وفاءاً لك

ماضي مراد

رجعهة ابوهة واحمد للبيت اتلگدتهم امهة اتهلهل هية حتى ما باوعت بوجه امهة من گد ما مغثوثة منهة صعدت لغرفتهة وگالتهم ارد انام دخلت وقفلت الباب طلعت لابتوب تحجز سفرة لالمانيا .. بعد تفكير مطول وية روحة قررت تاخذة استراحة اتعيد فرمتت نفسهة من جديد وتنسة كلشي ..
طق طق ..الباب اندگ صاحت منو .. احمد : قنود اني ..

گامت فتحت الباب
احمد : اخاف تردين اتنامين ..
- لا ادخل بس مالي خالگ اهلك كلش

دخل وگعد على القنفة وهية على الجرباية صارت اگبالة گالهة
-يعني طلعتي ماعندج احد تهتميلة مو..
- شوف احمد اذا تريد تحجي بمواضيع اتغثني فأطلع احسنلك ..
- على راحتج قند اصلاً اني شنو وتهتميلي..عافهة وطلع
مابيهة حيل اصيح علية  وتليفونهة فالشتة .. اخذت علاج ونامت
ثاني يوم من الصبح اجتهة عبير واحمد راح لشغلة يومين غايب اتلگ جماعتة من باب احمد استاذ سعيد معصب منك يومين غايب ولا تسال اعتقد راح ايفصلك .. وهوة روحة طالعة من سعيد بعد الموقف السيخف الي سوة بقند ... گالهم وهسة يعني شنو ايريد يفصلني لو ايرزلني اني رايحلة .. صاحبة گالة احمد على كيفك هوة الشغل يتحصل وانت اتريد اتبطل ..وراك عرس لا تنسة.
عافهم يحجون وراح لمكتب سعيد  السكرتيرة جانت بمكتب سعيد هوة گعد ايتاني واشوي وطلعت لگت احمد گاعد ..
- السكرتيرة: استاذ احمد المدير منتضرك 
شايفة بالكامرة.. دگ الباب ودخل .. ذاك چان گاعد يقرة بالملفات
- مرحبا استاذ .
رفع راسة وگالة : احمد من اني اميزك اشوي على البقية مو معناهة تضرب الدوام هيج وانوب موقعك اداري  .. لا اتصلت على جماعتك واخذت اجازة ولا اهتميت
- اعتذر استاذ بس عندي اسبابي الخاصة .
- وبللة شنو اسبابك استاذ احمد!!
- اختي جانت بالمستشفى
هذا فز من الميز وگالة بصوت عالي قند!!
- اي استاذ
- شنو بيهة ؟
- صار عدهة ارتفاع بالضغط وانوب جلطة بالقلب .
- ليمتة وليش ما گتلي ؟
- استاذ ممكن احجي وياك بخصوص هذا الموضوع ؟
- !!!
- لا تبدي علامات الاستغراب ولان اني عرفت السالفة كالهة مال قند ومراد هل حقير .. استاذ ياريت اتنبه على مراد يبعد عن قند لان بسبب صار بهة هاي الجلطة .
- مراد ب اربيل شلة غرض؟
- خابر الهة قبليومين ما اعرف شنو گالهة وصار بيهة الي صار قند ماجاي تعرف شنو اتريد .. القهر بعد كل الي سوا الهة بعدهة اتحبة ..
- انت ماتعرف مراد اشگد ايحب قند .
- حب ايش هذا ما تفهمني ساعة يكتلهةساعة يكتل اهلهة وواهواي حجي ما نحجي ..
-هذا كلة لان ايحبهة مراد ماچان مستوعب حب قند وجان رافضة نهأين اني صاحبة من الاعدادية اعرف كلشي عنة من چان ايحب البنات وكل يوم وية وحدة وما يرتاح الة ياخذ منهة الي ايريدة يالة ايعوفة من شاف قند اول مرة ماحجة ولا كلمة چان بس ايباوع عليهة وين تمشي وين تگعد مو مثل كل مرة فگتلة مراد اذا گدرت اطيح هاي البنية شنو اتريد انطيگ اني گالت بالكت هاي غير ويحبة  ويعوف اسواف البنات ويغير وصدگ مراد چان ما يضحك ويفرح ميتغير حالة الة اذا طلع وية قند وهية هم جانت اتحبة قند جانت مثل الماسة شفافة وجداً جميلة چان عدهة غرور مو طبيعي بس وية مراد يختفي هذا الغرور واتغيرت قند صارت الضحكة ماتفترگ وجهة واليمتة ماتجيهم سوة وخاصة بالسنة الاولى مال قند لان مراد چان ايجب الهة الاسالة ويحجي وية الاستاذة ماتدخل محاضرات وهية جانت ويا مراد ما چان ايرد يتقرب الهة ابد الى ان وصلو للسنة السادسة فجنة مجتمعين احنة التلاثة بيتي فگتلهة قند آنتي ومراد ليمتة تنهون هاي علاقتكم ..
الاثنين صفنو بوجهة.. گالتهم ليش ماتزوجون ..قند فرحت بس مراد ما استقبل الموضوع وظل ايصيح وبعدهة رجعت قند لبيتهم ضايجة من مراد وهم مراد اتعارك وياي گتلة انت ليش ماتعترف انت اتحبهة وما تگدر اتعوفة .ليش ماتزوجون وانتو الاثينين واحد ايحب الثاني . گالي اني ما احب بس روحي واگدر اعوفهة . رديت علية ليش  ما اخذت حاجتك منهة مثل كل البنات؟. ظربني وطالع .
- هذا مريض نفسي حقير نذل.
-صحيح هوة مريض نفسي .. وهذا الشي ايعود لحياتة السابقة مابين امة وابو ابو چان كلش ايحب امة ويتمنة بس رضاهة بس بسب شغل ابو ماجان يتواجد اغلب الوقت بغداد واكتشف خيانتهة الة فكتلهة هية وصاحبهة گبال مراد وجان ايعلم مراد انو ما ايثق باي مرة  ولا ايحب ومراد چان بس هوة عند ابو علمة على شغلة الاكشر وكلش چان ايكولة ابو ايصير امر ..انت تدري مراد كم واحد كاتلة چان انسان مريض نفسي ما يرتاح الة بتعذيب الناس اذكر احنة عمرنة ١٦ سنة صيح علية الاستاذ ودة جماعتة وجاب الاستاذ كتلة كتل موطبيعي الى ان مات..بس من اتعرف على قند اتغير اشوي اشوي اني فرحت بداخلي وجنت انبهة على هذا التغير وجنت اساند قند واگلهة على الاشياء الي ايحبهة والي ايضو ج منهة الى ان اتصل علي مراد گالي سعيد  هيج وهيج سويت بقند وقند حاولت تنتحر سعيد قند راح اتروح من ايدي ..كتالة مراد انت اتحبهة لولا ..ردعلية واسمع نشغة بصوتة ايگالي مااگدراعيش بدونهة سعيد احبهة اموت عليهة وك سعيد بعد ماتسامحني ..
كتالة اعترف الهة بهذا الشي كولهة ارد ازوجج واني أحبٍّـِՀօvεٍـج وحاول تستمح منهة.. ورة يومين رحتلة لربيل لبيتة لان اختفة ماكو لا تليفون ولا ايرد .. دخلتلة لكيتة بغرفتهة ويبجي ها مراد شكو اشبيك ..كالي سعيد عافتني بعد ماتريدني سعيد قند تكرهني سعيد رجعت لهلة .. كتلة تهدة وبعدين احجي وياهة گالي خلص كلشي لان حلفتني باعز شي عندي ما اروح الهة وكالتي هية اذا اشوفك بطريق راح تمشي بطريق ثاني ولك كرهتني ..
مراد حقهة دمرت حياتهة انت .. چان صرخ صرخة هزت البيت ومن بعدهة طردني من الغرفة ولليل طلع گال عدنة عملية تهريب اليوم ..كتلة مراد انت تعبان ايولي الشغل وهذا من ساعتهة هلك نفس بالشغل لا انوب صار ايدور نسوان بشكل مو طبيعي وسهر وملاهي وسفر اخذلة خمس اسنين على هذا الوضع وجنة طالعين بملهة بتركية اني ويا وجانن ويا بنات سكر مراد كلش دخلت وحدة للملهة جنهة طول قند هوة گالي سعيد شوف هاي قند چان سكران ما يدري بالدنية راح يمهة اني اباوعلة وگالبي مفطور علية من اتقرب منهة دار عليك گالي مو هية وظل يبجي ارد اطلعة من الملهة وهوة منهار يبجي وايگالي بعد ما انحمل اريد اشوفهة سعيد راحد اموت سعيد گتلهة راح اصاحب عليج نسوان وانساج بس مانسيت اشوفهة من اغمض عيني چان صدك منهار رجع للبيت وگطع الاكل والشرب وانوب خالصهة بس سكتة مايحجي ردت احاول اتصل بقند بس ماكو امغيرين بيتهم ومن عرف مراد ارد ادور عليهة گالب الدنية وهوة چان مريض فما دورت گتلة بس بشرط انسافر تتعالج برة انت مريض نفسياً اذا ماتتخلص من هذي الحلة قند مراح اسامحك طول العمر والزمن يا مراد كفيل بالنسيان .. وصدك طلعنة اتعالج دخل مصحة نفسية بهولندا اخذلة اهناك سنة كاملة چان الدكتور يضغط علية علمود ايخلصة من فكرة خيانة النساء بس بطريقة خلتة ايخاف يتقرب من قند چان ايگلة انت بسبب تصرفاتك دمرت قند ومن هذا القبل صحيح مراد رجع انسان طبيعي وبطل شغل تهريب وضل ايخاط لا وبدل مجال عملة كالة بس ظل ايخاف ايشوف قند خاف هم ايأذيهة جنت اجيبلة اخبارهة ومن يسمعهم ايضوج اكثر چان ايوصي بيهة  بشركتهة ويرفع راتبهة وحتة السيارة الي اجتهة هدية من عندة هاي السالفة هواي اشياء بحياتة الة ايد بيهة شكو شي حلو صار بالصدفة هوة مدخل بي .. الى ان مليت اني من هذا الوضع وكسر خاطر امر هذول الاثنين مراد وحتة قند لان لهذا العمر لا مزوجة ولا عدهة حياة طبيعة فالحيت علية افتح فرع بغداد وظليت اخطط الى ان صار الي صار  مراد من شافهة اگبالة ماجان يعرف شنو ايسوي حتة حجية نسى بيومهة اتوقعت راح تنحل الامور بس اتعقدت اكثر مراد اتعارك وياي وقند اتمرضت .
لو انت بمكاني شنو اسوي ....
- بمكاني شنو اسوي ....

.&&&&&&&&&&