وفاءاً لك

يوم العرس

تعليق واحد 🙁 على البارت السابق
@@@@@@&
- صدك ليمتة تجي غرفتك اشو بعدكم ماجايبهة ؟
- اليوم بالليل اينصبوهة وباجر يجون اهل ملاك ايحطون غراضهة .
- خٌوش حجي .
- ماجاوبتيني !
- على شنو ؟
- اذا اجة مراد ايخطبك اتقبلين ؟
- حمود السانك صاير طويل وياي يعني حتلو اتعرس ترة بعيني تبقة احمد الطفل .
- جد قند جاي احجي .
- اني لو علية موافقة لان صراحة من اشوفة وگنو شي ناقص عندي وبوجودة يكمل بس ..
- أَامٌَِْي وابوي .
- اي مجاي ينطيني گلبي اكسر بيهم احمد اني جنت امقررة من ارجع افاتحهم بهذا الموضوع بس من رجع شمل العائلة ماگدرت اكسر گلب أَامٌَِْي وابوي صَـَـَـَـَـَ(✓)ـِـًـِــِـًـِـح الوالدة عصبية وتتعارك وياي دائماً بس هية حقهة لان هية ام واتريد اشوف بتهة مرتاحة .
- آنتي راحتك وية الشخص الي اتحبي.
- شنو ايقنعهة بهذا الكلام ... انطيني تاليفوني ادك على ابو القاعة لو ماتريدني ادخل ؟
- هذا راسك ابوسة واعتذر منك ولو اتريدين هم رجليج ابوسهم بس لا تنقهرين مني .
- صدك انت اشلون عوفت اني اهنا وطالعة وية بيت عبير ؟؟
- صاحبي بالمطعم شافك ودك علية گالي اختك اهنا يمنة .
- وليش صاحبك دك عليك السالفة بيهة انة !!
- طبعاً من اتكون اختي قنود الحلوة اشلون ما يدگون علية .
- گومني مابية ارد اسبح عندي شغل لازم اروح للحلاقة اترتب وجهي اني صبغت شعري اهناك حلو لونة ؟
- آنتي شنو اسوين بالنسبة الي آنتي احلة مرة بالدنية .
- ارفع معنوياتي بعد بعد هههههههه
- هذا الصدك .

گامت من الجرباية واخذت علاج قبل الاكل وطبت سبحت وراحت للحلاقة وفات اليوم بشكل كلش متعب وحتى ثاني يوم چان هم متعب وركضة ركضة قند اتروح منا تجي منا صدك نسيت اسولفلكم على اجازت احمد بنفس اليوم الي سوو الغرفة قند اخذت تليفون احمد ودگت على سعيد چان احمد يمهة بغرفتهة دگ التليفون رفعة سعيد

-ألْـو هلة احمد اشلونك شخبارك .
- الو مرحبا سعيد اشلونك شخبارك عرفتني ؟؟
- اشلون ماعرفتچ يا بذات يالي ما اتسألين ادري آنتي و مراد على خلاف اني شدخلني  .
- اني اسفة بس افكاري جانت مشوشة وجنت تعبانة وبعدين اني حتى رقمك ماعند اشلون اتصل بيك الله ينطي احمد الي خلاني اشوفك .
- اي والله آنتي شخبارك احمد گالي انو آنتي جنتي مريضة حمد لله على السلامة.
- الله ايسلمك  بعد شنو اسوي العمر هم الك دور .
- يمعودة ياعمر غير آنتي احلة من گبل .
- ههههههه همزين محد يمك ردت احجي وياك بموضوع .
- آنتي اتمرين بس قبل كلشي اشلون عرفتي محد يمي ؟
- لان لو اكو احد يمك وانت هيج حجيت وياي چان انگطع الاتصال وحضرتك بالمستشفى .
- ههههههه تقصدين مراد لا مراد مو يمي .
- على العمود يعني انت تدري اني بحدي ومريضى اشلون تقبل اختك هيج تتعب .
- افة آنتي بس طلبي  واصيرلك خادم .
- خادم ربك بس واحمد عرسة بعد ٣ايام ومحتاجتة يفتر وياي لان من جاي اسوك مرات عيوني اتغوش والفرة طويلة وبس اني واحمد واذا ماتدري اني محد بقالي بهذي الدنية بس هوة وعرسة اذا ما اسوي براسة خير منو ايسوي الة .
- بشرط انطي اجازة .
- !!! شنو ؟
- اتعزميني على العرس يعني ايصير ما اجي ومحد يعزمني .
- معقولة احمد ما عزمك ..يابة انت معزوم ومن طرفي بعد شتريد وجيب وياك المدام هم ودي اشوفهة .
-انشالله بس مو اتفضحيني گبالهة .
- ههههههههه ابد اعتبر سرك بير .
- گولي لاحمد مشكور خاليت قند ادك علية وتحجي وياي بعد هذا العمر .
-انشالله ... نتشاوف بالعرس
- اكيد .
- مع السلامة
-الله وياج.