وفاءاً لك

29

وهم فزت على صوت التليفونهة ايدك سمعتة ايفأف وسحب ايدة من جوة راسهة ورفع روحة بحيث صار نص جسمة فوگاهة واخذ التلفون وخلا صامت من رجع روهة چان فوگاهة وعينة بعينهة اتقرب عليهة الى صارت انفاسهم وحدة
- مرر
دنگ وباسهة ظلت مشنجة جوة نفسهة انگطع وهوة مثل الجوعان الي محروم من الاكل ياگل بشفايفهة حست روحة اختنگت
فضربت على صدرة حيل ورخر گامت هية بالگوة تسحب نفس وگالت
- اسوي ريوگ اني جوعانة .
- ليمتة نتزوج مو راح امووووت.

ضحكت وطلعت وهية اسوي بالريوگ دخل عليهة .

-صباح الخير
- صباح النور اشلون صرت البارحة ردت اموت من شفتك بهيج حالة .
- اسم الله عليچ مابية شي لا اتخافين قند صدگ اشلون اندليتي بيتي ؟
- ماتذكر شي من البارحة ؟؟
- لا .
- مراد شنو بيك خل انسوي تحاليل كلش قلقت عليك .
- امسوي لا اتخافين مابية شي هسة فهميني شنو صار البارحة .
- افهمك بس بعدين تشرحلي كلشي .
- ٱפگـيہ༅.✾ .
- انت فتحت التليفون ودگيت على سعيد وبعدة جبناك اني ويا وانطاگ ابرة ونمت وبعدهة راح وبقت اني يمك.
- منو بدلي .
- ما گتلي شنو بيك ليش هيج صار البارحة بيك؟
- او سالفة طويلة اتولي سولفيلي منو بدلي وحتة آنتي ماخذة اتراكي والله نيالة الترك ايلامس جسمج .
- مراد بلة انحراف مو انت وعدت بابة ما اسوي شي .
- واني شنو امسوي قابل نزعتج اهدومچ وبدلتلج .

خلصت تعال ناكل .
- لوتية اتعرفين اشلون اطلعين من المواضيع .
- شنو اتريد اي اني بدلتلك لان سعيد راح وانت نايم بقاطك كسرت خاطري فوگاهة .
- حرامت جنت نايم .
- مراد اني اسفة .بنبرة حزن وهية اتخوط بالجاي.
- عادي حبيبتي متعود عليج اني الي اسف لان البارحة اتجاوزت واني الي گايلج راح اتحملچ .
- خل اوضحلك المواضيع كولهة اول شي موضوع المطعم بيومهة انت جنت لابس بنطرون صحراوي وقميص نيلي سادة واذكر حذائك چان رسمي مو ترانشوز وجنت ضايج من نزلت ما اعرف عليمن اولي على عطرك من فتت من يمي الة اشوي چان رحت شبگتك وانت ولا نزلت عينك مني بحيث كلهة انتبهت عليك مثل كل مرة لازم تشهرني .
- يعني آنتي شفتيني هناك؟؟؟
- طبعاً شفتك .
- ليش سويتي روحچ ما اتشوفيني ؟
- لو حاطة عيني بعينك ساعتهة چان انفضحت گبال اماني وفرات وفشلة ايعرفون خالتهم عدهة هيج اسوالف .
- قند اني احبچ اعشگچ اموت عليچ .
- امممممم خلص ريوگك وجاوبك اني ميتة جوع .
- امج دگت عليج مليون مرة
- اوف نسيت ادگ عليهم .

خذت لفة وركضت للغرفة لگت خمس مكالمات من ابوهة و٣من امهة و ثنين من صاحبتهة بالشغل .
هاي كلهة مكالمات دگت على ابوهة دك واشوي وجاوب .
- صباح الخير بنتي اشلون صار مراد ؟
- صباح النور الحمد لله احسن اشوي واجي للبيت طمن مامة علية ولا اتخافون علية ما صار اي شي .
- هذا الحجي من تجين قنعي بي امج هههه .
- هـہهه مامة ما تقتنع لو اموت على العموم انشالله اشوي واجي ونحجي .
- الله وياج بنتي .
- مع السلامة .