وفاءاً لك

حبيب تحملتُ منه الاذى

ماذا حصل هل توقفت الارض عن الدوران ام انني لا ارى سواك هل صمت العالم اجمع ام انني لا اسمع سوى صوتك لحظة وكان قلبي يريد الخروج من صدري من سرعت الخفقان توقف ايها القلب الضعيف فلا طاقة لديك لكي هذا العشق ..
أنا أعشقك يا حبيبي وأنت آخر من أفكر به قبل أن أنام، أنا أعشقك يا حبيبي وأنت أول من يخطر ببالي بعد صحوة المنام، أنا أعشقك يا حبيبي وأنت الذي أراه في كل وجه، أنا أعشقك يا حبيبي وأنت الذي قلت للناس لن ولم أعشق سواه، أنا أعشقك يا حبيبي وأكاد أن أفقد عقلي، ولا أعرف ما الذي دهاه، أنا أعشقك يا حبيبي ومن أجلك سوف أبقى على حبّي ولن أنساه.
::::::::::::::::::::::///////////::::::::::::
دخل مراد هوة وسعيد ومجموعة من الادارين بالشركة قند ماتعرف شنو صار برجليهة مجاي يتحركون وكلبهة ظل ايدك بسرعة وهية اتباوع على مراد من بعيد ومراد ايحاول يلگاهة بين الموجودين الى ان حست اكو شخص ايهزهة فگالت :
-ها شكو؟
- آنتي الشكو انتبهي على تصرفاتك قند لا اتفضحينة بالعرس والمعازيم جماعت اخوچ .
- عبير ما اعرف اجاي ايصير بية احس گلبي راح يوگف هذا اجابة اليوم واگبالل الناس .
- آنتي تحجين صدك قند جاهلة دروحي عندك معازيم وناس تجي و هسة يجون جماعتك بالشركة لازم بأبتسامة تستقبلين الناس و لا اتبينين شي ما يحتاج اوصيج .
- واذا اجة يمي شنو اسوي ؟
- تعرفين لحضة حسبالك جاي احجي وية اماني مو وية قند ... قند آنتي مو اصغير ولا اضعفين مثل قبل گبالة ترة مراد يستغل هذا الشي بيچ وكافي الي صارچ قبل اذا اتريدين اترجعين الة لا اتذبين روحچ علية لان اني اعرفچ هذا الي بالج..
- اروح اشرد منا والتهي بالمعازيم احسن شي .
- اگلج صدك مراد صاير ايخبل .
- 😒.
- شنو اتغارين علية ههههههه باعي على روحچ اشلون اتباوعين هههههه.
- عبير كافي .
-هههههههه عيني نعتذر بس هذا الصدك صاير حلو .
- اروح احسن من اظل يمچ

همة دخلو وقند توجهت لباب القاعة تستقبل المعازيم وهية واگفة ما حست الة امهة بصفهة فدارت عليهة وضحكت

- ها مامة شنو عندك يمي ؟
- مو اني ام العريس المفروض استقبل الناس مو آنتي ... لو اتريدين اشوفين ناس بالحفلة انو آنتي يم الباب .
- استغفر الله ... المدير مالتي والموضفين راح يجون لهذا السبب واكفة  وعلى مراد فأني حتة ماسلمت  وياريت لا اتأذيني و صراحة ما اريد اخرب فرحتكم اليوم فلا تفترين وراي وشمرين بسامير .
- والله وطلعلچ اللسان يا قند لج شنو هل صلافة عازمتة وگبال الناس شنو راح اتگولين ؟

ابتسمت بوجه امهة برود مجاملة للناس الي ايباوعون عليهم واحمد چان خايف من المشكلة من ابيعيد ايباوع
- لج شنو هل الصلافة .

اتباوع على مراد من ابعيد ودارت على امهة والدمعة بعينهة
- حسافة العمر الي ضيعتة علمود لا ازعلكم بس لو افتهم آنتي ترتاحين من اشوفيني مقهورة ... ودي احلفك اني بنتچ لو آنتي متبنيتني لو شنو الفلم ؟

عافتهة وراحت للحمامات بدون ما اتخلي احد ينتبه دخلت للحمام وقفلت الباب عدلت وجهة واشوي وطلعت لگت جماعتهة جاين فراحت الهم الكل بالبشركة جانو گاعدين على طاولة وحدة
- مرحبا نورتونة .
المدير : النور نورك قند شنو اشطالعة اليوم .
-قند :بابتسامة مسطنعة شكراً من ذوقك استاذ ﺁﺇﺃﺱـفة على عدم استقبالي الكم .
- الجماعة :ولو قند شنو القصة .
- احد الاشخاص :حمد لله على السلامة ليمتة اداومين ؟
- الله ايسلمك بعد العرس من اتخلص اجازتي .
- المدير گام : اهلاً استاذ مراد شنو هذي الصدفة ؟
- مراد بصوت رجولي : اهلاً استاذ علاء .. لاصدفة ولا شي بس اجيت لعرس احمد الي وياي بالشركة .

چان يحجي وقند متشنجة لان هوة وراهة ومد ايدة  ايسلم بحيث حست عطرة اختلط وية جسمهة ويلاه على هذا الحب جانت ودهة ادور واشبگة اگبال الكل چان ودهة اصرخ احبة  چان ودهة اتگلة لا اتعوفني مشتاقتلك شنو هذا ما ايحس على روحة ولك گلبي اتگطع من الشوگ  والله احبك ما اگدر اعيش بلياك بعد اذا انت يوم اذيتني فأني مسامحتك اذا يوم زعلتني اني امسامحتك ...مشاعر قند جانت كلش متخربطة

- احمد : استاذ مراد اعرفك اختي قند .

دارت وصارت ويا وجه بوجه مد ايدة ايسلم وعينة بعينهة .

- مرحبا ست قند شرف الي اشوفچ مرة ثانية .
- الي الشرف استاذ مراد .

يمكن القاعدة كلهة عافت العرس وظلت اتباوع على قند و مراد  لان واحد صافن بالثاني ... الى ان حمحم احمد
سحبت قند ايدهة من مراد وجهة صار احمر من الخجل .

@@@@@@@@

يا جماعة اريد تفاعل بهذا البارت وتعليقات و علمود اسويلكم البارت الاخير ..
التأخير بسبب الدوام