وفاءاً لك

بارت25

قند من فشلتهة من المدير وجماعتهة دارت واتريد اتروح چان مراد حط ايدة على خصرهة وسحبهة بحيث طك راسهة بصدرة و بقت اتباوعلة مصفصفة من الخوف
رادت اتوخر ايدة اتابوع على الكل ايباوع على قند و الي وياهة هذا احمد ليش راح فگاله المدير

- استاذ مراد تعرف قند ؟
- ليش قند ماگالت الكم انو هية مخطوبة ؟

قند رفعت راسهة وصارت عينهة بعينة وعلامات الاستغراب وهوة بأبتسامة ايباوع الهة .
- لا ما گالت تحجون صدگ انتو !!
- ليش اكو احد يشاقة بهيج موضوع .
- الف مبروك الكم والله كلش فرحنة القند .

جماعتهة اجو ايباوسوهة وايسلمون عليهة وهية ماتعرف شنو السالفة معقولة حجي مراد شنو الصاير خاف هاي لعبة منة بس مراد ما ايسوي هيج اشياء وخاصة بعد اخر مرة شفتة وحجيت ويا يارب شنو جاي ايصير ...ياربي هوة اني ناقصة هذا القهر ما كافي الالم الي جاي احس بي واني اشوفة ... قند قند

جانت صافنة التفتت علية وهوة يبتسم بوجهة حبيبتي وين شاردة ؟؟

الدمعة صارت بعينهة من گالهة حبيبتي ... قنود عمري شنو بيج ؟؟
عن اذنكم عندي شغل ..

عافتهم وراحت وهية تمشلي كلهة اتباوعلهة راحت مباشرة لاحمد صعدتلة للكوشة فگالتلهة ملاك
- مبروك قنود ليش ما گالتي آنتي مخطوبة ؟؟
- احمد حبيبي تعال اريد بشغلة .
- مو تأمر عروستنة ... بس ترة انتو كل ساع اتگوموني من الكوشة اذا اتريدين اسألين على شي روحي لبابة .
- احمد اذا ما اتگوم والله ثانية مراح ابقة بالعرس .
- قند اشبچ هدي اشوي
- مبروك ملاك .

عافتة ونزلت بسرعة واحمد ركض وراهة قند وگفي جاي اشاقة وياج .. اخذتة على صفحة

- شنو جاي ايصير مراد اشجابة وخطبت شنو الي جاي يحجي بيهة ؟
- مراد خطبك من بابة وبابة قبل .
- ليمتة هذا الحجي البارحة .
- شنو اني اخر من يعلم وابكيفكم انتو اتقررون .
- قند مو جانت حجتچ اهلي بابة بنفسة قابل بعد شنو الي امعرقل الموضوع .
- شنو هو لعبة لو هدية واسوهة هيج احمد انت تدري هذا الموضوع اشگد حساس بالنسبة الي وانتو بكل بساطة اگبال المدير والناس جاي مراد ايگول هذي خطيبتي .. شنو ايگولون علية هسة .
- قند عوفي حجي الناس من اروحلك فدوة واتونسي كافي ترة ليمتة اتباوعين لروحچ ...صدگ أَامٌَِْي ماجانت تدري صارتلهة صدمة فد شي من شافت مراد لازمك ويحجي وياج هههههههههه .
- ماتدري !!
- ليش اتخبلنة انگول الهة من البارحة غير اتخرب كل شي . . شافت مراد يمچ رادت تجيچ بس بابة گالهة مراد خطب قند واني وافقت وهمة هسة مخطوبين .
- وشسوت ؟
- رادت تطلع من العرس بس گالهة بابة اذا اطلعين راح اتخسرين كل العائلة واني اول واحد .
- احمد ما اعرف شنو اسوي احس گلبي راح يوگف 
- كلشي لا اسوين بس سمعي گلبچ شنو ايگول وامشي ورى .
- روح لمرتك هسة تحقد علية
- صارت هيج .
- دروح راح اتگطعون الكيك
- لا تهتمين للناس .

باسهة من راسهة وراح ظلت اتباوع على مراد من ابعيد ولا ارادين انرسمت الابتسامة على وجهة .

- مبروك ست قند مخطوبة واحنة اخر من يعلم واني اگول قند امخلصتهة ساكتة وراح اشوفين شراح اسوي بعدين تاليهة طلعتي امخططة لكلشي لو فد مرة مزوجة ..
- عبير على كيفچ اكلتيني حاصل فاصل .
- آنتي اصلاً مو صوچچ صوچي اني احچي وياچ .
- عبير خاف صدگتي بسالفت الخطبة ..والله حالي من حالچ ما ادري بأي شي هستوني جاي افتهم من احمد شنو القصة .
- لا اجذبين علية .
- هاي اشبيچ وبيمن احلفلچ علمود اصدگين ..اني ماتعرفين من مراد صار وراي وظل يحجي گبال جماعي اصار بية لا وبعد گاضني وايعرف الناس بية هاي خطيبتي ... واني مثل الاطرش بالزفة .
- عود صدگ !!!؟
- وداعتچ  .
- يعني مراد ايچذب ؟؟
- لا ما ايجذب ..البارحة طالب ايدي من احمد وبابة والاثنين اموافقين وامقررين ايعلنون الخطبة اليوم بالعرس .
- هذا صار فلم هندي .
- اي والله صار فلم هندي بية  وما اعرف شنو اسوي بصراحة .
- قند اضحكين علية اشو آنتي من رجعتي من المانيا امقررة اترجعين لمراد بعد شلچ بهذا الحجي .
- ما انكر جنت ارد ارجعلة بس مو هسة والله صدموني .
- بصراحة قند اثنينكم لايگين سوة اصلاً اتخبلّون.

بأبتسامة جاوبتهة - يمكن هاي فرصة انطاني اياهة القدر !!
- بالضبط ... لو اشوفين ام ملاك من شافتكم سوة صار وجهة ينطي الوان وبدهة بس تحجي عليج بس كل الموجودين ايحبونچ ومحد ينطي بيچ .
- هاي كاتلتهة الغيرة ما اعرف ليش !
- هذا مراد جاي علينة بعد ما اوصيج ظلي ثگيلة لا تنطي مجال سوي روحچ مصدومة ... وبنفس الوقت لا اضيعي من ايدچ .
- ههههههههه هوة اني دايخة واتنصحيني هيچ نصيحة ادوخ .
- امدة حضي اصلاً الحجي وياج ظايع صمي حالگ لان اجة

- مساء الخير
-عبير: مساء النور.
- مراد: اشلونچ عبير اشلون صحتچ.
- الحمد لله تمام .
- دوم انشالله ... دار على قند وگالهة ..حبيبتي رايدچ بحجاية بس اشوي .
- قند : شنو حبيبتي واونتو ابحدكم قررتو اني شنو دوري بالموضوع لا لو امسوي عرس وامگعدني يمك فد مرة

@@@@@@@@@
اذا خليتة هذا البارت الاخير ماراح اصير الاحداث حلوة فاسفة واذا اتريدون انهي القصة بسرعة بكيفكم