وفاءاً لك

بارت19

تحية لكل المتابعين 🌺
&&&&
خالصت سفرة قند ورجعت حتة ما گالت لاحد انو هية راجعة لان تدري بيهم مخبوصين بالعرس فقررت ترجع بحدهة وما سوي اي هوسة نزلت بالمطار تليفونهة غلقتة علمود لا ايصير عدهم اشعارات واجرت تكسي وراحت گبل على بيت عبير لان اتريد ترتاح تعبانة من السفر اكيد هسة بيتهة هوسة ....

عبير :جاي اسوي بالغدة واسمع الباب يندك ..منو جاينة رحت للكامرات معقولة هاي قند !!! ركضت فتحت الباب ..حمد لله على السلامة ليمتي اجيتي ؟
-خل ادخل استوني راجعة من المطر عليچ گبل .
- عوفي الجنطة فرات جوة هسة اصيحة ايدخلهة .

دخلاً اثنينهن وقند جانت تبتسم وتحجي وية عبير

-عبير اني جوعانة اي شي جيبي والله راح اموت من الجوع .
- جاي اصب بس ثواني وتالگين الاكل گدامج مو تدللين .
- انطيني منج هدوم مابية افتح الجنط على ما اسبح وابدل الگاج صابة.
- ماشي .

راحت عبير طلعت لقند بجامة مال بيت وانطتهة لقند ..قند دخلت تسبح اشوي وطلعت الخواي على راسهة اتلگاهة فرات هلة بخالتي قنود حمد لله على السلامة وباسهة ..
الله ايسلمك عمري اشلونك اشلون صحتك .
-اني الحمد لله ابس اشوي امتحانت وامي فوگهم .
-هـہُہَہَہَــہَہَہَ(ツ)ہَـہَہَہَہَہَهه
- خالتي يوم تضحك والله لو ندري سفرة المانيا هيج السوي چان احنة حجزنالك .

اجتهة اماني ركض وشبگتهة وتبجي .

- ليش تبجين امونة .
-حمدلله على سلامتك ..من اخر مرة اجيتي بعد ماشفتك وانوب حتة من اتمرضتي ماشفتك ومتت قهر حسبالي راح ايصير بيج شي خالة حلفيلي مارحتي اسوين تحاليل لان مريضة .
- ولكم بس تحجون واني جوعانة  وين الاكل ؟
- بالمطبخ أَامٌَِْي صبتة واريدون يتغدون بس امتانينك .
-امشو ناكل وعدنة اليوم كلة نحجي بي .

دخلت قند للمطبخ مساء الخير .
-نائل گام :حمدلله على السلامة قنود مشتاقيلچ .
-حتى اني مشتاقة للاكل .

كالهة ضلت تضحك قند من رجعت من المانيا شخص ثاني وكانو رجع الزمن بيهة لايام المواهقة تضحك واتنكت عبير اتباوع عليهة وساكتة لان قند صاحبتة واكثر من اختهة وتعرفة كلش زين ما تنگلب هيج الك وراهة سالفة ..
عبير: تدرين قند ليمتة شفتچ اخر هيج اضحكين ؟
- قند :؟؟؟
- من جنة بالجامعة بالسنة الثانية هاي اخر مرة شفتج بيهة هيج.
- اشلون يعني مافهمناكم انضوج ياللة ترتاحون .. وبعدين عبير بطلي من هاي سوالفج لان تعبانة كلش من السفر ومارحت للفندق لان كالت اشوف اماني و فرات وادري بيج اضوجين اذا دريتي رحت فندق خاليني ارتاح .
- وليش اتروحين لفندق بالة زحمة يعني ماعاجبچ بيتي حبيبتي ؟
- استغفر الله هههه ..صدك ترة محد يدري اني بالعراق ما گالت لاحد لان بينتنة مخبوص واحمد مالتهي بمرتة ومابية حيل هوسة .
- يعني ماتريدين اساعديهم .؟
- مايحتاج هديل وملاك متكفلات بكلشي ومخلصاتني من كل هاي الهوسة .
-طبعاً غير الدفع منج فلوسج وتعبچ كلهم ذبيتيهم واشبقيتي لروحك .
- ماذبيت فلوسي لج هذا احمد هذا روحي من هذي الدنية وكلش كافي من اشوفة فرحان ومتونس آنتي حسبالك ماعرف بسوالف ملاك اني كلشي ادري بس بكيفي اعبر بس علمودة هوة احمد ايحبهة واني اشوف هذا الشي بعيونة .
- فرات:خاله هنيالة للي اتحبي (ظل ايجفص بالحجي )

نائل ظل مدنگ ويضحك ...
عبير : فرات شنو هذا الحجي ماتستحي هيج تحجي وية خالتك ؟؟
- قند وهية تضحك : وداعتك فرات من اتحب بس اطيح حضك وهاي خالتك گبالگ طايح حظي .
- فرات : ها خالة طلع الحجي اشو حب وحبشكلات !!😂
- عبير : صافنة بوجه قند وماتعرف شنو بيهة معقولة هاي قند لا والله الواضح نايتنة نية گشرة .
- قند :هاي ليش هيج اتباوعيلي.
-عبير :لان خايفة من الجاي يا قند .
- قند :لا تخافين كل خير جاي وداعتك .

نائل رفع حاجبة باستغراب وايباوع على عبير وقند ولا جنهة اتشوف اتغدت وخلصت وگامت لغرفة اماني نامت .

امة البقية فرات واماني راحو ايدرسون وعبير بقت گاعدة اصفن بموضوع قند گالهة نائل صافنة بقند مو ؟
- والله يانئل مادري شنو اگول هاي ماعرف شنو الي غيرهة !!
- بالكي حبت ونست مراد ..
- انت تحجي صدك لو تشاقة ..انت تعرف ليش طگتهة الجلطة لو لا؟؟
-؟؟؟؟
-اليوم الي جانت عدنة اجاهة اتصال منة وبعدهة راحت للبيت اتعركت وية اهلة وصار الي صار بس اني متاگدة انو هوة السبب الرئيسي خايفة منهة انوب طلعتلي بسفرة صفح ...
- لا اتخافين قند عاقلة وفاهمة اكيد جاي تعرف شنو اسوي وبعدين لو اشما اسوي قند اني اساندهة لان ما انسة وگفاتهة ويانة ..تكسر خاطري والله تعرفين من اباوع عليهة ما اشوف بس وجع وكسران والم خالصت عمرهة اساعد الي من حولهة بس محد ايباوع عليهة وايمد ايدة الهة لا اتگليلي آنتي وياهة انتو كلكم صرتو ضدهة على سالفت مراد واذا اتگول اشتاقيت اتگولهة هيج سوة وهيج سوة ..اذا هية نست انتو ليش اذكروهة هية بسبب تذكركم الهة كل ساع عاشت تايهة بين عقلهة وگلبهة .
- يعني اتريدني اگلهة روحي لمراد ؟؟
- اي گولي .
-انت تحجي صدك .!!؟
-اذا هية مثل ماتگول متغير بعد ليش ماتروحلة!!
- ذيل الچلب عمرة مايصير عدل .
-الحجي وياج ضايع بس اذا قند صفت المعركة الي بداخلهة بعد مراح تسمع من احد والواضح هاي السفرة سوتهة بس علمود هذا الشي ياريت اتحللين الموضع عدل ست عبير ...
- يعني شنو .؟؟؟؟؟

&&&&&&&&&&&
شنو تتوقعون قند قررت اسوي ؟؟؟
ياريت الي يقرة ايشارك برئية