البارت الثاني
#احتواء_انثى
هاي حياتي تعرفتوا على جزء من الماضي وشنو العشته
بس حاليا مستقرة وماعندي اي مشاكل بس ادعي ابوي مايلكانه ولا اشوفه مادام عايش اضل خايفه منه
ماحجيت الكم عن مواصفاتي...عادي هسة احجي🙂
رشيقه وقصيره شعر طويل عيون واسعه سود بشرة بيضه شفاه ممتلئه بس تناسب شكلي وحلوة
مااختلط بأحد حياتي واقاربي هم ماما وخالتي وامجد
صافنه على كتبي والقلم بحلكي وسمعت صوت الباب
باوعت امجد دك الباب لبست حجابي
امجد:روزه
_ها امجد
_شأخذتوا خل اشوفج قريتي
_اي قريت تعال فوت نراجع
_يله حتى اشوفج شنو جبت الج
_شنو
_لا من نخلص مراجعه اشوفج
_ديله خل نراجع بسرعه
راجعلي امجد المواد وشافني حافظه بعدها طلع الي علاكه فتحت العلاكه فستان ماروني مخصر لحد الخصر والجوة منفوش
_ياالله يجنن هذا الي اكيد
_اي اكيد
_وليش تجيبلي هيج فستان
_هديه بسيطه
_شكرررا الله لا يحرمني منك
طبعا اني كدام امجد البس حجاب لان ماما معلمتني ماالبس قصير ولا اطلع شعري لان هالشي حرام
ماما:روزه تعاي يمه افرشيلي
_اي ماما جايه
رحت لماما واخذت الفستان فرشت الها وطلعت الفستان وشوفته الها
_الله يمه يجنن منو جابه الج
_ماما امجد جابه الي هديه
_شنو المناسبه كل مرة يجيب الج بعيد ميلادج وبنجاحج
_ماادري ماما بس عادي فرحت بيه يجنن
_تلبسيه بالافراح يايمه تعاي نامي يمي
_اي ماما مشتاقه لحضنج
حضنت ماما ونمت وهي تبوس براسي ....متعلقه بيها لان هي الوحيده الي تفهمني وماتعلمني على الغلط وحتى اذا غلطت تعلمني وتفهمني وابد مااضم عليها شي بالعكس افرح احجيلها عن كلشي يصير بيه
مااهتم لسوالف البنات وكلام المراهقات المهم دراستي اريد احصل على شهادتي بس هم المراهقه لازم عدها مشاعر وتفرح اذا احد يريدها
بيوم ماما وخالتي جانن كاعدات يسولفن بالصاله واني وامجد كاعدين يمهن ويراجع الي دروسي ....حجت خالتي
أنت تقرأ
احتواء أنثى
Romanceتائهة بين ذئاب متعطشه للجسد الموت راحه فلا اروى لوجودي حياه وانما ذل بين الذئاب مستهدفه هاربه من الخطيئه فأقع سقيطه بين احضان الرحمه اتوق للعيش بحب فلا ارى في قلبه نبض وانما صخرة متحجرة ......... فتاة صغيرة تهرب من واقع والدها بعد ان ذلها لبيع جسده...
