وفاءاً لك

ذكريات الماضي ٢

ومن سمع مراد بزواجي جن عقلة ..فاتصل على البيت قبل مو مثل هسة نعرف منو الي يتصل فرديت گالت ألو ..
- فصخي خطوبتج..
-انت شتريد يا اخي عوفني بحالي مو انا ساقطة و **** عوفني ....چانت تبجي  كلش مقهورة منة
- قسم بالله الة ادمر حياتچ يا قند ..ما خالقتة امة الي يوگف بوجهي .
-مراد الله ايخليك عوفني بحالي انت شنو اتريد مني الي عند اخذتة بعد شنو اتريد ..
- اتعوفين كلشي وتجيني فهمتي .
- انت اتخبلت وين اجيك يعني اتريدني اذل ابوي بعد اكثر ما كافي دنك راسة بسببي
- انا اعلمج  .. سد التليفون بوجهة

گعدت  ابچي وانا اتگوم شفت امي ..اصفر وجهي مسحت دموعي ..امي ..اشبيج تبجين.
مابية شي .عفتهة وصعدت بس انا كلش خايفة من مراد لان ادري بي مراح يسكت كلشي اتوقعتة بس ما اتوقعت راح توصل بي لمرحلة يخطف بابة .

احمد : شنو 😨
-لا مو بس خطف بابة وعذبة عذاب وحرگ محلاتنة يومين عشتهم مثل الطير المذبوح هوة چان يتصل علية ايگلي هيج عذبت ابوج وهيج فگتلة انا راح اجيك وين ماتريد بس رجع ابوي گالي اليوم يجي ابوج بس اذا جذبتي وما اجيتي باجر ابوج اگتلك موت ..

بابة جابو للبيت حالتة كلش تعبانة من التعذيب الكل اتلگو الة انا ما گدرت احط عيني بعينة ..احمد انت ماتدري اشگد احب ابوي وهوة هم بس مانطيت من حبي بس الاذية .. أَامٌَِْي اتلگتة من حجت ويا عرف انو أَامٌَِْي ماتعرف سبب خطفة لان مراد من ايدك ايگلهة اريد قند .. فبابة سأل علية أَامٌَِْي صاحت ولج قند ابوج اجة ما تسلمين علية انا نزلت وبيدي جنطة كالهة ظلت صافنة
أَامٌَِْي قند المن هاي الجنطة
نز لت شبگت ابوي وضلت ابجي فهو گالي

- قند شنو انطيتي وطلعتيني .
ضليت انشغ من البچي ..
قند احجي لا اتبجين بوية ردي ولج لا تاذيني اكثر .
- بابة مراد راد ...ونشغت  وامسح بدموعي
-شنو راد
-أَامٌَِْي منو مراد ؟فهموني قند احجي ؟

اندگ الباب وطلعت أَامٌَِْي  رجعت أَامٌَِْي بوجه اصفر اتگلي  ..قند اكو رجال ايگول خل تطلع قند ..ولج آنتي من وين اتعرفين هذا مراد وبس لا مراد الي خطف ابوج
-ابوي :قند مراد رادج مكاني
- مسحت ادموعي وگالته اي بابة اتمنة اتسامحني واتمنة تنسوني وديرو بالكم على احمد .
انت چان عمرك سنتين وانا من انت اصغير جنت احبك ..
أَامٌَِْي ضلت ادگ وتلطم ابوي گالي ريتج ياقند امخليتني ميت ولا بعتي روحج ..اني گتلة بابة الحجي ما يفيد ..
أَامٌَِْي گالت اذا تروحين مراح ارضة عليج العمر كلة ..
على اساس ابكيفي مامة آنتي ماتعرفين مراد اخذ بابة باجر يكتل احمد انوب ابوي وحتة آنتي هم ايگتلج عادي عندة
وين اتعرفي آنتي ..
ابوي ايگلج ..شبگتهم وطلعت چان شكل بابة يفطر الگلب بس مابيدي شي اسوي الي سويتة حميت عائلتي

احمد :  بس آنتي ضحيتي بروحج
بالعكس انا الي سببت كلشي واذيت الكل من البداية بعلاقتي بمراد
المهم اخذوني جماعت مراد لربيل والطريق كلة اني ما وگفت ادموعي كل ما اذكر موقف بابة ما اتحمل الى ان غفيت بالطريق حسيت ايد انمدت علية فزيت باوعت مراد ابتسم بوجهي وگال صَح النوم اني استغربت من اسلوبة وبخوف نظراتي اله بدون رد ادنة مني حسيت انفاسنة صارت وحدة راد ايبوسني بس انا بعدت وجهي هوة وخر مني ونزلت گالي الخدم ايدلوج على غرفتج باوعت للقصر الي چنة جنة اشكبرة وكمية الحرس الغير طبيعية بية بكل عشر امتار واحد والخدم ظليت صافنة اجتني خدامتة وگالتي اتفضلي  ودتني لغرفتي جانت بطابق الثاني جبيرة كلش احلة شي بيهة البلكولنة الي اگبال المزرعة  اني جنت تعبانة كلش فنمت ماحسيت الة الباب اندگ  صحت منو .. الخادمة مدام سيد مراد ايگول تعالي اتريگي ويا گالتهة ماريد اكل ما اشتهي . رجعت اتمدت وادموعي تنزل على اهلي وعلى الي جاي ايصير وياي ..وما احس الة الباب اندفر ودخل مراد وعيونة تجدح جرني من شعري ورفعني صرخ بوجهي اذا اصيح تجين تركضين ست قند  ومن اطلب منج شي غصب اتنفذي ..اني جنت امغمضة عيوني ما مصدگة هذا الي گدامي مراد معقولة  ..دفعني على الگاع وگال دقيقة والگاچ جوة نزل مسحت ادموعي وعدلت شعري ونزلت گالتلي الخادمة صالت الطعام من اهناك دخلت لگيتة امتانيني وكلش امعصب ردت اگعدت بنهاية الميز صاح تعالي اهنا ..رحت گعدت يمة چان ايباوع على عيوني الي مورمة ودية الي ترجف  وانا جنت اناشغ بصوت خفيف ضرب الميز بيدة وصاح مارد اسمع صوت .
باوعتلة وگتلة شنو اتريد مني .
- هذا الشي ما ايخصك شنو اريد مادري حالين .
- ماصيرلك مرة لو اتموت
- على اساس انا ميت عليج مابقت بس الزبالة أَنَام وياهة .. عاف الاكل وگام
شفت تليفون رحت دگيت على اهلي ردت أَامٌَِْي ألْو..
- اشلونك مامة انا قند ارد اطمنكم علية انا.... طوط طوط 
ادور والگا فوك راسي سحبت نفس وارد احجي وجان يجيني ذاك ال👋🏻 على وجهي احس اسنوني اتحركو من مكانهم  ..دفعني للگاع وظل يدفر بطني ويصيح اذا اتگضين تليفون مرة ثانية اكسرهة ليدج فهمتي وداس على رجلي حيل وراح...ظليت امددة بمكاني ما اگدر اتحرك من الوجع انا بالبيت محد ايصيح علية انكتل هيج ..ظليت هيج الى ان اجت الخدامة ودتني للغرفة ونمت من الوجع نمت ما عرف اشكد بس حسيت ايد تلعب بشعري  فتحت عيوني والكة مراد گاعد بصفي گمزت  من مكاني وانا خايفة اشرلي لا تتحركين وسحب صينية مال اكل وگالي اكلي بسرعة اريد هذول المواعين فارغة مفهوم انا اكل ودموعي اتصب گتلة وانا اكل
مراد ليش جبتني هنا؟
- لان حضرتك رتي تزوجين الواضح الالماني ريحج اكثر مني
-شنو تقصد ؟
- آنتي اعلم... اتقرب مني وگالي هم اتقرب الچ
ضليت ساكتة بس اكل لان اذا ارد علية راح اريحة وانا ارد اشوفة متعذب بس ياريت رديت وجان ينگلب علية مثل الوحش وگالب الاكل وصاح انا ماتنطيني بس للاجانب اتبيعين روحج شگگ اهدومي واغتصبني بكل بشاعة وطلع ماجنت اگدر اتحرك من وجعي سحيت روحي سح للحمام وسبحت ظليت بالحمام والماي ايصيب علية حسيت روحي وصخة قذرة رخيصة ..ظل على هذي الحالة كل مايريد يحجي وياي واعترضة يغتصبني بوحشية جسمي صار ازرك من الكتل ضليت من اباوع على المرية تلعب روحي من روحي اثارة على رگبتي اجت الخدامة مالتة كالت سيد مراد ايريدج على العشة ..انا نزلت ركض ماريدة ايمد ايدة علية وگعدت اكل هوة باوعلي وگال انا اسف .. انا رفعت راسي مستغربة گالي بعد ما امد ايدي عليج باوعت بعيونة اول مرة اشوف مراد الي حبيتة اخر مرة شفت هاي النضرة يمكن قبل ٧اشهر عافني وگام
مر على هذي الحالة اسبوع لا حجي بينة ولا نگعد الى ان رجع مراد مرةمن المرات ويضحك بصوت عالي وسمعت ويا صوت مرة طلعت من غرفتي چان اشوف مراد هوة ومرة چان يمشي ويترنح اعتقد چان سكران والي ويا ايبوس بيهة ويشبگ اقترب من باب غرفتي انا واگفة سويت روحي ما مهتمة فگالتة منو هاي ..رد عليهة وهو ايباوعلي وعيونة حمررر هاي وجع گلبي انوب دخلو لغرفتة جانت اگبال غرفتي .
جنت احس بوجع بصدري مو طبيعي ماعرف السبب ولج قند مو هذا مراد الي مابقة شي ماسوة بيج وهسة اتغارين علية مستحيل ماكدرت اتحمل صوت ضحكهم طالعت للحديقة وگعدت ابجي من حسيت الدنية صارتكلش ليل دخلت جانت غرفتة صنطة ماكو صوت عرفتة نام ...اااااه نمت وثاني يوم بالليل هم اجة سكران وية وحدة ثانية انا جنت بالحديقة باوعتلة من نزل سويت روحي ماشوفة بس والله يا احمد اكو شي اتكسر بصدري ونفس صار ينسحب گوة
صعد لغرفتة وانا ظليت گاعدة برة ردت اطلع برة القصر لان بعد ما اتحمل ورة ساعة رحت لغرفتة دگيت الباب صاح منووووو.
من ورة الباب حجيت ..اسفة مراد بس عادي اطلع اشوي ؟
- دخلي
انا دخلت واشوفة بوضعية غير لائقة كلش رافع راسة ويحجي وياي ..انا ضليت امدنگة گالي وين اتروحين ؟
اختنگد وهوة يبوس بهاي الساقطة الي ماتستحي ..گتلة ظايجة ارد اطلع ..رفع راسة وگال گعدي انتضريني وانا اطلعج .
گتلة انتضرك برة .
لا اهنا ظلي
ماريد اطلع راح اروح لغرفتي ....
ابقي لا اتعرفين شراح ايصير بيج
انا ماگدرت اقاوم جانت ادموعي بطرف عيني

لكم شي يشرح حالت قند 👇🏻

/////:/://::///////////////////////////::/:://///

شنو شعوركم لو انتو مكانهة