احتواء أنثى

البارت 21

البارت 21

#احتواء_انثى

ضليت افكر بكلام انفال ...هو يحبني بس ليش مااعترف شنو قصته

ورة ايام كلت لازم اسئله بليل رحت اله دكيت الباب صاح فوتي

فتت باوعت عليه طار كل الكلام من راسي ....ياربي شجابني مرة ثانيه

مو عيب اسئله مااعرف افكر بسرعه اجيت بدون تفكير ضليت صافنه عليه عفته ردت اطلع ركض هو وسد الباب ولزم ايدي

_مااخليج اطلعين مثل ذيج المرة وماقبلتي تحجين

_لا هيج اجيت بس .....قاطعني

_اشش لا اجذبين يبين عليج مثل الي قبلها من جذبتي... احجي شبيج

ضليت اباوعله ودمعت عيوني ...انت ليش ماتريدني وتبتعد ماتريد تتقرب مني ولا حتى اعتبرتني سكتت ورجعت حجيت...... ماتعتبرني زوجه

وعايشين منفصلين وكل واحد بغرفته يعني هيج لهاي الدرجه ماتتقبلني وماتريدني بنفس المكان الكاعد بيه

اني غبيه غلط احجي هيج الك هسة تفكر غير شي ماتفهم مشاعري لزم وجهي وراد يحجي وفتح الباب متيم نعسان اجه ركض حظني وشوي متيم عافني ونام على الجربايه

هو ضحك ولزم ايدي وكال تعاي يمي

كعد على الجربايه وغطى متيم وسحبني كعدني بحظنه ولازي ايدي ويلعب بأصابيعي

_اضلين هيج تفكرين وتوهسين ....نظرتي الجنت مأخذها عليج تغيرت وعرفتج شنو انتي ولو مااريدج ماتقربت منج بالعكس اريدج ....

بس مااريد اتقرب منج لان مااريد هيج حياتنه تبدي غلط لازم كلشي يصير حسب طلبج

باوعت عليه بتعجب وسألته شلون ....تقرب وباسني بعيوني وحجه

_اني ازوجتج بس عقد لا خطوبه ولا حنه ولا عرس لا بدله ولا كلشي تريده اي بنيه ..وانتي من حقج تعيشين هاللحظات مثل باقي البنات ماناقصج شي وبعدين مايتكرر بس مرة وحده

فأريد اسوي كلشي حسب رغبتج بعدين تجين وتضلين يمي ومحد يكدر يأخذج مني

ضحكت وكتله شوكت زين

_هسة احنه محرم وراح يجي صفر مايصير بفرحه الزهرة نسوي العرس شتكولين

_ضحكت اي موافقه

_ههههههه هيج ترديني مامبين عليج

_دنكت مستحيه مارديت.....استخفيت كلش😹

اطمنت من هالناحيه كل الافكار الموزينه راحت ومااهتم لاحد يحجي
😌😌😌😌😌

خلص محرم ودخلنه بصفر صادفت الاربعينيه زيارة الامام الحسين (عليه السلام)

وعطله والولد كلهم راحوا للزيارة مشايه حتى ابوهم راح وياهم وعدهم موكب هناك والولد الصغار هم راحوا ..بس ابن كرار جان مريض وضل بالبيت ماكدر يروح