وفاءاً لك

27

مشو جانت تمشي بسرعة چان صاح عليهة .
- على كيفك لا اطيحين .
- مراد انت اگعد بمكان واني بمكان ما اريد مشاكل اذا كل شخص باوعلي انت تحجي ويا فمعناهة اخلص عمري وياك بمشاكل .
- يعني شنو مثلاً من واحد ايباوعلچ اسكت.
- ليش اتغار مثلاً !!
-قند اشبيچ؟؟ شنو اتريدين توصلين ؟
- انت اعلم خاف نسيت شنو سويت قبل .

وچان تجتح عيونة وايعوفهة ويطلع من القاعة
هية دخلت جانت ضايجة من روحة ليتهة ماحاجية ليتني ما مخربة اللح ليش هيج اسوي مو اني جنت جنت ناوية اگلب الدنية علمودة مو جنت ناوية اعارك اهلي علمود ارجعلة اشو من اجة وصار الي خربت كلشي دارت على الباب يارب يرجع..
راحت وگعدت يم عبير واتأفف ..
عبير بأبتسامة : وينة روميو ما اشوفة وياج .
قند :  عبير مابية حيل ثقل دمچ .
عبير: شكو اشصار صوتج مخنوگ واتأففين؟

سولفت قند لعبير الي صار بيناتهم .. اوووف وهذا كل شي
فگالت عبير وهية اتهز بيدهة
- آنتي شنو اتريدين بالضبط ؟
- اريدة والله بس ماجي اگدر انسة الي سوا بيه وخاصة من اشوفة واذا عفتة اشتاقلة گوليلي شنو اسوي ؟ راح اموت.
- يا اختي هذا الحجي مايصير لان آنتي امة تختاري او اتعوفية وبعدين الواضح الرجال شاريج وصدگ متغيروانتو واحد ايحب الثاني بعد ليش اتضيعين كلشي اوف يا ثقل دمج هسة هوة مو زين صابر عليج عود حلوة يعني وتتمقلج.
- اذا يرجع والله اعتذر منة بس ما اعتقد يرجع .
- عليمن تنتضري يرجع وديلة رسالة دگي علية .
- هسة هذا ايگول علية خفيفة .
- امداني اموت روحي ولج آنتي اثقل من جبال الهملايا .
- ٱפكي لا اتزتهزئين  بية اشبيج وبعدين اني من گاعي متوترة آنتي كتبي .
خذت عبير تليفونهة وكتبت رسالة ودتهة وانطتهة الهة قرتهة قند
- خرب حضج هاي اشوديتي فشلتيني هسة شيگول ذابة روحة علية.
- دروحي لو ابقة عليج ننتضر ٢٢سنة جايت .
.....
طلعت مختنگ من القاعة وطالعة روحي من حجيهة على گد ما مشتاقلهة على گد ماقهرتني بحجيهة  صدك تقهر يارب گلبهة حجر ليس ما اسامح موتتني برودهة ٱوكي حقهة الي سويته مو اشوية بس كافي صد جنت ابدي اشبگهة واكسر اعضامهة بصدري جنت امحضرهلة مفاجئة ليش قند تعبت من جفاج ليمتة اتحنين علية مو حتة روحي طلعت من الصبر ...
ظل واكف باب القاعة وايدخن ورايح جاي وايفكر بيهة اخر شي صعد سيارتة وحرك و اگف بالتقاطع وصلتة رسالة قند فتحة گبل وظل متفاجئة والفرحة ناطة من عيونة.
مواد :اجتني رسالة منهة حسيت گلبي ايريد يطلع من الفرح كاتبتلي
طبعاً اتريد اسويلك مشكلة خاف تعزمني على عشة او خاف اشوي نتمشة سوة ماتريد تصرف علية ارجع واني اعرزمك ..مراد اني اسفة ياعمري .

يارب معقولة حنت علية صدك يارب واخيراً راح افرح لج ارجعلج طاير  دار سيارتة ورجع وگف قبل لا ينزل رش عطر وعدل شعرة ونزل چان مثل المراهق الي مواعتة حبيبتة وگف باب القاعة وضحك وكال
ولك مراد اثقل اشبيك خفيف  ..حط ايديه بجيبة ودخل ايدور عليهة بعيونة اشوي وحس ايد لزمت ايدةدار عليه لگة ابتسامت قند الي ايحبهة ويعشگهة .
- اويييلي قند ماتدرين اشگد مشتاق لضحتج .
- اسفة علي حجي وياك مساع .
- رفع ايدهة وباسهة .. لو ادري بيج راح اتگليلي يا عمري جانت سويتلي عركة وطلعت زعلان من زمان .