احتواء أنثى

البارت 22

البارت 22

#احتواء_انثى

شوي وفات ضليت مصدومه توقعت اتخيله بس طلع هو سراج ...ركضت حظنته وحجيت

سراج وينك طلعني راح اموت

_لج والله هلكت يله كدرت اوصل لمكانج ...اشش محد يأذيج ...شنو هاي شبيه خدج وحلكج

رفعت راسي اله وبجيت

_مد ايده عليج الحقير خل نطلع منا قبل لا يجون وبعدين اتحاسب وياه بس خل ارتاح واطلعج

_شلون اجيت محد شافك

_لا واحد سكران ويعيط ولازميه الحرس وبسرعه كدرت افوت لان ظلمه

_ابتسمت بأستهزاء اكيد هالسكران ابوي

_امشي خل نطلع.....عوفي الحجي

ردنه نطلع وفات ابوي وجماعته سراج خلاني ورة ظهرة وتقرب من ابوي وضربه وجان سكران مايتحرك .....وضرب الي جانوا وياه

بس واحد منهم رفع عليه سلاح وعافهم

_بس تضرب اكتلها

صحت وخر عنهم سراج وتقدم واحد ضربه من ورة تلاوه وياه بس لزمه بالسلاح مدوه تقريبا ٣ وخلوا السلاح براسه ..... رفعوا لابوي وكوة لازميه

تقرب منه ابوي ورفع راسه وضربه بالسلاح بوجهة بس هو ضال ماوكع ولا دار وجهة

دار وجهة ابوي ويباوع عليه ويحجي بثكل وكوة ساند روحه

_هذا زوجج مو يعني الحجي صح مزوجه ...ومن وراي ليش ماعزمتيني جان اجيت وجبت نسوان بعرسج

حقير عوفه شتريد منه

_مثل ماكتلت امجد اكتله بس مو هسة حسب مزاجي

سراج فدوة روح وعوفني يأذوك..صاح بيه

_لج انجبي شنو اعوفج شتخربطين اسكتي

رجع سراج تلاوه هم وياهم وضل يضرب بأبوي وجماعته ثواني وصوت طلقه طلع

جان ابوي واكف ويترنح بمشيته ولازم السلاح ويحجي

_بس تتقرب طلقه براسك

_سراج فدوة كافي عوفه اذا تحبني لا تضربهم

_لج مااشوفين هالقذرين شنو يسوون

_فدوة عوفهم انت راح تتأذة

وافتروا اثنين عليه ضربوه بالسلاح على راسه ولزموه وخلو الاصفاد بيده من كدام كلبشوه وهو يجر قوي حتى ايده اجرحت يريد يفك الاصفاد بس مايكدر

_عوفوهم هنا باجر اخذ هالسا....وهذا الكلب اكتله

عافونه وسدوا الباب

ركضت يمه هو رفع ايديه وخلاهن ورة ظهري وحظني

_ليش مارحت ليش ضليت تضرب بيهم باجر راح يأذوك والله مااتحمل اموت وراك اذا صار شي

_اشش ولج كافي مادام موجود محد يأذيج اني احميج لج انتي مرتي محد يتقرب منج مادام عايش

_والله ماعنده رحمه مايفهم روح منا

_مسودن اعوفج وامشي مااطلع الا انتي وياي

ضليت حاظنته وماعفته كاعدين وابد مانمنه

محد اجانه يوم كامل ...غفيت بحظن سراج وهو ابد ماعافني مستمر حاظني

ثاني يوم ب٨ بليل يله فتحوا الباب وابوي دومه سكران وريحته تلعب النفس

تقرب شافني بحظن سراج سحبني بس ماكدر لان سراج حاظني قوي تقدم واحد ضرب سراج على وجهة بالسلاح بس هو ضال لازمني

ماكدرت اشوفه بهالوضع ....يضربون بيه وساكته وخرت عنه وسحبني ابوي

سراج لزموه ٤ وفكوا الاصفاد وضلوا لازميه بقوة وهو يعيط عليهم....ابوي حجه

_اي عفيه افتهمي واتقربي وطاوعيني لا تمشين ورة كلام الغريب

لزم ايدي ويجر بيه ويأشر على سراج وكال

_شوفوا شغلكم وياه ...رديت

_فدوة عوفه مايسوي شي بس لا تكتله فدوة

_لهالدرجه تحبيه وتخافين عليه لعد خل اكتله كدامج

_لا فدوة لا تسوي هيج بيه .....ضليت اصرخ وابجي واتوسل بيه

_انت يالاسمك سراج هههههه ضحكه استهزاء ....شنو اخر شي تريد تكوله قبل لا تموت

باوع عليه بنظرة جانت عيونه تلمع وبيها الف اعتذار وندم وشوي ونطق الكلمه

_روز احبج

جنت اتمنى اسمعها من قبل وماسمعتها الا بهاليوم الي خايفه منه

الايام والاشهر والكم سنه الي عشت وياه مااسمعها الا هسة ....مااعرف راح اعيش او اموت بعد هاليوم ولا اعرف مصير سراج

ضليت اباوعله وابجي رغم الي امر بيه والوجع ومااعرف وين تاليتي بس من سمعت نطقها الكلمه ابتسمت اله والدموع على خدي

سراج بحركه سريعه دفع الي واكف بصفه وسحب سلاحه وضربه طلقه

صرخت وماجنت مركزه كل ظني سراج الي تصوب

بس لا السلاح بيد سراج وضرب الي واكف بصفه وافتر على الثاني وضربه واني بكل صوت طلقه اعيط واخاف عليه

رفع ابوي المسدس وجان واكف قريب مني ....راد يضرب سراج بس دفعته وكع

اما الاثنين الباقيين ضل يتلاوة سراج وياهم وضربهم ووكعوا ماكعدوا

واني مابدر مني بس اعيط وخايفه ركض سراج الي

_لج شكو جامده امشي نطلع

لزمني من ايدي وكوة حركني درت وجهي ومااحس الا طلقه

صرخت سرررراج...
❤❤❤❤❤❤
نزلت هالبارت من وقت .....لان هديه لعيد ميلاد صديقتي اشكم وطلبت مني انزله كل عام وانتي بالف خير ...احبج😍 sajosh6853

.........
بارت قصير ..بس يفصل على النهايه بس بارت واحد 😭😭😭😭😭وتخلص القصه ....ساعه ٥ انزل البارت الاخير

توقعاتكم

#امونشا
#باندا

رأيكم❤
صوتوا☻