احتواء أنثى

البارت الاول

البارت الاول

#احتواء_انثى

مثل اي يوم عادي ماما وخالتي يكعدن العصريه حتى يشربن جاي ولازم ماما تصيح .....

ماما:ولج روزه بنيتي تعاي صبي جاي لخالتج

روز:اي ماما اجيت بس اضم كتبي

شفتوا مو كلتلكم لازم تشرب جاي وتصيحني اني اسويه

ركضت لميت كتبي الي هن عبارة عن حياتي ومسقبلي ......الشي الوحيد الي شاغل بالي دراستي

رحت خدرت الجاي واني ادندن واغني انتظرة يخدر فار الجاي طفيته وصبيت استكانين جاي ورحت خليت لامي وخالتي الجاي وترخصت اروح للغرفه

حتى انطوي بغرفتي وتصير الوحده هي حياتي وريحه الكتب والاوراق والاقلام الي اعشقها هاي هي حياتي الهادئه تحسوها مابيها اي مشاكل ومرتاحه ....

قطع☻

مرحبا اني روز بس ماما تصيحلي روزه 😹المهم اني وماما عايشين ويه خالتي اعتبر نفسي ماعندي اب ولا اخ ولا اخت حياتي واهلي بس ماما الي هي روحي من الدنيا املي الوحيد الي عايشه علموده

وهي الي حببتني بالدراسه لان تكول شهادتج سلاحج ادافعين بيها عن كل واحد يذلج وتفتخرين ومحد يكدر يعيرج دام عندج شهاده

هاي جان تعلوم امي

اما ابوي الي دمر طفولتي وكرهني بحياتي والي قتل اخوي الي بعده مااجه للدنيا وانحرمت من الاخ بسببه

ليش ابوي هيج سوة

نرجع ليورة من جان عمري ١٠ سنين

واكفه بزاويه وابجي واحط اديه على اذاني حتى لا اسمع والخوف مسيطر عليه...وابوي يضرب بأمي

بابا:لج بت الكح.... لشوكت مااسمعين كلامي اكلج اطلعي واركصي

ماما:مااكدر اني حامل وحرام سبق وكتلك حرام هذا طريقك لشوكت اضل بيه

بابا:لج هذا طريقي يكسبني ملايين

ماما:لخاطر الله عوفني طلكني وخليني اعيش حياتي بتك صغيرة وابنك ماجاي للدنيا عوفني اربيهم عدل واعلمهم

بابا:لج اني كو_ _ اريد بنتي تتعلم الركص والضحك ويه الزلم ويله اطلعي للصاله اركصي

ماما:مااركص لو اموت حرررام اطلع جسمي للزلم الله يغضب عليه

بابا:كتلج اطلعي لو اموتج

ماما:موتني خل ارتاح واموت

جنت اسمع كلامهم وخاتله بالزاويه واسمع حجي ابوي وشلون من رفضت امي ضل يضرب بيها ويرفس على بطنها لحد ماطلع دم وتخربطت

واني طفله مااعرف شسوي مو بيدي شي اسوي جنت اتمنى ابوي يموت ولا يضل يسوي هيج بينه

طلع وصاح واحد من زلمه يودي امي للمستشفى اخذوها واني ماخلوني اروح واشوفها وشوي وطب ابوي وجرني من اذني ويلوي بيها