احتواء أنثى

البارت 23 الاخير

البارت 23 الاخير

لا أستطيع العيش دونك كيف لي أن أفارقك، أصبحت جزءاً مني
أصبحت تحتويني أصبحت الحياة لي، أصبحت الأمان لي
يزداد حبي بنظراتك لي فعشقت لحظاتي معك
بقائك بقربي يريحني ويزداد هوسي فلا وجود لي دونك

#احتواء انثى

لزمني من ايدي وكوة حركني درت وجهي ومااحس الا طلقه

صرخت سرررراج...باوعت يباوع عليه وجتفه مصوب لحظات صمت مااعرف شنو اسوي ..... بسرعه احد ضربه براسه ووكع للكاع

باوعت جان نفسه الحقير

سراج فقد وماكو اي حركه ولا صوت صدر منه ......وكعت بحظنه واكعد بيه وابجي

لك سراج كوم لا تعوفني هذا الذيب يأذيني كوم طلعني منا لاتعوفني والله اموت اذا تعوفني صرخت بعلو صوتي سرررراج اكعد ورجع صوتي صدى الي

_لج كومي اني ذيب حقيرة ساق.....لج كتل زلمي وتردين اخليه يعيش كومي وياي

جرني من شعري واني مامهتمه لازمه سراج ...اخر شي ضربني بخاصرتي وجرني وسد الباب على سراج وزلمه

_فدوة بس لاتعوفه عالجه لا تخليه يموت ماشفته شلون ينزف..... طلعه وشتريد اسويلك

_لج شطلع كتل جماعتي وزلمي امشي خل اذلج واعذبج

اني هاي تالي خلفتي اخوج عار ومات قبل لا يجي للدنيا بقيتي بس انتي مااخليج بعد تباوعين بوجه العالم الا اسود وجهج

ضليت اعيط واضرب بيه وهو ولا يمه يجر بيه

لك عوفني اريد اشوفه ساعده لا تخليه يموت

_اول وتالي هو يموت ورة مااكسرج احرك البيت عليكم

_عوفوني خل اطلعه ...عضيت ايده وفلتت منه ركضت افتح الباب اجه دفعني وطك راسي بالباب وفقدت ماحسيت على شي

💔💔💔💔💔
سراج
فزيت دنيا ضلمه وماكو احد مااشوف شي وجتفي يوجعني وكوة اتنفس

صحت روز .... وكفت ومشيت خطوتين عثرت بأحد

تلمست جان نفسهم الي ضربتهم دورت على مبايلي عد واحد منهم

دكيت رقم الاسعاف رد وكوة احجي طلبت منهم سيارة اسعاف وانطيت الهم العنوان

شغلت الاضاءة ماكو روز مشيت واني كوة اتحرك ردت افتح الباب ماكو ماينفتح ...واني احاول افتح الباب سمعت صرخه روز

💔💔💔💔
روز
كعدت بغرفه...كوة فتحت عيوني انتبهت للمكان مخليني على الجربايه واديه متقيده

وابوي كاعد بالكاع وحاظن الفلوس ويشم بيهن وفرحان وجانت الفلوس هواي

باوعت كبالي واحد جبير سكران وينزع بملابسه ضليت اصرخ