احتواء أنثى

البارت 19

البارت 19

#احتواء_انثى

كعدت على الجربايه ضليت لازمه كلبي

لشوي اندك الباب دكه قويه وسمعت سراج يصيح بأسمي

_لج افتحي الباب روز....اوكفي اني عندي مفتاح على شنو اصيح

طلع المفتاح وفتحه وكفت من شفته اجه تقرب مني ضل يباوع عليه وحجه

_راح اضلين ساكته

جنت مااكدر احجي لان غصه بكلبي مااسيطر احجي بسرعه بجيت وخليت ايدي على وجهي تقرب وحظني ويمسح على شعري

والله اني ماالي دخل كله بسبب ابوي يخلي الرايح والجاي يحجي عليه

وانت بسببك مااحترمتني وتحجي عليه وتعيط وتكول مانعرف شمسويه واني موزينه

بسببك خليت انفال تحجي عليه اني وحد ماعندي اصل وحد ماعندي اهل هي هيج تكلي

وتكول وحده موزينه ومن الشارع وضربتها كلي اني غلطانه بشي ...رفعت راسي اله والدموع بعيوني

كلي اذا غلطانه هسة اروح لبيتهم وابوس ايدها واعتذر شنو غلطي

_اششش ماغلطانه بشي

_اي ماغلطانه كله بسببك انت الغلطان ليش تكول عليه موزينه ليش اني شسويت

انت ماتحبني ...باوعت عليه ..اي انفال كالت مايحبج يتقرب منج لان يعرفج مو زينه مو صح بس كلي اني شسويت الك حجه بصوت عالي

_اسف اسف اسف

حظني قوي وضل يعتذر ضليت ساكته بحظنه رفع راسي ومسح دموعي وكعدني على الجربايه

هو كعد كبالي ورفع رجله للجربايه والثانيه منزلها بالكاع

_كافي ادري الغلط مني ومااعتذرت بس هسة عرفت غلطتي ....جر نفس وزفرة قبل ماجنت اعرفج بس هسة تقربت منج وعرفتج جنت غلطان

_طيب شنو الي تغير حتى تعرفني ثبتتلك شي اني زينه او لا

_لخاطر الله كافي لاتبجين عوفي الموضوع واختي وانفال غلطانات وبعدين يعتذرن ... ارتاحي انتي

تقرب مني وباس راسي وراح

ضليت ابجي ماانطاني جواب معقوله تقرب مني لان عنده غير غايه ....اذا يحبني ليش ماكال هالشي ليش مابرر

كله من ابوي الله لا يوفقه شكول عليه ...

ضليت بالغرفه ابجي ونمت على المكان الي جان كاعد عليه
💔💔💔💔
كعدت العصر ....متيم يلعب يمي نزلته وياي وغسلت الاماعين وخلصت الشغل الي عليه وكعدت يم العلويه

باستني واعتذرت من الي صار اليوم

_لا علويه ليش تعتذرين انتي مو غلطانه ولا بنتج غلطانه الغلط من ابوي هو الي خله الناس ترسم هيج صورة عليه