وفاءاً لك

مابين الحياة والموت

مساء الخير على متابعيني 💋
&&&&&&&&&&
- اتعرفين شي اني جنت متاكد من هذا ردج.. بس گالت بالكي الوقت غيرج ... مع السلامة واسف على الازعاج..
طوط طوط طوط
من گد ما نقهرت رگعت التليفون بالگاع وظلت تبجي ..اجاهة احمد وعبير واماني وفرات قند شكو خالة شبچ... عبير انطيني جنطتي ارد ارجع للبيت تعبانة ..
- شنو صار ..
- وهية صرخت عوفونننننني ياناس مجاي ادخل باحد اني ليش تتدخلون بحياتي .. خالوني بحالي ..خالة اماني جيبي جنطتي بسرعة .

ركضت اماني جابت جنطتهة اخذتهة وصعدت بالسيارة لحگهة احمد بسرعة شخطت السيارة وطلعت احمد لحگهة بسيارتة جانت تمشي مثل المسودنة و وكانو اتريد اتموت روحهة احمد ايريد يلحگهة ماكو... الى ان وصلت للبيت نزلت من السيارة
وفتحت جنطتهة اكو عدهة مفاتيح بجنطتهة .. ودخلت احمد لحگهة ونزل ورهة وايصيح ..قند وگفي اشوي ..
الى ان دخلت للصالة امهة وابوهة جانو گاعدين ..فهية بدون سلام صعدت اول باية من الدرج وامهة صاحت عليهة ..
-وين راحية ست قند..
- ابوهة: قند وين جنتي ؟ وليش طلعتي من الصبح بابة

وگفت ودارت عليهم رادت تحجي واستلمتهة امهة
- الخاتون ماتحملت اشوف صاحبهة .. من اگول عليهة ساقطة ماترضون  ولچ آنتي غلطة عمري ...

وگعدت تغلط واتفشر عليهة هية من گد ماختنگت انتجت على الحاط وصرخت
- كاااااافيييي ...ولكم عوفوني شنو سويتكم آنتي هم حاسبة روحچ ام .. اكو ام اتعير بيتهة ماكو يوم حسيتي بية خالصتي ٢٢سنة بس اتغلطين واتعيرني واني ساكتة مافتحت حلگي بيوم وجرحتكم بحجاية بس على فكرة اول مرة من عفت مراد علمود ابوي وهو چان ايريدني ازوجة ورجعت الكم وانتو تدرون بية احبة ووصبرت على الحچي مالتچ يمة وما ارد ..وانت بابة من ذاك الوقت ليهسة بس تنظرلي بضرات الاحتقار وهم ماحاجية وصابرة ..ليش اصبر گالولي ليش علمودكم لو علمود افندي مراد ..
- ها قند طلع اللسانچ بس ارد اگلج حبيبتي مراد الي ما سأل عليج وما اذكرچ ..
واستمر النقاش بس احمد چان ايباوع على قند من تحچي مختنگة وگوة تسحب النفس وحاطةايدهة على صدرهة ..فگالهم كافي سدو الموضوع خالوهة ترتاح راح اتموت
-امهة :اذا اتموت اسوي فضل على الاقل نخلص من عارهة.
ابتسمت قند وهية تتنهد بوجه امهة وگالتهة وعند عيناچ مامة باجر راح احجز واسافر الى المانيا وبعد ماشوفين رگعة وجهي ..
- طبعاً مو آنتي سويتي كل هذي المشكلة علمود توصلين لهذي النقطة علمود اهناك اشوفين الگو** مالتچ

امهة ظلت تغلط عليهة هية اتحس الدنية ظلت تفتر ولسانهة ثگل وماتگدر تحجي ورجليهة بادت گالبهة ايدك حيل ماتگدر اتجر نفس دارت على احمد وعيونهة حمر وگوة تسحب نفس رادت تصعد الى غرفتهة بس 
قند : احس راح اموت اباوع عليهم ردت اصعد بس ماحسيت بشي غير اني طحت بعد ماذكر شي ..فتحت عيني بالگوة واسمع احمد ايصرخ وهو يبجي انتو السبب راح اتموت ارد احجي ما اگدر..غمضت عيني ..واني مغمضة عيوني شفت مراد اجاني گالي اتريدين اتموتين واتعوفيني شبگتة گتلة اني وين ..آنتي بالجامعة مالتي اهنا اول مرة التقينة وهنا راح نفترق  ..
راح اموت يعني ..
مادري .. اتمددت على رجلة وهوة يلعب بشعري اني بس اباوعلة وارد انام ..وحسيت شي ايهز العالم الحلو مالتي گالي بابتسامة..رجعي   قند ..شهگت وفتحت عيني چان الگة روحي بالمستشفة اعتقد اني بالعناية المركزية لان داير مادايري اجهزة ياليتني متت واخلص من هذا العالم شنو عندي بالدنية اشو لا أَامٌَِْي اتريدني ولا ابوي وحتة الشخص الي احبة حجاهة بصورة واضحة بعد مايريدني واحمد كبر وراح يزوج عمضت عينوني واني يأسة من الحياة اسمع صوت بابة فوك راسي قنود اني ﺁسف بابة گعدي لج بابة والله غلطان وياج قند آنتي اغلة شخص عندي بالدنية ماباوعتلج باحتقار ولا مرة اصلاً آنتي تشردين مني اذا طلعين للدوام اطلعين بلة ريوگ واترجعين بالاربعة العصر امة اترجعين للبيت گبل اتامين او اطلعين لعبير واذا اسال عليج امچ اتگالي نايمة آنتي تشردين بابة منة صحيح ايجوز بالبداية ماتقبلت الموضوع بس بعدين انتبهت آنتي الضحية ..

فاتحة نص عيني بالگوة اباوع على بابة وهوة يحجي وياي حسبالي اني جاي احلم انوب لزم ايدي وايبوس بيهة .. اسمعة
بابة گعدي ياعمري لخاطر ابوج اتحملي وداعتج ما اخلي احد يضغط عليج بعد وشنو اتريدين اسوي الج باس گصتي وطلع..
اجت الممرضة انطتي ماعرف شنو بالمغذي بحيث ما كدرت افتح عيوني ..

ظلت قند على هاي الحالة ليوم كامل الدكتور ايگالهم مجاي تتجاوب وية العلاج لهذا السبب ماتصحة ..والي صار وية قند جلطة بالقلب بسبب ارتفاع الضغط قند جانت تدري عدهة ضغط بس ماجانت تاخذ علاج ومامهتمة بالموضوع ومحد من اهلهة وحتة عبير تدري بيهة بريضة خطية جانت اذا يرتفع ضغطهة اتنام ..وبضهر اليوم الثاني گعدت وطلعوهة من غرفة الانعاش احمد وعبير وامهة وابوهة وحتة ملاك خطيبة احمد واگفة يتحمدون على سلامتهة هية بس ساكتة ماتحجي اجة الدكتور گالهة حمد على سلامتج ست قند  .. مرمرتينة يالة صحيتي .
-شنو بية ؟
- صارت عندج جلطة من الضغط اذا ماتدرين عندج ضغط ومرتفع وسببلج جلطة
- ادري عندي ضغط صارلة ٣اسنين من دريت بية .
-يعني تاخذينلة علاج .
-لا
-ليش ماتاخذين علاج هوة الضغط القلب هين .
- دكتور تمنيت يوگف هل گلب علمود اخلص من هل الدنية .

الكل ساكت ومنقهر عليهة احمد بس يبجي هوة وعبير جانت حالتهة تكسر گلب اول مرة ايشوفنهة هيج قند خالصت عمرهة كلة اتكابر وما تحجي بوجعهة وتتحمل وتسكت وية الكل جانت تنطي بس ماتاخذ ..
الدكتور رد عليهة .. يعني كل انسان ايعيش اشوية صعوبات يرفض الحياة .!!
- دكتور مو اشوية دكتور محد يرحم وصعبة اتعيش وية ناس اينبذوك والاصعب اشوف عمرك راح وانت ماشايف منة شي .. ياريت اطلع كل الموجودين ارد ابقة بحدي تعبانة
- احمد : قند .. بعدة مامكمل
- حمود لخاطري عوفني واطلع تعبانة

كلهة طلعت بقت بحدهة وهية اتفكر شنو اسوي گامت من فراشهة وجسمهة كلة خدران راحت للحمام واتروح وترجع بالغرفة ..
وبالليل كتبلهة الدكتور طلعة من المستشفى ..

ماكو اي تفاعل 😔
&&&&&&&&&&&