انت شفت مراد يتعذب بس اني خلصت كل طفولتي وهسة شبابي اباوع بعين قند الحزن وبداخلهة خصة وبس اسمع الاهات منهة قند انكسر كل شبابهة ... فمن الاخير اذا انت معتبرهة صديقة الك عوفوهة بحالهة ..
- ااااوووووف ..دوخوني هذول ..على العموم اتحمد نيابة عني لان ما اكدر اروح الكم وتكدر ترجع على شغلك واذا مرة ثانية ايصير عندك ضرف ياريت ادك وتنبهني لان اني اصير بموقف محرج
-انشالله ..من رخصتك استاذ ..

امة بالنسبة لقند جانت بالبيت جابت الهة عبير تاليفونهة الي اتكسر اخذت شريحتهة وحولتهة على غير جهاز وشغلتة ودكت على مديرهة وكالتهة بالي صار وياهة واخذت منة اجازة لشهر كامل محد چان يدري قند بشنو اتخطط .. نزلت لان عبير ضغطت عليهة ابوهة اتلگهة تعاي بابة گعدي يمي ابتسمت بوجهة وگعدت امهة گالتهة احنة مامتريگين امتانينج .. ضحكت هية وگالت ياليتني اتمرضت من زمان ..

لاول مرة بعد هل السنين قند تگعد وية اهلهة على سفرة وحدة والكل ايشاركهة ابتسامة وضحكة عبير كانت وياهم وفرحانة كلش من اشوف قند تبتسم مرة الثانية فگالتهة
-قند دوم هل الضحكة ..
- صدك ارد اگلكم شي راح اسافر اسبوع الى المانيا ارد ارتاح اشوي .
-ابوهة :ليش يا بابة آنتي مريضة وما تتحملين السفر.!
- حجزت وخلصت صدگني بابة كالش محتاجة هاي السفرة اجمع بيهة افكاري ، من رجع طلع مراد بحياتي مرة ثانية واني معفوسة وعقلي كلش مشوش ارد ارتاح وصفي بالي ..
-امهة: اتصفين بالج لو اتضلين اتفكيرين بس؟
- ابوهة: آنتي ما تكرمينة بسكوتك بالله ماصيرلج جارة .. بابة اذا هذا الشي ايريحج روحي ارتاحي .

كعد يحجون على عرس احمد بقالة اسبوعين وامهة ما راضية بي لان ما مقتنعة فكالت امهة. اني مامقتنعة بهاي الي اسمهة ملاك ولا الى امهة ولا بالعتهة كلش ماعرف شنو امسويات لاحمد وهيج متمسك بيهة ..
-قند: اووف ..صايرين حاجين بهذا الموضوع مايقارب الف مرة مادام احمد  ايحبهة وايريدهة مهمة كانت اني واگفة ويا مامستعدة اكسر گلب احمد لانمحد يفهم كسر الگلب بس الي مجربة .
- عبير : قند لا اصيرين علينة شاعرة وخالة الحجي بعد ما ايفيد لان خطبو بقة بس العرس  ادعي انشالله تطلع خٌےـوِشّے بنية وتسعد حمود ..اله قند صدك اني مامشترية بدلة ولا اي شي للعرس .
-اني اجيب الج ولى اماني من المانيا .
-امهة:واني نسيتيني 😒.
-قند:ههههه اشلون انساج آنتي البركة اجيب الكم كلكم بس عوفوني بحالي ولحد ايدگ علية .
عبير : اني أتــْــْرخــْـ😉ْــْــْص  ارجع للبيت بـٌاي

راحت عبيرصعدت قند لغرفتهة للغروب رجع احمد دخل عليهة لگاهة نايمة بدل اهدومة اتمدد يمهة على الجرباية ونام صارت الساعة ٩ فتحت قند عينة لگت احمد نايم يمهة ابتسمت وضلت تلعب بشعرة احمد مثل ابنهة وهوة متعود على قند ومتعلق بيهة اكثر من امة نزلت اسويلة عشرة خاف جوعان بدون ما اتگعدة لگت امهة بالمطبخ ويهة الشغاله الله ايساعدك مامة .
-هلة بيج الواضح الدوة مالتج اينوم .
- اي صحيح الدكتور گالي ..تحجي واطلع غراض من الثلاجة .
-اجاي اسوين ؟
-عشة صارلي هواي مامسوية شي لحمود عن اذنك خالة اليوم اني اسوي العشة .
- اي من البداية نزلي واختلطي وية اهلج وانسي ولج يمة الي ايروح ايولي لا تنقهرين علية .
- الله كريم .
خلصت العشة وصبو صعدت لغرفتهة گعدت احمد تليفونة چان صامت وملاك داگة علية سبع مرات ،انوب دگ رفعتة قند ألْـو
- احمد ليش ماترد بلة زحمة .
- هلة ملاك حبيبتي حمود نايم وتليفونة صامت بس يگعد اخلي يحجي وياج
- ﺁسفة قند ما ادري بيج ..حمد لله على سلامتك والله كلش قلقت عليج انويد نجيج باجر اني ومامة .
- تسلمين عمري مالة داعي اتعبين روحج وانتي وراج تجهيزات للعرس .
- ولو هذا واجب .
-على راحج البيت بيتج اصلاً ما آنتي مرت حمودي حبيبيتي مع السلامة
-مع السلامة .

باوعت على احمد گاعد ايباوعلهة .شنو اتريد
- ما اعرف بس ضايجة لان سبع مرات داكة عليك ومارديت ..المهم سويتلك عشة تعال نتعشة .
-وانتي ؟
- اشبيه!؟
- تاكلين ويانة؟
- اي اني مسوية العشة .
- سبحان مغير الاحوال !
-بعدين اسولفلك خل ننزل .

نزلو يتعشون واحمد يشاقة ويضحك وية امة وايگلهة ..هسة تجي مرتي وبعد ما اتعشة وياكم .
-امة: طبعاً اني اعرف سوالف النسوان وحافضتهة بعدهة ما اجت وگلبتك علية .
- ههههههههه
-ومرض ليش تضحك ؟
- قند : مامة ايريد ايضوجك صدگيني احمد ماتبطل من هل حجي .
- ابوهم : ولكم انريد نگعد مثل الناس بلة عرك هسة ماعولنة رجعنة اصافينة من جديد .
-احمد: عمي نشاقة.
- ام قند : احمد ادري قند عگب باجر استفر ؟
- احمد:لا يمة ما ادري !! وين اتريدين اسافرين مو تدرين عرسي بعد اسبوعين !؟
- هو اسبوع وارجع ارد ارتاح اشوي
- اُها الله كريم انشالله خير عندي موضوع وياج بعدين .
- امة :واحنة ما ايصير تحجي ويانة .
-احمد:يامامة ياحبيبتي اذا اجيبلك طاري ملاك آنتي ملامحك تتغير واتعصبين بعد ليش اضوجين اذا ما احجي وياج .
- قند : باستغرب اتباوعلة .. اني ارد اطلع اجيب كم شغلة محتاجتهم قبل ما اسافر وانت تعال وياي لان مابية اشيل شي.
- مو تدللين.
&&&&&&&&
اني جداً ﺁﺇﺃﺱــsorryـــفه على تاخير هذا البات بس بدة الدوام وكلش مشغولة بي